پچھلا میرا خط تمہیں مل گیا ہوگا۔ تم خود پریشان ہو، اس پر میں بھی تمہاری فکروں میں دانستہ اضافہ کرتی رہتی ہوں، مگر کیا کروں ساجن! تمہارے سوا کوئی اور دکھائی بھی تو نہیں پڑتا۔ میرا تو اب کوئی نہیں ہے سوا تمہارے۔ اگر تمہیں اس احساس سے کچھ تسکین ممکن ہے تو اِسی کو بہت سمجھو۔ میں تمہارے ہی سہارے جیتی ہوں اختر!
لکھنؤ سے آج ہی حمیدہ کا خط آیا۔ رحیم قطعی راضی نہیں ہے۔ بہرحال ہر طرف ہاتھ پیر چلاتی ہوں مگر نتیجہ کچھ نہیں۔ اماں جان ویسے دن بھر کام کرتی رہتی ہیں مگر جادو کو کوئی دل چسپی ان سے نہیں، ان کی گود میں پہنچتے ہی چیخنا شروع کرتا ہے۔ نفیس کی مصاحبت البتہ پسند ہے۔ پرسوں گرلز کالج لے کر گئی تھی، ہر استانی سے عشق بازی کی۔ سب کی رائے ہے کہ تمہارا بیٹا بڑا پکا Flirt ہے۔ کیوں نہ ہو ”باپ پر پوت پتا پر گھوڑا۔“
رات بھر ایسی ذہنی کوفت رہی کہ اپنی آسائش کی خاطر میں اس غریب کو کس قدر تکلیف میں مبتلا کیے ہوئے ہوں۔ بس جی چاہتا ہے کہ ساری دنیا کو ٹھکرا کر اپنے بچے کی ہو کر رہوں؛ مگر دنیا کو میں ٹھکراتی ہوں تو جواب میں کیا وہ مجھے نہ ٹھکرائے گی اختر؟ غرض کہ دماغی کشمکش سے کسی لحظہ مجھے فرصت نہیں ہوتی۔ نفیس کا داخلہ ہوسٹل میں نہیں ہوسکا ہے اب تک۔ ممکن ہے کہ داخلہ نہ ہونے کی صورت میں اس وقت تک وہ میرے ہی پاس قیام کرے جب تک آپا کو فراغت ہو۔ پھر گھر درست ہو۔
پاکستان تازہ ترین خبریں, پاکستان عنوانات
Similar News:آپ اس سے ملتی جلتی خبریں بھی پڑھ سکتے ہیں جو ہم نے دوسرے خبروں کے ذرائع سے جمع کی ہیں۔
ذریعہ: ExpressNewsPK - 🏆 13. / 53 مزید پڑھ »
ذریعہ: Dawn_News - 🏆 17. / 51 مزید پڑھ »
ذریعہ: BBCUrdu - 🏆 11. / 59 مزید پڑھ »
ذریعہ: jang_akhbar - 🏆 7. / 63 مزید پڑھ »
ذریعہ: BBCUrdu - 🏆 11. / 59 مزید پڑھ »
ذریعہ: DailyPakistan - 🏆 3. / 63 مزید پڑھ »