’جن لاشوں کو پہلے نکالا انھوں نے آکسیجن ماسک پہنے ہوئے تھے‘

کراچی طیارہ حادثہ: ’جن لاشوں کو پہلے نکالا انھوں نے آکسیجن ماسک پہنے ہوئے تھے‘

23/05/2020 12:02:00 AM

کراچی طیارہ حادثہ: ’جن لاشوں کو پہلے نکالا انھوں نے آکسیجن ماسک پہنے ہوئے تھے‘

جمعے کو کراچی کی ماڈل کالونی میں پی آئی اے کا طیارہ کریش ہوا تو وہاں کیا صورتحال تھی اور بی بی سی اردو کے نامہ نگار ریاض سہیل نے کیا دیکھا۔

شئر پینل منتخب کیجیےReutersImage captionعلاقے کے افراد ایک گھر کی چھت پر کھڑِ ہیں جس پر ملبہ دیکھا جا سکتا ہےکراچی کی شاہراہ فیصل پر عام طور پر دوپہر کو ٹریفک کا رش رہتا ہے لیکن لاک ڈاؤن کی وجہ سے گاڑیوں کی آمدورفت معمول سے کم تھا اس لیے ایمبولینس اور فائربرگیڈ گاڑیاں تیزی کے ساتھ ماڈل کالونی میں واقع جناح گارڈن کی طرف جاتی ہوئی دکھائی دیں جہاں سے پی آئی اے کا طیارہ گرنے کے بعد دھواں اٹھ رہا تھا۔

مصباح الحق کا گیند پر تھوک کا استعمال روکنے کیلیے بولرز کو ماسک پہنانے کا مشورہ - ایکسپریس اردو وزیراعظم کورونا ریلیف فنڈ میں 4 ارب روپے سے زائد رقم جمع پاکستان میں سیاحت پر پابندی ہزاروں خاندانوں کے لیے تباہی کا پیغام

ماڈل کالونی کا راستہ جناح انٹرنیشنل ایئرپورٹ کے سامنے سے گزر کر جاتا ہے، جہاں پی آئی اے کی پرواز پی کے 8303 میں سوار مسافروں کے اہل خانہ میں سے کئی ایک انہیں خوش آمدید کہنے کے لیے موجود ہوں گے، لیکن باہر ٹیلیویژن سکرینوں پر جب اس طیارے کے حادثے کے پہلے ٹِکر، پھر خبر اور آخر میں تصاویر آنے کے بعد معلوم نہیں اس وقت کیا منظر ہوگا، یہ ہی سوچتے ہم ملیر کینٹ کی طرف روانہ ہوئے۔

شاہراہ فیصل سے سپر ہائی وے کو یہ ہی سڑک ملاتی ہے جو ملیر کینٹ سے گزر کر جاتی ہے۔ گیٹ نمبر پانچ سے ایک طرف ماڈل کالونی کی سویلین آبادی ہے تو دوسری جانب چھاؤنی کا رہائشی علاقہ ہے۔ یہاں سے ایئرپورٹ کا رن وے چند سو میٹر کی دوری پر واقع ہے۔ہم جیسے ہی وہاں پہنچے تو سڑک پر جابجا کاریں اور موٹر سائیکلیں کھڑی تھیں اور لوگوں کی ایک بڑی تعداد موجود تھی۔ چھاؤنی قریب ہونے کی وجہ سے فوج کے جوانوں کی بھی ایک بھاری نفری موجود تھی، ان کے ساتھ رینجرز، پولیس، پولیس کی ایلیٹ فورس کے جوان اور ان کی گاڑیاں اس قدر تعداد میں تھیں کہ فائر برگیڈ اور ایمبولینس کو گزرنے میں مشکل ہو رہی تھی۔

یہ بھی پڑھیےپاکستان میں ہونے والے فضائی حادثات کی تاریخفلاحی اداروں ایدھی اور چیپا کی ایمبولینسوں میں میتیں منتقل کی جارہی تھیں، شیشے سے جیسے نظر پڑتی تو اندر لاش جھلسی ہوئی نظر آتی جس سے اندازہ ہوجاتا تھا کہ ان مسافروں کی شناخت میں بڑی دشواری ہوگی۔ایدھی فاؤنڈیشن کے سربراہ فیصل ایدھی حال ہی میں کورونا سے صحتیاب ہوئے ہیں۔ وہ وہاں اپنی ریسکیو ٹیم کے ساتھ موجود تھے۔ انھوں نے بتایا کہ وہ جب پہنچے تو دھواں تو نہیں تھا لیکن آگ ابھی بھڑک رہی تھی، گلی میں رسائی بہت دشوار تھی، وہ بڑی مشکل سے داخل ہوئے اور جو زخمی تھے چار پانچ انہیں ہسپتال کے لیے روانہ کیا۔

تنبیہ: دیگر مواد میں اشتہار موجود ہو سکتے ہیںBBC News اردو کی یو ٹیوب پر پوسٹ سے آگے جائیںانھوں نے بتایا ’صرف رن وے سے دو سے ڈھائی سو میٹر کے فاصلے پر حادثہ پیش آیا، طیارہ تیسری منزل پر پانی کی ایک ٹنکی بنی ہوئی ہے اس سے ٹکرا گیا اور بیس فٹ چوڑی گلی میں گھس گیا۔ جہاز کے ملبے نے گلی کا راستہ بند کردیا تھا۔ ہم نے گھروں کی چھتوں پر چڑھ کر زخمیوں کو چھتوں سے ایک گھر سے دوسرے گھر اور یوں سیڑھیوں سے راستہ بناکر ایمبولینس میں منتقل کیا۔‘

فیصل ایدھی کے مطابق جن لوگوں کی لاشوں کو انھوں نے نکالا انھوں نے ماسک پہنے ہوئے تھے جو ہنگامی حالات میں آکسیجن فراہم کرتے ہیں۔دریں اثنا فائر بریگیڈ کے ایک اہلکار کا کہنا تھا جب انھوں نے لاشیں نکالیں تو سیٹ بیلٹ بندھی ہوئی تھیں۔فیصل ایدھی کے ہاتھوں میں ایک میگا فون تھا جبکہ فوج کے اہلکار بھی اپنے ساتھ ایک بڑا چارج ایبل سپیکر لائے تھے جس کی مدد سے لوگوں کو دور رہنے کے لیے کہا جارہا تھا۔

صوبائی وزیر ناصر شاہ نے بھی ریسکیو آپریشن میں لوگوں کی ایک بڑی تعداد کی موجودگی کو ایک بڑی مشکل قرار دیا۔ بقول ان کے ’لوگ ہمدردانہ جذبات رکھتے ہیں اس لیے جائے وقوع پر پہنچ گئے لیکن اس سے ریسکیو ورکرز کو مشکلات ہو رہی ہیں۔‘سوشل میڈیا پر کسی گھر کی چھت پر لگے ہوئے کیمرے کی ویڈیو سامنے آئی ہے جس میں دیکھا جاسکتا ہے کہ طیارہ نچلی پرواز پر تھا، اس کے بعد ٹکراتا ہے اور سیاہ دھوئیں کے بادل اٹھتے ہیں۔ حادثے کے وقت دوپہر کے دو بجکر پچیس منٹ بجے تھے۔

سعودی عرب کا مرحلہ وار کرفیو ختم کرنیکا اعلان ناقص انتظامات پر جدہ کے 15 ریستوران سیل پشاور: بیرون ملک سے آئے صرف علامات والے مسافروں کا کرونا ٹیسٹ ہوگا

تنبیہ: دیگر مواد میں اشتہار موجود ہو سکتے ہیںBBC News اردو کی یو ٹیوب پر 2 پوسٹ سے آگے جائیںایک عینی شاہد نے بتایا کہ ’ہم جیسے ہی نماز پڑھ کر باہر نکلے تو دیکھا کہ جہاز کچھ زیادہ ہی نیچے آرہا ہے، ویسے یہاں سے جہاز نچلی سطح پر ہی اڑان بھر کر جاتے ہیں لیکن یہ معمول سے بھی زیادہ نچلی سطح پر تھا اس کے بعد اچانک دھماکے کی آواز سنی۔‘

کامران نامی نوجوان نے بتایا کہ جیسے ہی وہ جائے حادثہ پر پہنچے تو انھوں نے دیکھا کہ ’ایک بندہ تھا جس کے بازو اور پیر ٹوٹا ہوا تھا لیکن وہ زندہ تھا، اسی دوران کار میں دھماکہ ہوا، شاید اس کا ٹینک پھٹ گیا تھا۔ اس کے بعد دھواں دھواں ہوگیا اور میں وہاں سے بھاگا۔ پھر ایک دوسرا بندہ آیا تو ہم نے ایک مرد اور ایک عورت کو وہاں سے نکالا۔‘

ماڈل کالونی ایک گنجان آبادی ہے جس کے علاقے جناح گارڈن میں دو سے تین منزلہ مکانات بنے ہوئے ہیں جہاں تین سے چار گھر متاثر ہوئے جن میں سے بھی لاشیں نکالی گئیں۔اسی متاثرہ گلی کے ایک رہائشی نے بتایا کہ وہ جیسے ہی نماز سے واپس آئے تو گھر والوں کو جلدی جلدی باہر نکالا۔ انھوں نے الزام عائد کیا کہ ’سول ایوی ایشن کی گاڑیوں نے پانی ڈالنے میں تاخیر کی، جس وجہ سے آگ پھیل گئی۔‘

جائے حادثہ پر موجود نوجوان مدثر حسن نے بتایا کہ وہ قریبی سٹور پر سامان لینے گئے تھے کہ دھماکہ ہوا، ’تنگ گلی ہے اور اس کے داخلی راستے کا معلوم نہیں ہو رہا تھا جس کی وجہ سے فائر برگیڈ والے بھی یہاں گھوم رہے تھے۔‘جس علاقے میں یہ طیارہ گرا وہاں کی بجلی کو معطل کردیا گیا، جبکہ موبائل سگنلز بھی متاثر ہوئے جس کے باعث وہ لوگ جو اس علاقے کے مکین ہیں ان کے رشتے دار پریشانی کے عالم میں وہاں پہنچ گئے۔

ایک بزرگ خاتون بار بار پوچھتی کہ طیارہ کس مکان پر گرا ہے کیوں کہ ان کا بھائی یہاں رہتا ہے۔ لیکن اہلکاروں کو اس صورتحال میں ان کی سننے کی مہلت ہی نہیں مل رہی تھی۔ اہلکاروں نے انہیں سختی سے متنبہ کیا جس کے بعد وہ آنسو بہاتی دوسری گلی میں چلی گئیں۔سول ایوی ایشن حکام کے مطابق بلیک باکس مل چکا ہے جس کو ڈی کوڈ کرنے کے لیے بھیجا جائے گا اور رپورٹ آنے میں کئی ہفتے لگ سکتے ہیں۔

پائلٹ اور کنٹرول روم کے درمیان بات چیت کی ایک آڈیو بھی سوشل میڈیا پر گردش کر رہی ہے، جس میں کپتان کہتا ہے کہ اس کے انجن خراب ہو گئے ہیں، ٹاور سے معمول کے لہجے میں جواب آتا ہے کہ بیلی لینڈنگ کرو (یاد رہے کہ جب طیارے کا لینڈنگ گیر کام نہیں کرتا ہے تو پھر پیٹ کے بل طیارہ اتارا جاتا ہے) پائلٹ ’مے ڈی، مے ڈی‘ کہتا ہے اور اس کے بعد رابطہ منقطع ہوجاتا ہے۔

کراچی طیارہ حادثہ:فرانسیسی ٹیم کراچی پہنچ گئی پی آئی اے کا فلائٹ آپریشنز کنٹرول سسٹم تبدیل کرنیکا فیصلہ پتوکی میں لنڈاپھاٹک پر کار ٹرین کی زد میں آ گئی، ایک ہی خاندان کے 4 افراد جاں بحق

ہلاک ہونے والوں کی میتیں جناح ہپستال لائی گئی ہیں۔ میتوں کی تعداد اس قدر تھی کہ مردہ خانے میں جگہ کم پڑ گئی اور کئی میتوں کو باہر رکھنا پڑا، جس سے جھلسی ہوئی میتوں کی صورتحال مزید خراب ہوگئی اور تاحال صرف پانچ میتوں کی شناخت ہوسکی ہے۔ناقابل شناخت مسافروں کی شناخت کے لیے پہلے مرحلے میں بائیو میٹرک کیا جارہا ہے۔ پاکستان کے قومی رجسٹریشن کے ادارے نادرا کے ترجمان نے بی بی سی کو بتایا کہ متعلقہ حکام نے ان سے رابطہ کیا تھا جس کے بعد ٹیمیں بھیج دی گئی ہیں جو انگلیوں کے نشانات سے جن لاشوں کا ممکن ہو سکا، شناخت کریں گے۔

واضح رہے کہ محکمہ صحت ناقابل شناخت مسافروں کے ڈی این اے کرانے کا اعلان کرچکا ہے۔اس سے قبل بلدیہ فیکٹری اور ایئرپورٹ حملے میں ہلاک ہونے والوں میں سے کئی کی ڈی این اے کے ذریعے شناخت کی گئی تھی جس میں کئی روز لگے تھے۔ مزید پڑھ: BBC News اردو »

SardarAk007 افسوس The problem of education پانی کی ٹینکی Rest in peace. Condolences to the families of victims. Tragedy/blame will remain tragedy/blame. No one to take responsibility. Let's pray for the Shuhda(to RIP) and survivors(for their earliest recovery). IndiaKillingYouth_IOK IndianMuslimsInDanger IndiaKillingMinorities kashmirlockdown

الیکشن کمیشن نے بلاول بھٹو کو 3 جون کو طلب کرلیاذرائع کا کہنا ہے کہ بلاول بھٹو زرداری کو جمع کرائے گئے اثاثہ جات کی اسکروٹنی میں طلب کیا گیا۔

آئندہ مالی سال کا وفاقی بجٹ 12 جون کو پیش کیا جائے گااسلام آباد : وزیراعظم نے وفاقی بجٹ 12 جون کو پیش کرنے کی منظوری دے دی ، کورونا سے معیشت کو نقصان کی وجہ سے بجٹ اہداف کم کرنےکا فیصلہ کیا ہے۔ بجٹ کا نام نہیں دو. بولو جون میں عوام کی کھال اتاری جائے گی...

کورونا بحران میں فارماسوٹیکل کمپنیوں نے بھرپور کردار ادا کیا ، گورنر پنجابگورنر پنجاب چوہدری محمد سرور کا کہنا ہے کہ کورونا بحران میں صوبے کی فارماسوٹیکل کمپنیوں نے بھرپور کردار ادا کیا ہے۔ Is k dost k medicine k plant hain isi lye us ko khush karnay k lye bayan diya .

سعودی عرب میں کورونا پابندیوں کی خلاف ورزی پرتارکینِ وطن کو کیا سزا دینے کا فیصلہ کیا گیا؟ جان کر ہی پردیسیوں کو پسینے چھوٹ جائیں گےریاض (ویب ڈیسک)سعودی عرب کی وزارتِ داخلہ نے دکانوں کے اندر اور باہر کورونا وائرس سے متعلق پابندیوں اور حفاظتی احتیاطی تدابیر کی خلاف ورزی کا ارتکاب کرنے والے

مسلم لیگ ن فرانس نے پونے دو سو گھرانوں میں راشن تقسیم کیا ۔مسلم لیگ ن فرانس نے پونے دو سو گھرانوں میں راشن تقسیم کیا۔ PakistaniCommunity PMLNFrance LockdownFrance FoodDistribution Rations Families FrancePak pmln_org pid_gov president_pmln AteeqSahibzada WHO EmmanuelMacron Covid19 CoronavirusPandemic

جیل سے بچنا ہے توایک لاکھ روپیہ لے کہ AC آفس آجاؤ؟ ویڈیو وائرل، شہری نے ڈی سی اسلام آباد کو ٹیگ کردیا لیکن پھر انہوں نے کیا جواب دیا؟اسلام آباد (ڈیلی پاکستان آن لائن) سوشل میڈیا پر ان دنوں ایک ویڈیو وائرل ہورہی ہے جس میں سفید گاڑی میں سوار سرکاری اہلکاروں کو یہ کہتے واضح طورپر سنا جاسکتا ہے