کراچی میں ایڈیشنل آئی جی ڈاکٹر امیر شیخ کی جانب سے بنائے جانے والے شکایتی مرکز کے اعداد و شمار جاری کر دیئے گئے ہیں، ان اعداد و شمار میں پولیس کی جانب سے شکایتوں کو حل کرنے کے حوالے سے بھی بتایا گیا ہے۔
ایڈیشنل آئی جی کراچی ڈاکٹر امیر شیخ کی جانب سے یکم جنوری سے قائم کیے جانے والے واٹس ایپ کمپلین سیل کے جاری کیے گئے اعداد و شمار کے مطابق 2019ء کے 6 ماہ میں پولیس کو واٹس ایپ کے ذریعے 1603 شکایات موصول ہوئیں۔پولیس کو جنوری میں 276، فروری میں 194، مارچ میں 209، اپریل میں 282، مئی میں 316 اور جون میں 326 شکایات موصول ہوئیں۔
ان شکایات میں سے 696 شکایات پولیس کے خلاف تھیں جو کہ کل شکایات کا 43 اعشاریہ 3 فیصد بنتا ہے، جس کے نتیجے میں 10 پولیس اہلکاروں کو معطل کیا گیا جبکہ ایک اہلکار کی تنزلی، ایک کو شو کاز، ایک کو کوارٹر گارڈ اور 16 کا تبادلہ کیا گیا، جبکہ شہر بھر کے مختلف تھانوں میں 169 ایف آئی آر درج ہوئیں۔ اس کے علاوہ عوامی احتجاج، جلاؤ، گھیراؤ کی 178، زمینوں پر قبضوں کی 135، منشیات کی 92، دھمکیوں سے متعلق 85، فراڈ کی 83، لاپتہ ہونے کی 61، ڈکیتیوں کی 53، چھینا جھپٹی کی 52، چوری کی 45 اور اغوا کی 22 شکایات بھی موصول ہوئیں۔
پولیس ترجمان کا کہنا ہے کہ تمام شکایات کی چھان بین کے بعد اور اس کے حساب سے مختلف اقدامات کیے گئے ہیں، جبکہ دیگر شکایات کو متعلقہ محکموں کے حوالے کیا گیا ہے۔
پاکستان تازہ ترین خبریں, پاکستان عنوانات
Similar News:آپ اس سے ملتی جلتی خبریں بھی پڑھ سکتے ہیں جو ہم نے دوسرے خبروں کے ذرائع سے جمع کی ہیں۔
ذریعہ: jang_akhbar - 🏆 7. / 63 مزید پڑھ »
ذریعہ: arynewsud - 🏆 5. / 63 مزید پڑھ »
ذریعہ: jang_akhbar - 🏆 7. / 63 مزید پڑھ »
ذریعہ: jang_akhbar - 🏆 7. / 63 مزید پڑھ »
ذریعہ: SAMAATV - 🏆 22. / 51 مزید پڑھ »
ذریعہ: arynewsud - 🏆 5. / 63 مزید پڑھ »