أكد طلعت حافظ، الأمين العام للجنة الإعلام والتوعية المصرفية، لـ"سبق" أن قرار مؤسسة النقد الذي أصدرته اليوم حول الموافقة على إعادة هيكلة التمويل للعملاء دون رسوم إضافية يخص القطاع الخاص.
وقال إنه سيكون هناك من ضمن القرار تأجيل لأقساط التمويل للأفراد لستة أشهر ممن فقدوا وظائفهم، سواء كان ذلك حدث بشكل مباشر أو غير مباشر فقط. وكانت مؤسسة النقد العربي السعودي "ساما" قد اعتمدت اليوم حزمة إجراءات احترازية جديدة في إطار دعم الجهود لمواجهة آثار انتشار جائحة فيروس "كورونا" على مختلف القطاعات الاقتصادية، ومتابعة تأثيره في الأسواق المالية والاقتصاد، منها إعادة هيكلة التمويل للعملاء دون رسوم إضافية، وإعفاء كل العملاء من رسوم انخفاض الرصيد أو إعادة التمويل.
وبيَّنت أن الإجراءات المتخذة تتضمن الإجراءات الإشرافية وسياساتها الاحترازية لمواجهة آثار فيروس "كورونا"؛ وذلك دعمًا من المؤسسة للبنوك في الوقت الحالي، ومساعدتها في التركيز على تقديم أفضل الخدمات المصرفية لعملائها، وتلبية احتياجاتهم التمويلية في الظروف الراهنة. كما شدَّدت المؤسسة على البنوك بأهمية الالتزام بتقديم مجموعة من وسائل الدعم لعملائهم في الوقت الحالي، وتمكينهم من مواجهة آثار انتشار فيروس "كورونا"، إلى جانب أهمية دعمهم القطاع الخاص لتخفيف آثار انخفاض التدفقات النقدية.
يا أخي في دول مثل أستراليا دعموا حتى المقيمين برواتب مجزية
في هذه الأزمة العصيبة يجب تأجيل الأقساط لكل المواطنين ودعم من فقدوا وظائفهم ماديا
الله يرزقنا ب الوظيفة وبعدين اخذو القصاد
وين شركة عبد اللطيف جميل تبع السيارات ليش ماتبادر ولا بس فالحه في سحب السيارات حسبي الله عليهم ..
ي ناااس بالعقل ترى هذي ماهي فزعه غصبن عليهم لان الافراد اللي فقدو وظايفهم ماعندهم رواتب كيف يأخذ منهم
هو ما عنده راتب كيف يسدد شي مضحك واستهبال
رسوم التحويل ٧ ريال
اصلا هالموظف ماينزله راتب علي البنك لانه مفصول فكيف تاجل اقساطه اقول اجلوا اقساط اللي ينزل راتبه عندكم وتاخذونه باليوم والساعه والدقيقه من ينزل الراتب
هههههههههه هم عارفين ان المفصول ماعنده شي واصلا بدل ما يقولون بنطالبه يسدد كانهم قالو بناجل المطالبه ستة اشهر
طيب الحين في ناس تقول ما تبي تأجيل القسط عشان انو قرب ينتهي منها ممكن البنك يسوي طريقه مثلان يرسل رسايل عن طريق الجوال للعملاء الي يبي يأجل القسط يعبي بيناته ولي مايبي يخصمو عليه وكذا انتهينا اذا البنوك فكرو طبعن في تأجيل مجرد اقتراح....
كيف فقدوا وظائفهم 🤣🙈
نحن لانطلب منكم إسقاط ولكن نطلب تأجيل لكن انتم تتغافلون وتتذاكون
تعبو انفسهم مررره الله يهديهم
😂 حتى اللي فقد وظيفته تأجلون اقساطه😂
نحتاج بنوك بيد الدولة او صندوق الاستثمار يستثمر وينشى بنك محلي وانا اول عميل لهم ونقاطع البنوك الاهلية صراحة ارباح البنوك خيالية وما شفنا خدمة اجتماعية منهم
هي القصه مو غصب حتى القرار الي يصدر بدون نفس ولف دوران .هي وطنيه مساعدة المواطنين والتخفيف عليهم من اعباء الديون زي تأجيل الأقساط خطوة جميلة ولكن ما في شي ضاع لهم
الحمد لله طيب هو فاقد وظيفته من أين سوف يسددكم أما اجلو عن الجميع أو الله ييسر على المقترضين السداد
👎🏼👎🏼👎🏼👎🏼👎🏼👎🏼👎🏼👎🏼👎🏼غباااء
اللهم يلطف بحالنا
ربي حسيبهم
ولماذا يفقد وظيفته دون ذنب مايكفي راتبه قليل و كان يداوم ٦ ايام اسبوعيا واجازه سنويه ٢١ يوم فقط واجازة رمضان اربع ايام تبدا من ٢٩ ولا علاوه ولا قروض ولا بدل غلاء المعيشه
ليه ما يكون إعفاء فقد وظيفته
اللي اعرفه اللي فاقد وضيفته يسقط عنه القرض لان القروض عليها تأمين وحق البنوك محفوظ
فقد وظيفته انتم قلتوها يعني حتى بعد 6شهور ماهو مسدد من وين يجيبلكم بنوك تضحك على العالم
بنوك في السعودية أرباحها خيالية سنويا لا نرى منها لا دعم للوطن ولا للمواطن ولم تقدم شيء في المشاريع المجتمعية . هذي الايام الوطن والمواطن يحتاج الدعم سوء من الشركات أو المؤسسات المالية أو من رجال الأعمال.
القطاع الخاص مدعوم ب 50 مليار فين الشركة أو المؤسسة الخسرانه الى بتسرح موظفينها وبعد ذلك البنوك تأجل اقساطهم 6 أشهر هذا كلام فارغ......
للأسف مانراه اليوم وفي بداية الأزمة من البنوك لايبشر بخير
سبحان الله شي مخجل ومعيب فضحونا
المفروض تاجيل جميع القروض لكل المواطنين المقترضين اذا أنتم صادقين
الحمد لله ما عندي حساب بنكي من الاساس
قسم شي يخجل المتابع والقارئ،،،،
التجاروالموسسات تجبر البنوك بطلب سحب حقوقهم يجيك البنك يعطيك 10شهورتاجيل ماهوبطيبه منهم لاكن المصلحه والتأثير( اللهم لا تجعل حاجتنا الا اليك بيدك الخير ترزق من تشاء بخير حساب يارب العالمين
ههههههه
الي فقدوا أصل أنتو أيستو إنهم يسدون بلا خزعبلات بلا إستهتار بعقول الشعب السعودي جزاكم نحول رواتبنا على البنوك الخليجيه الي لها وقفه مع شعبها ومع عملائها
من قبل الحداد وهي غبرا
إلا البنوك مستحيل
واقساط السيارات كيف ؟!!! اللي عن طريق البنوك
تاجيل للعسكريين حماه الوطن هذا اهم شي يستاهلون كل خير بصراحه قلت اكيد للعسكريين ولازال مافيه شي والله حرام عليك هم حماه الوطن
بدون تعليق
اذا البنوك لديها حس وطني ومسؤليه اجتماعيه ومشاركه انسانيه للظروف الحاليه يجب اعفاء المواطنين من ثلاثه اقساط لان مجملها لا تساوي ١٪ من ارباحها من اجمالي القروض لان الظرف الحالي اقوى واصعب مشكله صحيه واقتصاديه على مر التاريخ
ههههه الي فقدو وظائفهم غصب ماهو بكيفكم مافيه رواتب
المطلوب من مؤسسة_النقد SAMAcares SAMA_GOV إصدار قرار إلزامي ل البنوك_السعودية ب تاجيل_سداد_القروض_الشخصيه لجميع المواطنين دون استثناء فالكل متضرر من فايورس_كورونا كلنا_مسؤول SAMA تأجيل_الأقساط مبادرة_البنوك البنوك_تاجل_الاقساط خدمة_اجتماعية خدمة_العملاء
فعلا قرار مضحك، ولاينم عن رغبة من البنوك في خدمة المجتمع، نقول لهم الدول المجاورة اجلوا لجميع المواطنين، وهذولا ينقطون على المجتمع. الكل متضرر من كورونا وليس فئة عن فئة. فلماذا لا تتجملون ولو مرة؟ !!!
دبر عمرك
ماعمرنا استبشرنا ولو مره خبر فيه خير من طلعت حافظ
هههههههههه استعباط حتى في مصر مسوو زيكم 😄 اجلو الاقساط على جميع الموظفين ٦ شهور وكل الدول الخليجية كذالك
لسا طلعت حافظ ما تقاعد،،، يا زين العمل في المكان اللي فيه دراهم
هههههههه اللي مفصول بيمحطكم تأجيل سنوات ماهو ٦ شهور ولاتنسى اذا دينك اقل من مليون مافيه توقيف خدمات. ابو هالبنوك بيسوون اذكياء اللي فصل بناجل له ٦ شهور ههههه غصبن عنك منين له
هههههههههههههههههه. دام فقد وظيفته مايحتاج تأجل. لان مامعه يسددكم طال عمركم
قرار هزيل ومضحك شوف الكويت والبحرين ماذا فعلت البنوك كثير من المقترضين كانوا يعملون اعمال اخرى لسد المصاريف وعندنا البنوك لا اخد يحاسبها ولا مساءله لا احد يصدقكم هل هذا قرار معقول كله دعايه وهلس
الاخ طلعت مع ربعه ملاك البنوك يخاف يقول شي يحسب عليه المفروض موسسه النقد هي من يتصدى للبنوك المتنمره على المواطن الغلبان سواء كان على راس العمل او متقاعد لكنهم في سبات عميق عن المواطن لكن له الله ثم خادم الحرمين وولى عهده الذى لن يترك المواطنين لعبه في يد البنك
سذاجه وتفاهه واستغباء على المواطنين وخداع وتزييف كلام ...اقسم بالله العلي العظيم عندهم حقد على المواطن السعودي لاتراه عند البنوك الاخرى بدول المجاوره...حتى اليهود ارحم منا
حنا ما نبي تأجيل أقساط لأن هذا ما يخدمنا في شي حنا نبي إعفاء من بعض الأقساط اذا فعلاً البنوك يبون يوقفون مع المواطن والحكومه أما تأجيل ما نبي ابداً
تحياتي للبنوك خذوا اقساطكم ولا تستذكون حنا شعب ما يداني الضعافه .. نعطيكم ونزيدكم . سكروا موضوع التأجيل .. وشكرا
بلا منت البنوك ولا النقد ، كحيلان ماهو ناسي شعبة .الله يحفظهم لنا .
والعمال المساكين الي غلقت محلاتهم ليش مايعوضون مثل الحلاقين
و كأنما القرار يُعطي الضوء الأخضر للقطاع الخاص بفصل الموظفين🤔 الحكومة قامت بدعم القطاع الخاص لتفادي مثل هاذي المشكلات و مسؤوليّ مؤسسة النقد يراوغون بالحلول.👎
هو فية احد فقد وظيفتة الان مع دعم الدولة كلام هوا
اقسم بالله قرار كأنهم يستغبون المواطن فيه نرجو من مؤسسه النقد ان تنضر للمهزله الي سووها
في المقابل ينبغي ان يكون هناك ضخ سيوله في السوق .. او تسهيل الاقتراض لعشر سنوات بدل الخمس سنوات.
اي شي يصب بصالح الاجانب 😂
موظف مفصول ولا عنده دخل بالله كيف يسدد الله لا يكثر خيركم يا بنوك الفلس هل هذه وقفتكم مع أبناء شعبكم ومع الوطن
ههههههههههه غصبن عنهم مابيجيهم ولا ريال ماعندهم راتب
فرضا انك ما اجلت من فين يسددك ؟؟!!
طيب هذا المتبع من زمان شخص فصل من وين تاخذون منه 😂😂 تضحكون على الدقون . عجيب والله
كلام فيه التفاف و تلاعب و ترجمته باختصار موت ياحمار
والمتقاعدين الغلبانين الن يشملهم رحمة البنوك التي ربحت منهم هم الآخرين
الله لا يكثر خيرهم
مثل اللي اخذو من بنك التسليف من مسفيدي الضمان الاجتماعي اخذو سيارات تشتغل ب اوبر وكريم ذلحين ماعاد تشتغل كيف يسددوهم وفيه وضايف بالشكل هذا للتوضيح فقط
هل لهدرجة هذه السذاجه في طرح موظف مسؤول لعملاء البنوك بتأجيل اقساط من فقد وظيفة على أساس الي ماعندة وظيفة جالس يقسط للبنوك حدث العاقل بمايعقل يارجل راجع نفسك
كيف يفقد الناس وظائفهم ووزارة العمل تتفرج ؟؟؟
للأسف البنوك دائما ضد مصلحة المواطن .. وتبحث عن مصالحها فقط حتى في اسوأ ظروف العميل ..
كيف يعني 6 شهور للي فقد وظيفته!!!؟؟؟ والله احترت نهاية الجمله احط علامة تعجب او استفهام وياليل مطولك اذا فيه تأجيل من عند امير الشباب ابوسلمان ونسأل الله اول شي ان يحفظنا ويزيل البلاء والوباء ع الاقل حكومتنا السعودية العظمى باعت اقتصادها لجل المواطن♥️
بنوك تمرض من الي فقد وظيفته وكيف تعطي قرض بدون وظيفه يستغبون العالم
واللي عنده ايقاف خدمات ومعه جلطه ولا يقدر ع الخرووج وصدرة فاتورة الكهرب ولا عارف كيف يسدد ونت مفصول وجالس بالبيت وش العمل
كيف تأجيل الاقساط ٦ اشهر للافراد الذين فقدوا وظائفهم 😂😂😂
قرار مضحك 🤣
البنوك السعوديه. حتى لو تبون تأخذون اقساطكم من فين؟ هذا عاطل ماعنده عمل ولاراتب بالله كيف بتأخذ منه اقساط. تذكرت الكشف على كبار السن واطباء وزارة الصحه مجانا نفس التفكير ونفس التوجه
أرباح البنوك في عام ٢٠١٨ بلغت ٥٠ مليار و كانت اعلى في ٢٠١٩. فاتمنى من جميع البنوك تأجيل الاقساط لجميع الأفراد و خاصة المتقاعدين لمدة ٦ اشهر.
ما ذا عن المتقاعدين حيث زادت المصروفات ؟
واحد ماعند وظيفه كيف يسدداكيد يتم تأجيل السداد غصب عنكم لاكثرالله خيركم ولاجمل الله حالكم
يا أخي العسكر لولا الله ثم العسكر ما أنت جالس ببيتك وش مشكلة البنوك مليارات تصب من المواطن لصالحكم ليش مايكون لديكم بصمة للوطن والمواطن حسو استحو والغلط من مؤسسة النقد أمر تأجيل سته أشهر ونتهينا لان البنوك مامنهم للمواطن إلا إيقاف الخدمات هذا اللي هم فالحين فيه
كذابين 🤣🤣🤣🤣🤣
ممكن نلقي نظرة عن صافي ارباح البنوك وبعدها نقرر
جزاهم الله خيرا
هههههههه اللى فقد وظيفته لا تكونون أنكم محسسينا انكم متجملين الله لا يبارك فيكم من اليوم الا يوم الدين
محاولة استغفال غبيه من البنوك تجاه المواطن ؟؟ كيف مشيت على سبق ؟؟ يعني على بالهم انهم عملو مبادره 😂😂 ورازين صورة طلعت حافظ بعد 😂😂 ياخي خلو عندكم شوية احساس واعملو شي يبين وقوفكم مع الوطن والشعب لو مره وحده فقط . المطلب الوحيد اعفاء او تأجيل اقساط القروض الشخصيه فقط فقط ياطلعت
يامؤسسة النقد هل تعرفون معنى تأجيل يعنى انها تتراكم عليهم الدين اكثر واذا تراكمت ثقل عليهم التسديد معناها عدم التسديد ثم ايقاف خدمات وبعدها السجن ثم ضياع الاسره
ولي مخذ قرض شخصي موب من بنك وش يسوي😭😭💔💔 يارب فرجها
صراحه عجزت افهم بنوكنا ومسيريها !!؟ الله يعز دولتنا ولا يحدنا عليكم . مانبي منكم شي
بعدين وش هالكرم 6 اشهر اذا انتم صادقين شوفو الموظفين المقترضين والعسكر
ههههههههههههههههههههههههههه ع اساس يسددونكم
طيب فقدو وظائفهم ومن ياكلون عيالهم صحيح الي يستحو ماتو الله لا يجود عليكم ليتهم سكتو
والله لو يتازلون عن ٣٠ قسط مايجي ثلث ارباحهم من العميل المسكين ..أي مبادرة تلك
كميه إستغفال عجيبه من البنوك في هذا الخبر من سبق ؟
😂 😂 😂 مويه ماء ماين
هههههن حلوه تأجيل يعني من وين بيسدد لابوكم لابو من جابكم بنوك دول اطفر منكم اجلو الاقساط عالكل
المفروض تكون لجميع ابناء وبنات المملكه لانها وقت ازمه وتعدي وهي مرحلة تاجيل فقط يكسبو اجر في هذه المحنه التي يمر بها العالم ورمضان قريباً على الابواب كم سيدخلون السعادة في نفوس الناس البسطاء
يعنى ع اساس طيب منكم هو ماعنده وظيفه يعنى مافى امل يسدد تضحكون على من !
🤣🤣🤣 شر البليه مايضحك غصب عليكم ماتاخذون منه لان مافيه دخل له .. هذا التحايل والتلاعب كله علشان يتهربون من تأجيل الاقساط عن الموظفين
يعني ممنكم فايدة في البلد تأجيل ليش مو اعفاء من الاقصاد مو وطنكم بعد
🤔😬😱😂😂😂
ابشروا والله بتسريح خلق الله من الوظائف بالقطاع الخاص انتم بهذا الشكل اعطيتوهم الأذن بطرد موظفينهم أو دعمتموهم في ذلك بهذه الطريقة
ابي اعرف وش الضرر من تأجيل دفع قروض المواطنين لمدة ٦ شهور او ٣ شهور ؟؟!!!! تأجيل يابنوك الخيبه والمفترض مبادرتكم المجتمعية لهذا الشعب السعودي الوفي تكون اسقاط القروض مدة ٦ اشهر ومع ذلك تعصرون كن فيكم طلق على تاجيل الله لا يبارك فيكم ولا في اموالكم
كأنكم تريدون للجميع لكن على استحياء !
حسبي الله ونعم الوكيل البنوك ذول عصابات خاب مساعهم ولا وفقهم الله
عطونا الزبده ما يصلح الكلام اللي وراء التريلات لف و دوران
وعلئ فكرة هي مو رحمة ولا فزعة ولا شفقة من البنوك هو واجب وحق علئ وطنكم الذي دعمكم لعشرات السنين وفي إول أزمة توليتم من الزحف
هل يتوقعون ان الموطنين اليوم بسذاجة تصديق محاولاتهم الركيكة للدعم المجتمعي !! يا يتخذون قرار لصالح جميع المواطنين ويظهرون بموقف مشرف جدير بالذكر كما عملت كل الدول. أو ابتعدوا عن الظهور بمظهر الكريم الفازع لان تمثيلكم ردئ ولايتناسب مع حجم المشهد.
اجلوا القروض لكل المواطنين المقترضين اذا أنتم صادقين
اشرحوا لي 'فقدوا وظائفهم' وكم عدد هم❗❓
ههههه مفصول كيف يسدد
رهههههه اللي فقد الوظيفه كيف يسددكم ... خل عندكم شجاعه وخلوها لكافة الشعب مثل دول الخليج ...
قرار ناقص طيب واللي معطيتهم الشركات أجازه طويله بدون راتب ويش وظعهم!
قال ليتك يابو زيد ماغزيت👍🏻
عيب عليكم حتى منتم قادرين تأجلون الأقساط لو ٣ شهور باقي العالم على ٦ شهور تأجيل
طيب رجال الامن اش وضعهم
ياليت يتعلمون من البنك الكويتي بس
بنك الامارات بالرياض بيشمله هذا القرار ؟؟؟
باقي الاتصالات لم نسمع لها مبادره وهوامير شركات التأجير التقسيط أليس لهم دور ومساهمة هالوقت
واللي موقعين بدون رواتب وجالسين في البيوت
ماقصرتوا .. ابد متششقين من الفرحه ومايجينا نوم الليلة من فرحة هالقرار
هههه. الذين فقدو وظائفهم. متوقف راتبهم. غصب
انا واحد منهم وش فايدة التأجيل ولا في دخل؟
غير صحيح البيان واضح وصريح النقطه الاولى بالبيان تتكلم عن العملاء بشكل عام دون تحديد. وتكلم عن القطاعات الاقتصاديه في النقطه الثانيه واهميه القطاع الخاص والنظر في حال من فصل او نقص راتبه في النقطه الثالثه .. المتحدث للاسف استعجل بتصريحه الان يجي دور البنوك في هذا الموضوع ويارب
القرار يجب أن يكون شامل جميع القطاعات الحكومية العالم كله في أزمة قال قرار قال قرار
هم قصدهم اللي فقط وظيفته يعني على مايحصل وظيفه والا البنك له حق يرفع قضيه بعد 3 اقساط متأخره
مين الي فقدوظيفته ههههههههههه الله يخسكم
وين الجديد في الموضوع.... هذا القرار أصلا موجود من أول رابط الخبر القديم ... اللي أصدرته مؤسسة النقد
هههههههههههههههه لاتعبت ان شاء الله محد مسدد لا فقد وظيفته ههههههههههههههه ههههههههههههههه ههههههههههههههه
اللي فقد وظيفته ماهو مسددك
الحين إلى على رأس العمل مهو قدار يسداد عنده إيجار بيت وقسط سياره واغرض البيت ها الشهر والكهرباء الشهر هذا بتكون مرتفع لانه الجميع جالس في البيت و البنوك يعني سوو شي الحين معنده راتب يعني منوين بسداد
الله يعينهم طبيعي من وين يعطونكم
مبادرة البنوك عقيمه هي مسدد مسدد لا تاخر اعفي وسوي شي جميل
والمتقاعدين وش وضعهم بعد
خلو الرحمه عامه ليش ناس وناس لا
كيف يسدد بعد 6 شهور اذا ماعنده وظيفه 🧐
يارجال قرار غصب مفصول كيف يسدد ... مالهم منه
والمتقاعدين
الله يكون بعونهم
تحركاتهم بالتقسيط...طبعاً خوفاًعلى مصالحهم...لويأجلون 2 شهرين لجميع المواطنين هم الكسبانين...لكن الشكوى لله
من جدهم ولى يمزحون يعني من وين بيسدد اصلا اذا كان فاقد لوظيفته تأجيل الاقساط ماهو حل
للمهتمين بالإسكان وأخبارها والزبدة فيها. هذي مجموعتنا في التليجرام:. رابط القناة:. .. 82Ed4
والله ماشفتا من البنوك خير
لكل انسان / ه فقد وظيفته ...ربي يعوضكم ب أحسن منها ويارب قبل ٦ شهور تكونون توظفتوا
البنوك عندنا بخيله مستحيل تكون ف صف العميل
والله البنوك ما قصرت بادره تشكر عليها ✋
ليش ماتسامحونهم ،،،سته شهور وهي على ظهره.
الله يكون بعونهم .. ويعوضهم خير 🤲🏻
منتج العناية بالشعر (تساقط الشعر والصلع ) فوائده: -تقوية بصيلات الشعر - ترطيب الشعر والحفاظ عليه -ملئ فراغات الشعر -يعطي كثافة ولمعان للشعر المكونات : شامبو الو جوجوبا شامبو الو جوجوبا كونديشنج راينز الوفيرا جيلي أقراص فوريفر اركيتك لطلب المنتج التواصل عالخاص
بخاخ القرش الالماني🔥 📌زياده القدره الجنسيه 📌سرعة القذف 📌ضعف الانتصاب 📌تعزيز الحيوانات المنوية 🍃ليس له اثارجانبية للتواصل من الحساب الرسمي واتساب :: Bnota8q mrv
المملكة العربية السعودية أحدث الأخبار, المملكة العربية السعودية عناوين
Similar News:يمكنك أيضًا قراءة قصص إخبارية مشابهة لهذه التي قمنا بجمعها من مصادر إخبارية أخرى.
مصدر: aa_arabic - 🏆 8. / 63 اقرأ أكثر »
مصدر: cnnarabic - 🏆 5. / 63 اقرأ أكثر »
مصدر: aawsat_News - 🏆 16. / 53 اقرأ أكثر »
مصدر: ajlnews - 🏆 2. / 68 اقرأ أكثر »
مصدر: Arabi21News - 🏆 26. / 51 اقرأ أكثر »
مصدر: Akhbaar24 - 🏆 4. / 63 اقرأ أكثر »