طالب رئيس مجلس إدارة جمعية نقاء الدكتور محمد اليماني برفع أسعار منتجات التبغ، مشيراً إلى أن الدراسات تؤكد أن ثبات الأسعار لفترات طويلة يساعد المدخنين على التأقلم مع السعر القائم.
وأوضح اليماني، وفقاً لـ"الوطن"، أن اللائحة التنفيذية لنظام مكافحة التبغ نصت على أن تتم مراجعة الأسعار بشكل دوري، دون تحديد مدة زمنية، لافتاً إلى أن ممارسة سياسة تعديل الأسعار ورفعها سيظل تأثيرها فعالاً، لكونها سياسة مكلفة من الناحية المادية. ونوه بأن شركات التبغ تكيفت مع الزيادة الأخيرة، باستغلال بعض الثغرات القانونية، عبر طرح منتجات مختلفة ومتنوعة، واللجوء إلى سياسة تغيير الغلاف وخلافه، بالإضافة إلى عرض منتجات جديدة وبسعر أقل.
الحمدلله مبطل كنت في جهل
تهنئةمن القلب للشاعر محمد ابراهيم يعقوب وتمنياتي لك بالتوفيق
أكيد ما رفع هالبلد إلى الحرام فرفع السعر لن يكون أشد حرمه من بيعه
omaralmanie ههههههههههههه يعني السبب عشان تأقلمو عالسعر
اي وربي ازعجونا في كل مكان تدخين ارفعوها اقل نوع مفروض ب80 ريال خلو الناس تبطل ولا توقف من ازعاجنا فيه
الله لايوفق من يطالب برفع الأسعار
ونطالب ايضا برفع أسعار السكر والملح والقهوة والدقيق الأبيض .. اسعارها زهيده وكلها أمراض
ستكثر الجريمه مع البطالة تفقدوا مراكز بلاغات الشرطة كم جريمة سرقة للبقالات باسباب الدخان وكذالك اعتداءات على وافدين لذلك الضغط يولد الانفجار هدوء ترى البلد ماصار يتحمل فيه من الضغط ما يتمنى الاعداء ان ينفجر يوما ما لعن الله كل خائن لوطنه .
اعتقد الموضوع مادي بحت ، وليس خوفا على صحة المدخنين
رفع السعر موه حل امنع البيع افضل الحمدلله يارب اني مالي في هذا الدخن
مين اللي طالب بهالشيء !؟
مين طالب برفع السعر ؟ كلام فاضي
الله يشغلة بعمرة من اشغل العالم ويطالب برفع السعر
يرفعوها الى وين يعني السعر الحالي مبالغ فيه الفكره لاهي اقلاع عن تدخين ولا شي الفكرة بزنس والله محد درا عن المدخن يمرض يموت ينجلط بس لقافة بعض الناس واصحاب المصلحة
دا احنا تأقلمنا أيضا علي اسعار البنزين والكهرباء والاتصالات والمواد الغذائية هل هناك مطالبات بزيادة اسعارهم
ماعمري شفت احد طالب برفع سعر الدخان الي شاف يعلمني 🌚
حسبي الله ونعم الوكيل فيكم لعنة الله على الكذابين
يابوي شفي امهم ذولا يعني شلون نلف برسيم وندخنه ولا كيف ؟؟؟؟!!!!!
ايه دبلوها عليهم عشان يصير المبزرة ما يمدي يشترون
لايك إذا كل يوم تقرأ كلمة 'رفع الاسعار' أكثر من أذكارك
من اللي يطالبون برفع الاسعار🤔🤔🤔🤔
لاتحدونا على قراطيس العلك
انااعرف واحد قطع الدخان بسبب ارتفاع سعره بس انه بخيل ماهومن شان الصحه
هذي الخطوه الممتازه الي يشكرراعيها
يالربع لا تحدونا عالحرام تكفون
والى متى يرفعون 😂
يالربع خلوهم يدخنون وش عليكم منهم ؟؟ المتضرر هم ولا انتو ؟؟ اتوقع انه من الحريه انهم يدخنون دامهم يشترونه بفلوسهم والدوله سامحه فيه ومانعته في الاماكن العامه خلاص خلوهم في حالهم
يا منعاين الجدف كفايه ب٢٥
الله يلعن من يرفع سعره لعنه اليهود والنصارى والشيعه
يا تمنعونه يا لا تقعدون تتكسبون على مساكين مبتلين بالدخان
الله لايوفق اللي يطالبون سعره الان مرتفع ونحرم انفسنا اشياء علشان نشتريه لو يرتفع راح يكون سعره مقارب لاسعار المخدرات وهنا المصيبه راح الاغلبيه يحولون للحشيش وغيره بسبب تقارب اسعارها انتم ضريتو الشعب مانفعتوه الله يلعنكم ويلعن دراساتكم
اذا رفعتوه سرقو وشروه لاكن امنعو بيعه
ياليت يرفع ٣٠٠٪
وزاره الصحه تطالب وقف التدخين وزاره الترفيه تسمح الشيشه لحس مخ
ماعندكم شغل ارفع ارفع رفعوكم في جهنم
الان صار مايدخن الا الطبقة المخملية الطبقتين المتوسطة والفقيرة طاحوا بالشيشة والمعسل والزغلول المصري بعد ارتفاع اسعار الدخان نار ياحبيبي نار 😏
يجب منع بيع التدخين اطلاقا لأنه لو جعلوا سعره مليون سوف يشترونه المدمنين .
والله لو تقطعوه من السوق أحسن لأنه إدمان ،الشباب ليس لديها القدرة على تركه أنتم إذا رفعتم سعره تربحوا الشركات اللي تصنعه وتبيعه السجائر دمرت شبابنا وضيعت أموالنا حتى لو رفع سعره لن يغير ذالك شيئ استأصلوا الشر من جذوره وامنعوا بيعه يتعبوا فترة بس إن شاء الله يتركوه.
قبل رفع أسعارها عالجوا المدخنين ماترفعوها من هنا والرجال تجنن من هنأ علينا
الايام ذي اي(صعلوك تافه!) بمسمى (صحفي او اعلامي!! وهو ماعنده ماعند جدتي!) يطلع ويتكلم بصيغة (الجمع!!) مين اعطى (ام اللي جابت امه) الحق بالتحدث بأسم الناس؟ ماندري!
مين اللي طالب ياكذابين وتتكلمون بصيغة الجمع بأي صفة حقارة مابعدها حقارة
الله يبلاك فيه ياليماني يالمروح اذا فيك خير طالب بمنعه لمن يقل عمره عن 21 وغرامات ع المحل اللي يبيع مهو ترفع سعره ع الشياب
محد طالب ولا احد تأقلم فكونا منكم فلوسنا طارت
لعانه صارت السالفه
ايواااا احلى خبر اقطعوه ايش فايدة رفع الاسعار بيشترونه لو كان ب ٥٠
كل ماتأقلم يتم الرفع؟
القرار لابد ان تراعى فيه جميع الجوانب المدخن فئه من المجتمع عافاهم الله ولو رفع السعر لن يقف المدخّن بل سوف يستمر و يزيد العبئ ماديا على عائلته التي يعولها اتقو الله في عوائلهم
مطالبات من مين بس نبي نعرف ؟ من المعتوه هذا اللي مضايقه تأقلمنا ويطالب الله يشغله في نفسه صدز ..
الله لايوفقكم!!
كل هذه المنتجات مضرة على الانسان دخان زيوت القلي السكر والملح الغير طبيعي والمعلبات المجمدات والمنبهات وعلى راسها القهوه والمياه المعلبه والمشروبات ووسائل الترفيه باكملها الرجوع لطبيعة ضروري بس نحتاج دورة تدربيه بالبر وبعدها ترجع لك صحتك
اعجبتني تأقلم المدخنين مع الاسعار ههههههههههههه ههههههههههههه ههههههههههههه ههههههههههههه ههههههههههههه ههههههههههههه ههههههههههههه ههههههههههههه ههههههههههههه ههههههههههههه للعلم انا ما ادخن ههههههههههههه ههههههههههههه
الموضوع عناد
الله يلعنكم صار الرجال يضيق ع اهله ويقحرط عليهم ومنفس عشان يوفر حق الدخان من الراتب، تف عليكم يارب تنحرقون كلكم سرطانات رئه
زيادة سعر الدخان لا يسهم في الاقلاع عن التدخين التدخين ليس عادة سيئة فقط هو بلاء وإدمان يصعب تركه بل يستحيل على بعض الاشخاص ٣ مرات استخدم علاجكم شامبكس واقلعت لمده سنه واصبت بأمراض أشد خطوره من التدخين بسبب علاجكم ورجعت للتدخين بشراهه وإدمان أكثر
ارفعوه زياده ليين ١٠٠٠ ريال عشان يبطلونه اشغلونا فيه 😭😭😭😭
ولو رفعتوها يتاقلموا سيبو العباطه وقولو نبي نزود
عشان تزيد السرقات والعنت الخامس هههههههههه
تكفون ارفعوه وخلو قيمه البكت 200 ريال
باقي ثوب النوم ارفعو سعره مع الدخان
الله يبلاك فيه وب عيالك انت مقطع اربع وملعون خامس تفو عليك وعلى هالصحيفه الي تنقل مثل هالاخبار
على تبن
مجرمين والله ما همهم برفع السعر صحة الناس معروف الغرض تجاري واستغلال حاجة المدخن وابتزازة 'ها تبطل ولا نرفع زيادة' مع احترامي أسلوب غبي ولا يأدي لنتيجة إيجابية
اقول بلا فلسفه انت وهوه اتركو الدخان في حاله
حسبي الله ونعم الوكيل فيكم
قسم بالله العظيم لو تدرون ان المدخنين يقلعون عن التدخين بعد رفع الاسعار غير تنزلونها على شان ما يتركون التدخين . الهدف مادي وليس حفاظا على صحة المدخنين . للعلم . انا لست مدخنا ولله الحمد .
رأس ماليه
مين الطلب ؟ هاذه سبب مقنع بالله اقول مابي اقول كلام يزعلكم بس الدخان جنبو عنه يعني همكم اصحه لعنكم الله الشوارع متكسره و لا فيه اهتمام و اكبر خطر على المواطن الشوارع و الحوادث 😡
عدد المدخنين في السعوديه ٦.٥ مليون و لو حسبنا ان كل مدخن يستهلك بكت واحد و اقل ضريبه على الدخان هي ٨ ريال تطلع ٨ *٦.٥م*٣٦٥يوم=٢٠ مليار ريال في السنه الواحده من ضريبة الدخان فقط وهذا يكفي لبناء ٧ مستشفيات عالميه كل سنه من جيب المدخن ( المدخن تأقلم)
يعني اللي ما تأقلم بيخفضون له السعر 😂😏
بحجة التأقلم مع ألاسعار؟ يلعن ام السبب البايخ، اقول عضّوا على شحم واتركوا المدخنين في حالهم
نطالب بتخفيظ الدخان الى النص
ماعندكم شغله الا هو الله يرحمك يابن سرور
وبعدين كل ماترفع المدخن يروح لنوعية أردى يعني اصابه بالمرض اسرع
تأقلم احنى نسافر للخارج عشان نشتري وانت تقول تأقلم خرا عليك
هذا المزاج لو يوصل ١٠٠
اغلب المدخنين او المشيشين يريد ترك هذا الشئ محد فرحان فيه لكن بالمقابل يوجد هناك فراغ كبير نادر من يتعب ويشغل هذا الفراغ لماذا لا نشغله لهم بطريقه اخرى وليس برفع الاسعار وزيادة التحدي
تبا لكم
ياليت والله تزيد الضعف بعد
ايه من قوة خوفهم ع المدخنين. قصدهم لقو ان القدرة الشرائية للمدخن قادرة على تغطية السعر الجديد ف يبغو يرفعوا المدخول بوضع تسعيرة اعلى.
ماعندكم شغل كله رفع با لأسعار مافي تخفيظ با لا سعار ا و د سكا و نت
كم سعر السلفر
لنا سنين حنا نسمع يرفع دخان مارفعه
وش دخلكم انشاء لله ادخن مع طيزي يحول
لويمنعوا دخوله نهائيآعندنا مويرفعوا سعره
يليت شضضضضفع سعار دخان ورعان حين يشترون دخان مشكله عمرها ١٥ او ١٤ او ١٦ ي
محد طالبكم بالرفع انا اطالب بخفض السعر وعدم استيراد اي دخان تركي
الحين بدال مايصير الدكتور عنده جرأه وليش مابري ذمته ويقول للحكومه ليش تدخله ليش يرفعه على المبتلي المسكين حلوه ذي لو صدق تبون الناس تتركه اقطعوه لايدخل مو هذا القصد تبون دراهم لاتستحونً قولو نبي بس لاتجي تسوي دكتور على راسي وتبي مصلحه الشعب يالكذاب
الله يحرقكم حتى في الدخان الي ينفس عنك تغلونه وين ننقلع وين نهج ؟؟؟
دورو شي غيره ارفعو سعره خلوه في حاله
الحمد لله إني ماني مدخن وأسأل الله أن يعين المبتلى بالتدخين أن يتركه في أقرب وقت. لكن حجه زياده السعر بحجه التأقلم هذي ماتطلع إلا من إنسان جاهل أو إن حاسد وقلبه أسود والله أتعجب من بعض البشر
من الي طالب هذا ؟؟ هو يدرك وش قاعد يطالب فيه اساساً الي يدخنون الآن مستائين من سعره لو رُفع اغلب الي يدخنون راح يتجهون لأنواع تبغ رديئة واضرارها اكبر من التبغ العادي وبعدها وزارة الصحة راح تدفع على علاجهم اكثر !!!!! سعره الان رغم انه مرتفع ولكن مناسب
فعلاً اتمنى ان يتم رفع قيمته الى اعلى شيء او بداية منعه بطرق تدريجية
تكفون ارفعوا سعر البكت الى مية ريال فكونا من العفن والمعفنين
وليش ما تمنعوه إذ أنتم خايفين على صحة الناس ترا زيادة الأسعار كل شوي مظر بالصحه ا لاقصاديه للناس
نبي ندخن البيري حق الهنووود اصرف 😂😂😂😂😂😂😂😂😂😂😂😂😂😂
بعد خلاص نبي نبطل ابشركم
جاري الشحن ... عشانا متأقلمين صارر فيه مطالبات 😂😂😂
ياخوي انا الي بموت ولا انتا اشغلنا ارفعوه ارفعوه وتلاقيه مشغل زغلول اخر اليل😂💔
👍👍👍👍👍👍👍👍👍👍👍👍👍
اسباب رفع التدخين هو الوعي الصحي كما يقال لكن معظم المدخنين اتجهوا إلى أنواع سيئة ومضرة جدا جدا بالصحة اكثر من ذي قبل قرارات تجارية لا اكثر همها كسب المال فقط لا للادعاء الاول اي اسس
لو بمليون بشتري ، ولو بأبطل حتكون بإرادتي مهو بأمر معاليك ، الله لا يشتكرلك 😡👊🦶🤬
حلوه التأقلم الدعوا حلب جيب المستهلك
والله الموت جاي جاي وكل من عليها فان الموت هو واحد ولكن تعددت الأسباب ((قال تقدم ياموت قال تقدم يتسبب)) لاحد يحط التدخين سبب
مالقيتو شي غير الدخان ليه تحرمون الشعب موكفايه ارفعوا الأكسجين وخلوه بفلوس كمان
يطالب برفع السعر عشان هو والتجار الا معه يدخلون دخان ردي وبسعر رخيص ويجبر المواطن المسكين على شراء هذا المنتج الرخص إلى هو سبب في دخوله عندنا مع ارتفاع الأسعار صار الدخان أنواع واشكال
النساء اكثرهم الان مدخنات؟ المفروض تخفضوا السعر 😹
طفرنا وذا يقول متأقلم
من التبغ اللي كاتب هذا المقال وش عرفه ان المدخن متأقلم مع الاسعار ي جعل يتأقلم البلا في بدنه
الله لايجزاهم خير
وانت مالك؟؟
ههههههههههههههههه حلوه مع تأقلم الاسعار
والله من المرض يدرون انه بيضرهم و انه بيخسرهم و يشترونه المشكله تقول لهم وش اللي عاجبك في التدخين يقول لك يخليك تروق و اذا جلس ساعتين بدون تدخين نفس على كل الناس الله يشفيهم
هذا ابداً مهو حل المدمن بيشتريه لو سعره 1000
التدخين له اضرار وخيمه على الشخص والله مانه الا الامراض والخساير والتدخين دمار شامل للجسم مع تمنياتي للجميع بالصحه
تأقلم هااه .. !!
محد طالب غير المورد يبغى يكسب دبل الدبل
يجيك واحد ما يدخن و يتفلسف يقول ارفعو سعرة لو انه يدخن كان عرف شلون
رفع مين يا طيب. يمنع دخوله السعودية مثله مثل المخدرات والخمر ووالله راح نوفر مليارات من ورا ذا القرار. خاصة أن أمراض التدخين مباشرة وانتشاره بين المراهقين يفجع خاصة إن وزارة الصحة ماهي فاضية تعالج إلا يسمم نفسه كمان
والله اللي يطالب برفع سعره ظلم المدخنين هو مايدري انه ادمان وصعب تقلع عنه بسهوله رفع اسعار التبغ خلا المدخنين يلجؤن لنوعيات من التبغ رديئه جدا قد تسبب لهم مشاكل صحيه ضررها اكبر
😂😂
قآل تاقلمو على الأسعار انا وش دخل امك في أمور شخصيه ماتخصك انا أتعب ودخلي اشتري الي ابغاء فيه دخان انت لو فيك خير شفت لنا حل فالاجارات الي كسرت ظهورنا مدور شف شى فالمصلحه العامه مو أمور شخصيه انت دكتور بيطري ولا نت دكتور فاهم وعقل
لو يرتفع البكت بقيمته راتبي الشهري لشتريه المفروض تنزلوه وانتم تبغون ترفعونه من عقب من البورو وعلى وست حرمتونا الكيف
يدفوا اي كلام يكون ذريعة او مدخل لرفع السعر يجب عمل تحديث لعقول أصحاب مثل هذه التصريحات حتى يعوا ان عقول الناس تعمل ب iOS.9.2019
حيث في اغلب المطاعم تقدم الشيشة الى صغار السن
ما اتمنى الخسارة لحد لكن وين عقول المدخنين خسارة مال💰 وصحه🏥🤒 وريحته يادفع البلا😷
حسبنا الله ونعم الوكيل
عجبا هل لدى الدكتور الجرئه لطلب منع الشيشة في المطاعم كما هو حاصل الان في اغلب المطاعم اذا كان حريص فعلا على المجتمع وصحته وليس حرصه على جيب اغلب من ابتلي
😡😭
مين الي طالب و مين الي عاجبه السعر.؟؟؟؟؟؟؟ امـنع دخوله البلد بدل استغلال المدخنين المدخن إنسان مبتلا ليس عدو لنا.
The_Saudi_girl الحشيش ارخص من الدخان
المفروض ارخص شي البنزين و الدخان
اتركونا في حالنا
طيب سؤال ....برئ ترفعون سعر الدخان لانه مضر ب الصحه وجزاكم الله خير طيب ليه ترفعون سعر البنزين هل هواء الاخر مضر بالصحه ...؟؟..؟
بدينا بشغل الاعلام علشان قرب وقت رفع الضريبة 😂😂😂
و الله لو يوصل ٢٠٠ ريال بشتريه بشتريه
The_Saudi_girl إن شاء الله يوصل سعره 100 ريال للبكت
خلوكم من الفلسفه والقافه تدخن انت حر ما تدخن بلا لاقافه والله لو نسلم الملاقيف زيكم كان قد تركناه
بدال ماتكثفون حملات التوعية ، صرنا نشوف اطفال تدخن .
اقتراح .. الدوله تتحمل علاج المدخنين بملايين الريالات وتزدحم اسرة المستشفيات بهم وفيه اولى منهم وتتاخر مواعيد عجزه ومرضى بسببهم وهم من القى بنفسه الى التهلكه.ويزاحم الناس. يجب ع الدوله عدم معالجة اي شخص تسبب التدخين بمرضه. او فرض خمسين بالمئه على جميع انواع التبغ بدل علاج.
👌🏼👌🏼👌🏼
اخبار 24 واخبار عاجل يكذبون مافيه احد طالب واخبارهم كاذبه ومطبلين وهم من لعب فينا
حلوة تأقلم المدخنين على الأسعار ههههه
مع احترامي للبهيمة الي قاعد يتشمت بلي قاعد يدخن و يصرف فلوسه على الدخان ،، احمد ربك انك ما ابتليت بهذي العادة المدمرة والخبيثة وقول كلمة حلوه ولا ابلع لسانك !!
.. مين هو اللي يطالب برفع الاسعار بسبب التأقلم !! انا اسمع من بعض المدخنين انه لو يصير سعره 100 ريال بيشترونه .. صرنا مثل اليمن يروح نصف الراتب في القات وهنا يروح في الدخان !!
يا دكتور محمد اليمني الله لا يوفقك ونشالله متغرب عليك شمس هده اليوم بحلطه في دمغك يارب
راح يتجة المدخن الى بدائل أكثر ضررا و تنشط مبيعات السجائر المهربة العبقري ابذي فرض الضرائب ياليت يطلع كذا في لقاء مباشر مع الجمهور وجهه لوجه وكف لكف سلميا🤣
انا عمري ٥٤ سنه اشرب الدخان ميقرب ٣٠ سنه كيف تبغاني اسيبو برفع السعار ولا بي نصيحه وتوعيه ولا مستفيد الول من رفع السعار الجانب الي يبعوه لانه يااخي امنع استوردو لي المملكه وريحنه وخلو تجروه يشحدوه
حسبنا الله ونعم الوكيل على من تاجر فيه وباعه لأولادنا
محد طالب.. قولوا تبون ترفعون الاسعار بدل هالتمثيليه 😂😂
الله لا يوفقك هيه نقصه يعني بعربي اتجهو على المخدرات بكت الدخان من ٤ريال وصل ظ٢٥ريال ولله لو صل بي ١٠٠٠ريال حنشتريه ومين المستفيد من رفع السعر هدي امور شخصيه بدل رفع السعار سوه ندوات عن الضرار التدخين
اهم شي لاتقولو رفع قسائم ساهر بسبب التأقلم 😂😂😂
نطالب بفتح حانات وإستيراد مشروبات روحيه حفاضاً على هروب المال العام خارج حدود الوطن .
اللهم اجعله
يابوي كذابين مافيه احد طالب اخبار 24 واخبار عاجل هم من لعب بالمواطن باخبارهم الكذابه والتطبيل
في بلد بلدي بلد العجائب نستورد الدخان من الخارج بالمليارات ونحاربه في الداخل بالمليارات !!
نسال الله ان يعافي كل مدخن من هذه البلاء
سلامات
هاذ النصب والاحتيال بعذر شرعي ماينفع وين نزاهة
هاذ نصب وحتيال و اختلاس أموال
بيوصلونه ٤٠ ريال زي أوروبا 🤣🤣🤣🤣🤣نرجع نشتريه خام ونفرطه🤣🤣🤣
🤣🤣🤣🤣🤣🤣🤣🤣🤣🤣🤣🤣
تقلص وش انا لسى م تقلصت وين يرفعوه
احنا استجلدنا في كل شي ماصار عندنا احساس ارفع لين تنتفخ جبهتك بنشتري بنشتري الله يفكنا منكم ومنه امين يارب🙏
مطالبات... تأقلم... مين الي طالب و مين الي عاجبه السعر ليت شوية شفافية الناس عندها عقول تفكر بها.
سعره في امريكا اوروبا ارخص من السعودية.
ياخوان هذا اللي يطالب شوفوا له حل!
قو😂😂😂😂😂😂😂يه
طز طزين ثلاث طزات
نبي نعرف بس من الي يطالب 😂😂😂
مطالبات 🤭😂
لا الحين ما عطوه حقه😂😂
زيادة الأسعار في النهاية تعود للمرضى الذين سايصابون بأمراض بسبب التدخين
لويمنعوا دخوله نهائيآعندنا مويرفعوا سعره
الى كل من يطالب بهذا الشيء
احسن
المملكة العربية السعودية أحدث الأخبار, المملكة العربية السعودية عناوين
Similar News:يمكنك أيضًا قراءة قصص إخبارية مشابهة لهذه التي قمنا بجمعها من مصادر إخبارية أخرى.
مصدر: AlArabiya - 🏆 7. / 63 اقرأ أكثر »
مصدر: almowatennet - 🏆 15. / 59 اقرأ أكثر »
مصدر: aawsat_News - 🏆 16. / 53 اقرأ أكثر »
مصدر: sabqorg - 🏆 27. / 51 اقرأ أكثر »
مصدر: AlArabiya - 🏆 7. / 63 اقرأ أكثر »
مصدر: aa_arabic - 🏆 8. / 63 اقرأ أكثر »