لاہور: پاکستان مسلم لیگ کی ترجمان مریم اورنگزیب نے وزیراعظم کی حکومت پر تنقید کرتےہوئے کہا کہ 15 ماہ سے عمران صاحب کی قیادت میں 40چور اور جھوٹے ملک پر مسلط ہیں۔
ایک بیان میں لیگ کی ترجمان مریم اورنگزیب نے کہا ہے کہ عمران خان کا مسلم لیگ ، شریف خاندان، نواز شریف اور شہباز شریف کے خلاف کرپشن کا جھوٹا بیانیہ نیست و نابود ہو گیا ہے،ان کے 40چور مایوسی اور فر سٹریشن کا شکار ہیں کیونکہ شریف خاندان کے خلاف ایک دھیلے کی کرپشن ثابت نہیں کر سکے۔ مریم اورنگزیب نے کہا ہے کہ عمران خان کی مایوسی اور بوکھلاہٹ کی وجہ ان کا عوام اور عدالتوں کے سامنے جھوٹا ثابت ہونا ہے، وہ اپنے جھوٹے مداریوں سے پوچھیں کہ شہباز شریف کے خلاف ثبوت سپریم کورٹ میں پیش کیوں نہیں کئے اور اپوزیشن لیڈر کے خلاف اپیل سپریم کورٹ سے واپس کیوں لی؟۔
ترجمان ن لیگ نے مزید کہاکہ جھوٹے الزامات اور تصویری خاکوں کی اصلیت کا پول سپریم کورٹ، ہائی کورٹ ، نیب کی عدالت اور جج ارشد ملک کی ویڈیو میں کھل چکا ہے۔ مریم اورنگزیب نے کہا اسحاق ڈار کے خلاف نیب کا جھوٹے تصویری خاکے برطانوی حکومت پہلے ہی ردی کی ٹوکری میں پھینکی جاچکی ہے ،عوام کو بتایا جائے کہ پندرہ ماہ میں لوٹی ہوئی کتنی رقم واپس آئی ہے ؟ انہیں 15 ماہ میں ترقی کی شرح آدھی اور مہنگائی تین گنا بڑھانے کا جواب تو دینا پڑے گا۔
پاکستان تازہ ترین خبریں, پاکستان عنوانات
Similar News:آپ اس سے ملتی جلتی خبریں بھی پڑھ سکتے ہیں جو ہم نے دوسرے خبروں کے ذرائع سے جمع کی ہیں۔
ذریعہ: Aaj_Urdu - 🏆 8. / 63 مزید پڑھ »
ذریعہ: NeoNewsUR - 🏆 20. / 51 مزید پڑھ »
ذریعہ: jang_akhbar - 🏆 7. / 63 مزید پڑھ »
ذریعہ: Nawaiwaqt_ - 🏆 6. / 63 مزید پڑھ »
ذریعہ: NeoNewsUR - 🏆 20. / 51 مزید پڑھ »
ذریعہ: DailyPakistan - 🏆 3. / 63 مزید پڑھ »