اسلام آباد: اسلام آباد ہائیکورٹ نے العزیزیہ اسٹیل ملز ریفرنس میں سزا کے خلاف اپیل کیس میں سابق وزیراعظم نوازشریف کی متفرق درخواست پر نیب کو نوٹس جاری کرکے جواب طلب کرلیا۔
تفصیلات کے مطابق اسلام آباد ہائی کورٹ میں العزیزیہ ریفرنس میں سزا کے خلاف سابق وزیر اعظم نواز شریف کی اپیل پر سماعت ہوئی۔ جسٹس عامر فاروق اور جسٹس محسن اختر کیانی پر مشتمل دو رکنی بینچ نےاپیل پر سماعت کی۔ سابق وزیراعظم کی مبینہ ویڈیو اسکینڈل کے کردار جج ارشد ملک کے بیان حلفی اور پریس ریلیز کواپیل کیس کا حصہ بنانے کی درخواست پروکیل خواجہ حارث نے دلائل دیتے ہوئے کہا کہ عدالت نے دیکھنا ہے کہ کیا فیئر ٹرائل کا حق پورا ہوا یا نہیں۔جسٹس محسن اختر کیانی نے کہا کہ دیکھنا ہو گا کہ عدالتی فیصلہ آنے کے بعد کے واقعات کا پہلے سنائے گئے فیصلے پر کیا اثر ہو گا ؟ آپ بتائیں کہ کیا ہم میرٹ پر اپیل کو پہلے سنیں یا اس معاملے کو بھی ساتھ ہی دیکھا...
جس پر خواجہ حارث نے کہا کہ عدالت نے پہلے اس معاملے کا تعلق دیکھنا اور حقائق کو پرکھنا ہے۔عدالت نے نواز شریف کی متفرق درخواست پر نیب کو نوٹس جاری کرتے ہوئے تحریری جواب طلب کرلیا۔عدالت نے جج ویڈیو اسکینڈل کے ملزم ناصر بٹ کی کیس میں شواہد جمع کرانے کی متفرق درخواست پر رجسٹرار کے اعتراضات پر وکیل ناصر بھٹہ کے دلائل پر فیصلہ محفوظ کیا۔
نوازشریف کی مرکزی اپیل کے حوالے سے نیب پروسیکیوٹر اور خواجہ حارث نے عدالت کو کیس کی پیپرز بکس مکمل ہونے سے متعلق آگاہ کیا جس کے بعد نوازشریف کی مرکزی اپیل کی سماعت دو ہفتوں کے لئے ملتوی کردی گئی۔
پاکستان تازہ ترین خبریں, پاکستان عنوانات
Similar News:آپ اس سے ملتی جلتی خبریں بھی پڑھ سکتے ہیں جو ہم نے دوسرے خبروں کے ذرائع سے جمع کی ہیں۔
ذریعہ: Waqtnewstv - 🏆 10. / 59 مزید پڑھ »
ذریعہ: Nawaiwaqt_ - 🏆 6. / 63 مزید پڑھ »
ذریعہ: ExpressNewsPK - 🏆 13. / 53 مزید پڑھ »
ذریعہ: DailyPakistan - 🏆 3. / 63 مزید پڑھ »
ذریعہ: Waqtnewstv - 🏆 10. / 59 مزید پڑھ »
ذریعہ: arynewsud - 🏆 5. / 63 مزید پڑھ »