لاہور ہائی کورٹ نےقومی احتساب بیورو کے آمدن سے زائد اثاثوں کے مقدمے میں پاکستان مسلم لیگ پنجاب کے صدر اور رکن قومی اسمبلی رانا ثنااللہ کی ضمانت کی 14 جنوری تک توسیع کردی۔
اس موقع پر عدالت نے رانا ثنا اللہ کے وکلا کو نیب کے جواب کی کاپی فراہم کرنے کا حکم دیا اور نیب کی جانب سے رانا ثنااللہ کے وکلا کو کاپی فراہم کر دی گئی۔ یاد رہے کہ 3 دسمبر کو نیب نے آمدن سے زائد اثاثوں کے کیس میں رانا ثنا اللہ کے وارنٹ گرفتاری جاری کر دیے تھے، جس پر چیئرمین نیب جسٹس جاوید اقبال نے دستخط کیے تھے۔نیب کا کہنا تھا کہ رانا ثنااللہ کے خلاف نیب کو 3 شکایتیں موصول ہونے کے بعدکارروائی کا آغاز کیا گیا اور ان کے خلاف 9 نومبر کو وارنٹ گرفتاری تیار کیے گئے تھے۔رانا ثنااللہ نے سماعت کے بعد لاہور ہائی کورٹ کے باہر میڈیا سے گفتگو کرتے ہوئے کہا کہ پاکستان مسلم لیگ کا ہر کارکن نواز شریف کے بیانیے کے ساتھ کھڑا ہے۔رانا ثنااللہ نے کہا کہ اگر 31...