عبر رجل عن استيائه من سلوكيات المستأجرين لاستراحته، الذين تركوا مخلفاتهم بطريقة أفسدت المظهر العام للمكان.
ووثق صاحب الاستراحة مقطع فيديو لما بدت عليه الاستراحة عقب مغادرة المستأجرين، حيث وجد بقايا لحم متروكة في صحن كبير على الأرض، فضلا عن عبوات مياه فارغة، وقمامة متناثرة في كل جانب. وقال الرجل غاضبًا:"ما أدري هم بشر ولا كائنات فضائية... ما أدري!.. حرام عليك، إنت مستأجر يوم عيد، يعني جيت تستأنس مو عشان تتعب الشباب".
وتساءل عن كيفية إقدام مثل هؤلاء المستأجرين على العيش بهذه الطريقة، وسط كم هائل من القمامة والمخلفات، لافتا إلى أن المسبح لم يسلم أيضا من التلويث بالقاذورات.
ذهب الحياء من الوجوه واصبحت جدران بيت ماله احساس
السلام عليكم فيه ردود ثلج الصدر وردود بايخه مثل اللي كتبها يااخوان اذهب وتعرف لاايجار ولاشيء ويترك مكانه زباله والحدايق ويقولون نتطور لا ولن نتطور وهذه العقليات موجوده قال رفع عليه السعر جبرك تستاجر ياجماعه يقول اذالم تستحي فاصنع ماشئيت ذهب الحياء من الوجوه واصبحت مثل الجدار ولا
جيب عمال من الفلوس الا خذتها منهم حق الايجار او تبغى ينظفون لك الاستراحة أدفع حبيبي
السلام عليكم ورحمة الله وبركاته اقول لصاحب الاستراحه حط شروط مع المستأجر وخذ تأمين الفين ريال. قبل المقدرة الاستراحه روح افحص جميع أماكن الاستراحه والمرافق. وبعد التأكد من سلامة المكان ونظافته. ترجع التأمين والسلام عليكم. احسن ظمان اخوكم بومحمد من مملكة البحرين.
هؤلاء ليسوا منا ولا نعرفهم وبعيدين عن الدين والايمان.. الحل التأمين يخليهم يطلعون منها أحسن من لما استلموها..
خذ الف ريال تأمين على النظافة والاضرار
. تخيل تأجر إستراحه ب ١٠٠٠ ريال وتصلحها ب ٥٠٠٠ ريال والسبب .. المستأجر زعلان ليش ما نزل لي ولا ريال وفوق هذا ممكن يشتكيك ليش قالوا عنا هذولي قرود😅 هناك أشخاص يموت في الإساءة لغيره ونسى ان الدين المعامله فاتقوا الله يامن تستأجرون وخافوا الله قبل أن تخافوا من عقوبة الدنيا
هذه قلة حياء من المستأجرين المفروض أقل شيء يعكس صوره حسنه وطيبه عنه هناك براميل زباله ضع القمامه فيها لاتكسر الألعاب بحجة انك مستأجر الحل الوحيد هو وضع مبلغ تأمين ٥٠٠ريال إذا رجعها سليمه تفضل مبلغك او بيحسم عليك المبلغ حسب الضرر
المفروض يكون فيه منصة يسجل فيها الشخص الي بيستاجر وفيه تقييم اني اجرك او لا والله العظيم عيب اقلها لم ازبالتك في اكياس انا اجرتك مكان نظيف رده لي نظيف
نظف استراحتك ومايحتاج تسوي ضجه في توتر اجرتها بملغ وقدرة والجزاء من جنس العمل قبل تسأل ليش المستأجر ترك الاستراحه بهذا الحال أسأل نفسك ماذا فعلت مع المستأجر وستجد الجواب
أقسم بالله لو أنا مكانه لأشهر بإسمهم بالكامل هالعائلة الزباله اللي ماتستحي
فيه جهات معنيه اشتكي عليها ياخذو لك حقك
منتزهاتنا البرية 'الوطنية' لم تسلم من شبيه ذلك العبث فما بالكم باستراحة او شالية، فى دول مجاورة و بعيدة لا توجد رقابة على الأماكن العامة والخاصة بشكل كبير إنما توجد ثقافة اجعل المكان نظيف وسليم. منظر مخجل و يدعو للأسف 'انتقام' بطريقة أخرى
لاحول ولا قوة إلا بالله 😡
إن مما أدرك الناس من كلام النبوة الأولى : إذا لم تستحِ فاصنع ما شئت !
ما الومه واضح انه شخص تربايته و ثقافته مثل مخلفاته
الغريب ان كثير من التعليقات تبرر هذا التصرف بسبب ارتفاع الاسعار، ياخي ما معك فلوس خل ربعك يقطون وان ما كان معكم فلوس اطلع للبر والله يرزق الجميع، الحل يكون فيه عقد واضح ومبلغ تامين مجزي ولو يكون فيه تقييم للزبون عشان المالك ما ياجر شخص همجي
يصلحخون المستأجر بالسعر وتبيني انظفها اذا طلعت منها ولا لهم نظام دخول ولا خروج يقولك تستلمها العصر تسلمها الصباح بحجة فيه مستاجر بعدك بنظفها اضيع وقتي وانظف بعد ومن زين وجهه يتحسبن عليهم (مالكم كيف تحكمون)
للأمانه بطلنا نأجر الاستراحه نهائي بسبة هااللعينه الوسخه القذره نأمن لهم جميع سبل الراحه ومن افضل الفرش والكنب وبأرخص سعر الا ان الزبال زبال في بيته او في استراحة الناس
بصراحه فعل غير حضاري
ياليل سوا له استراحه وازعجنا لو تراقبه الأحيان يرمي زبالته والسياره تمشي او لاكشت تلقي محله قمامه
الشاليهات والأستراحات غالية جداً وأغلبها تحت أشراف عمالة ولابد من تطبيق الضريبة عليهم لأنها دخل
غضب الله عليهم ولعنهم.
حب للناس كم تحب لنفسك
مع الأسف لاحظت أن البعض يبرر للمستأجر ماقام به من تصرف مشين ينم عن افتقاره لأخلاق وتربية فهل تبريرهم يوحي بأنهم من نفس الفصيلة ؟ بل ويوجهوا اللوم إلى أصحاب الاستراحات بحجة أن الأسعار مرتفعة وكأن كون السعر مرتفع مبرر لأن يوم المستأجر بهذه التصرفات المستهجنة شرعاً وعقلاً وأخلاقاً
كل الاطراف متعادله بالقذاره من السائح والمستثمر ولا فيه جهة تضع غرامات لهم.. شوفوا قذارة كوفي بالهدا... وقيس عليه كل الخدمات باختلاف نشاطاتها.... جد شئ مقزز 🤮😷
هو المفروض التنظيف على صاحب الاستراحه..انا اتكلم عن التنظيف العادي ..اما مافعله المستاجرون فهذه همجيه تحتاج إلى سيارة البلديه تجي شخصيا ههههه
للاسف هل فيه ناس كذا 😳 ياليت اصحاب الاستراحات عند الحجز يوقع على الفاتوره ان عدم التقيد بنظافة المكان قبل الخروج عليها مخالفه وقدرها مبلغ معين ( الناس ماتتعلم الا اذا فيه غرامات ) يا للأسف
النضيف مايستطيع يترك مكانه وسخ سوا في البيت او خارجه اما الوسخ يضل وسخ في بيته وخارج بيته هاذي غريزه بدم البشر مهي بكيفه
اتوقع ان الطريقه هاذي بسبب رفع الاسعار مبالغ فيها
لانه هو فى بيته وسخ .فمتعود ع الوساخه
مستاجرها 2000. عجزان ينظفها ب 100
الحل الوحيد تحدد الأسعار لا ضرر ولا ضرار السعر المعقول زين اما البطش ولاونها قصر افراح لكن العبث غير مقبول بتاتاً و النظافه من الايمان
للاسف هذولا اكيد بيتهم دايما كذا مساكين حتى الكرونا ماتجيهم البكتيريا والمكروبات معبية اجسامهم فمالها مكان اللهم عافنا مماابتلاهم 🥵
اول شي النظافة من الايمان ولكن المفروض تحدد الأسعار وتكون بالمعقول اما تجي تصفقني بالف وخمس مائة ريال في خلال 15ساعات وتحسبهاعلي اربع وعشرين وتطالبني بعد
بعد كل تسكين لازم صاحب الاستراحه يجيب عامل ينظف .
النظافة من الايمان. للاسف عندنا عينات من البشر القذارة ماشية في دمهم وماتفهم الا نظام العقوبة.
لااحد يقبل بمثل هذه التصرفات وفي نفس الوقت لانقبل جشع التجار وأصحاب الشقق والاستراحات والمبالغة في الأسعار نتمنى من المسؤولين متابعة الأسعار ووضع سقف محدد لااحد يتجاوزه مع وجود الأسعار واضحة للجميع لان بعضهم يستغل ذلك فتجد كل يوم له سعر عن اليوم الذي قبله ارتفاعا
هذا يدل علي همجيه وعد نظافةالمستأجر ين بالله من يرضى يشوف هذا التشوه من يجلس بهذا المكان
للاسف فس ناس يعتبر انه لازم يخسر صاحب الاستراحة او الفندق بالفلوس اللي عطاها .. اقسم بالله اخرج من الفندق او الشقة المفروشة او الاستراحة وكاني داخل عليها ..يعني ما اترك اي اثر حتى الزبالة اكبها .. وهذا شي اعمله ايضا عشان الاولاد يتعلموا .. غريبة بعض الناس
ياليت يكون هناك تعاون بين وزارة التجاره والشرطه ليتم البلاغ عليهم ويغرمون مبلغ كبير والسجن شهرين علشان البعض يتأدب ويعرف انه مؤتمن على الاستراحة من يوم يستلمها لين يسلمها MCgovSA
النظافه ثقافه وسلوك شخصي فالناس هذولا سلوكهم وثقافتهم الوساخه والقرف وفهمكم كفايه.
اهل الاستراحات فيهم نصب ماهو طبيعي الاستئجار يومي يعني انا استأجر منك الشاليه يوم كامل بمبلغ وقدره يجي يقول الدخول الساعه ٤ العصر والخروج السابعه صباحاً مرا واحد كلمته قلت بنطلع الساعه ٨ عطنا ساعه بس قال ماقدر فيه ناس مستأجرين بعدك نصب عيني عينك
والله تستاهلون اكثر من كذا لان هذا من طمعكم الزايد واسعاركم الزبالة وشاليهاتكم هي معفة واسعار خيال ليش سعر الشالية يعادل رحلة برا حرام كذا انا في بلدي وما اقدر استاجر
هذولا يهود صاخو
قلة وعي وثقافة من بعض المستأجرين ربنا يهديهم
صاحب الاستراحه يشترط على المستاجر تسليم الموقع كما استلمه. ويكتب بعقد الايجار.. ماعدا ذالك. اهمال
النظافه من الايمان هذا ما شرعه لنا ديننا الحنيف
المفترض يكون به نظام يمشي على الكل يكون فيه مبلغ تأمين شامل النظافه والاشجار والاثاث ونفس قيمة استأجار شاليه او استراحه في حال سلمها بنفس نظافتها وكما اخذها يسلم التأمين له وكذلك للشقق التأجير بسعوديه ما فيه شي يحمي المالك وكثير شفنا كذا يجب وضع قانون مادي لحماية الحقوق للمالك
المفروض يأخذ صاحب أي استراحة أو شقق مبلغ تأمين ومايرجع المبلغ إلا لما يتنظف المكان وأساسا المكان النظيف بعد خروج مستأجرينه يدل على نظافتهم
قلة ذوق
والله من رفاله المستأجرين
والله انا اقول هناك اسباب لمثل هذه التصرفات اول سبب هو رفع السعر المبالغ فيه خصوصاً رأى الانسان مضطر للاسيئجارمستغلاً حاجته وذي حصلت معي ثاني سبب سوء اخلاق القايم على الاستراحه من العمال فبعضهم يجيب لكل الغثاء بالخصام والمناقره ياخي انا استاجرت بفلوسي اصبح المكان ملكي لين ينتهي
لماذا لم يشترط في العقد تأمين ٣٠٠ ريال قيمة استئجار عاملين للتنظيف اذا ما سلم المكان مثل ما استلم.
لازم يشهر بالشخص اللي باسمه الاجار هذي العينات مالها الا هالحل
قذارة
انا لو اني صاحب الاستراحه والله لاشهر في المستأجر اكيد عنده صو ه من البطاقه واجبره يجي ومن كان معه وينظفها
هذا يستاهل يشتكى عليه !! موب طبيعي فيه ناس كذا!!! حتى الحيوانات ماتسوي كذا😖
هل يلزم إذا استأجرت سيارة، أغسلها قبل أرجعها؟!
ياكل تراب هما ماخذ عليهم اجار اكيد محسوب من ظمن الاجار حق النظافه والا ناقص يفرشونها لع قبل يمشون بعد وبيطلع لك كم واحد من الي مسوي مثالي ويتفلسف وبالاخر يطلع هو وعائلته اللي كانو بالاستراحه
يلزم ذلك سن قانون ضمن لائحة الذوق العام بأن يتم توثيق العبث والاضرار وتطبيق لائحة الذوق العام على العابثين والزامهم بدفع تكاليف ازالة المخلفات واصلاح اي ضرر
أصلاً سعر التأجير داخل فيه تكلفة النظافة
الافضل للمؤجر حجز مبلغ يرجعه للمستاجر في حالة استلامه كما سلمه له
اولا يحب أن يكتب في العقد كما استلمت المكان نظيف تسلمة نظيف ثانيا تأمين ويحدد فيه اي كسر أو سرقه أو عدم نظافه يؤخذ من التأمين ثالثا من يترك المكان متسخ لن يتم تأجيرها مره ثانية رابعا عدم ازعاج الجيران يرفع الأصوات انا قريب من استراحات وتعبت من أصوات الاغاني وصبرت عشان الجيره
اعتقد هذا من تاثير العاصفه
الحل الوحيد اخذ تامين مادي ويشترط في إرجاعة تسلم الاستراحة مثل ما استلمها و يالله الخراج
ما اخدت منهم ضمان قبل الدخول ؟ المفروض ما يخرجوا قبل ان تتفحص المكان و تخصم من الضمان المدفوع
ابو طبيع ما ييوز عن طبعه مايوز يعني ما يجوز يعني مايترك مايوز مع شد الياء حبيت اتحشا كويتي اتحشا يعني اتكلم وشكرا
مختصون في الضريبة والدخل عـليـك ضــريبه وصــعب تـسـدد المبلـغ *الحــ♔ـــل عنــ♔ـــدي* تـصــفـير الضـريبه بـشكل نهائي حــل جــمـيـع مـشـاكـل الضريبة تصفيرغــــــــرامــات التأخــيــــر تصفير غرامات الضبط الميداني 💯الاتعاب بعد ما تشيك بنفس وتأكد💯 🖋0581219372🖋
لحوم حشى حيوانات موب اوادم😅
يمكن رافع السعر وما يرضى ينقص له ريال واحد فقال ابشر خذ حقك
متأخرين في الخبر ونقله، أجل اخبار 24ساعه،،،🤭🤣
للاسف ولله مثل هذي النوعيات كثير أناصاحب منتجع وعانيت كثير . وترجع لثقافة الشخص وتربيتة
ما لها حل الا التأمين او ضمير المستأجر وهذا قليل جدا للاسف
هؤلاء قذرين ويجب معاقبتهم بجزاء قانوني وكذلك تعويض لصاحب الاستراحة. مثل هؤلاء يجعل صاحب الاستراحة يرفع السعر بسبب الوسخين
تعبر عن اخلاق المستأجر
يفترض ان هناك تأمين مالي لحماية صاحب الحلال من ضعفاء النفوس الغير مسؤولين لإعاده العقار بنفس الحاله عند اجاره
بعضهم بالعنية يعمل كذا يعوض قيمة إيجار الشالية وفي نفس الوقت حقد مقصودة هذي الأفعال من واقع تجربة وما أكثرهم...... كان الله في عون من عنده استثمارات حتى الشقق المفروشة تلاقي كذا..... ،( احلل اللي دفعت) خساير
لاحول ولا قوة الا بالله الموضوع ثقافة مجتمع يعرف مسؤولياته أمام الله قبل الناس النظافة من الايمان لكن التامين هو الحل لهذه الفئة
أين الحارس المسؤول عن تسلم وتسلم المكان قبل وبعد التأجير .. فالإهمال إن كان من المستأجر فأين عين المؤجر .......
بفلوس مستاجرين مو بلاش
عندنا شاليهات ... وكم نعاني من بعض البشر الاوساخ امرها بسيط عند تلفيات و خرابات حتى الثيل حارقينه والسماعات ناطلينها بالمسبح وووووو
الوسخ برا وسخ في بيته وش ذنبه راعي الاستراحه
لازم تامين عشان تضمن النظافه والتلفيات
في البحر نفس الشي
تأجير بتأمين مسترد بعد النظافة والصيانة
هذولاء العينات الوسخه الي تلاقي وساختهم في كل مكان في الشارع يطش زبالته من سيارته وفي المتتزهات يوسخ مثل الي في الصوره واكيد في بيته عايش وسط زباله ماتدري هم بشر ولا قوارض !!!
المملكة العربية السعودية أحدث الأخبار, المملكة العربية السعودية عناوين
Similar News:يمكنك أيضًا قراءة قصص إخبارية مشابهة لهذه التي قمنا بجمعها من مصادر إخبارية أخرى.
مصدر: aa_arabic - 🏆 8. / 63 اقرأ أكثر »
مصدر: aa_arabic - 🏆 8. / 63 اقرأ أكثر »
مصدر: aa_arabic - 🏆 8. / 63 اقرأ أكثر »
مصدر: aa_arabic - 🏆 8. / 63 اقرأ أكثر »
مصدر: Akhbaar24 - 🏆 4. / 63 اقرأ أكثر »
مصدر: ajlnews - 🏆 2. / 68 اقرأ أكثر »