وفاقی وزیر فیصل واوڈا نے کہا کہ بتائیں موجودہ حالات میں عمران خان نےکون ساغلط کام کر دیا، عمران خان نے 2 سال حکومت کی وہ کیسے35سال کاحساب دیں 30 سال سے یہ لوگ حکومت کرتے رہےاس کا جواب عمران خان کیوں دیں۔
اے آر وائی نیوز کے پروگرام میں گفتگو کرتے ہوئے فیصل واوڈا نے کہا کہ نوازشریف علاج کیلئے گئے ہیں تو اسحاق ڈار کس غرض سےلندن میں ہیں، حسن اور حسین نواز کس بیماری کی وجہ سےلندن میں موجودہیں، علی ڈار کیوں بیرون ملک ہیں وہ واپس کیوں نہیں آرہے؟ انہوں نے کہا کہا کہ پورا خاندان ملک سے فرار ہے عدالتیں انہیں مفرور کہہ رہی ہیں جب جیل میں تھے تو ٹوئٹر اکاؤنٹ بند تھا باہر آتے ہی انقلاب شروع کردیا۔
فیصل واوڈا نے کہا کہ ن لیگ کے 4 لوگوں کےعلاوہ تو کوئی بیانیہ اٹھانےکو تیار نہیں، نوازشریف اور دیگر جو مفرور ہیں پہلے ان کو تو وطن واپس لےآئیں۔ پروگرام میں گفتگو کرتے ہوئے ن لیگ کے طارق فضل چوہدری نے کہا کہ آج پاکستانی عوام خوش نہیں،مہنگائی کی وجہ سےتنگ ہیں عمران خان کےپاس اختیارہی نہیں کہ عدالتوں میں کیسزختم کردیں، این آراوکس نےاورکہاں پرمانگاہے،حکومت صرف الزامات لگاتی ہے۔