کراچی: مختلف علاقوں میں غیر اعلانیہ لوڈ شیڈنگ ، عوام رات گئے تک سراپا احتجاج

تفصیلات کے مطابق کراچی میں بجلی کی اعلانیہ و غیر اعلانیہ لوڈ شیڈنگ نے شہریوں کی زندگی اجیرن کردی، مختلف علاقوں میں کے الیکٹرک کی غیر اعلانیہ لوڈشیڈنگ کے باعث عوام نے رات جاگ کر گزاری۔

متاثرہ علاقوں میں ناظم آبادبلاک 5اے،پاپوش نگر،اورنگ آباد،گلشن معمار ، غریب آباد،لیاقت آباد،نیوکراچی،کٹی پہاڑی،گڈاپ ، لانڈھی3نمبر،37اے،36بی،نارتھ کراچی سیکٹر11بی،11سی،سیکٹر9اور10 شامل ہیں۔ کورنگی، ملیر، ماڈل کالونی، سعود آباد، کھوکھراپار اور جناح اسکوائر میں بھی لوڈشیڈنگ کا سلسلہ جاری ہے ، غیراعلانیہ لوڈشیڈنگ کیخلاف مکینوں نے احتجاج کیا، اس موقع پر مظاہرین نے شاہراہوں پر ٹائر جلا کر روڈ کو بلاک کر دیا تھا۔

خیال رہے جہاں کراچی میں شدید گرمی میں شہری پریشان ہے اور لوگوں کو راتیں جاگ کر گزارنی پڑ رہی ہیں وہیں ان علاقوں میں بجلی نہ ہونے کی وجہ سے پانی کا بھی شدید بحران پیدا ہو گیا ہے۔

پاکستان تازہ ترین خبریں, پاکستان عنوانات