ناروے کے دارالحکومت اوسلو میں مقبوضہ کشمیر کے مظلوم عوام کی حمایت میں شہر کے مرکزی علاقے میں ایک بڑا جلوس نکالا گیا۔
جلوس کا اہتمام کشمیر اسکینڈے نیوین کونسل ناروے، سماجی شخصیت محسن راجہ کی تنظیم نارویجن پاکستانی سوشل نیٹ ورک اور دیگر سماجی، سیاسی، مذہبی شخصیات اور تنظیموں نے مشترکہ طور پر کیا تھا۔ پارلیمنٹ کے سامنے مظاہرین سے خطاب کرتے ہوئے کشمیر اسکینڈے نیوین کونسل کے سربراہ سردار علی شاہنواز خان نے کہا کہ اس وقت مقبوضہ کشمیر کے عوام بھارتی محاصرے میں غذائی قلت کا شکار ہو رہے ہیں، انہیں ضروری ادویات بھی میسر نہیں۔
مظاہرے سے خطاب کرتے ہوئے پاکستان کے سابق وزیرِ اطلاعات قمرالزمان کائرہ نے کہا کہ ایک ماہ سے زائد عرصے سے بھارتی فوج کے محاصرے میں مقبوضہ کشمیر کے عوام انتہائی سخت مشکلات کا شکار ہیں، ناروے نوبل انعام دینے والا امن پسند ملک ہے اور ہمیں امید ہے کہ ناروے کشمیریوں پر مظالم رکوانے میں اپنا کردار ادا کرے گا۔
مقررین نے کہا کہ جموں و کشمیر ایک متنازع علاقہ ہے، بھارت نے 7 دہائیوں سے اس کے بڑے حصے پر قبضہ کیا ہوا ہے اور اب مودی حکومت نے اپنے ملک کے آئین کی دو شقوں کو ختم کر کے جموں و کشمیر کی خصوصی حیثیت بھی ختم کر دی ہے اور اس علاقے کو بھارت میں شامل کر لیا ہے، خطۂ کشمیر ہرگز بھارت کا حصہ نہیں اور بھارت نے اس علاقے پر غاصبانہ قبضہ کیا ہوا ہے۔
پاکستان تازہ ترین خبریں, پاکستان عنوانات
Similar News:آپ اس سے ملتی جلتی خبریں بھی پڑھ سکتے ہیں جو ہم نے دوسرے خبروں کے ذرائع سے جمع کی ہیں۔
ذریعہ: Nawaiwaqt_ - 🏆 6. / 63 مزید پڑھ »
ذریعہ: Nawaiwaqt_ - 🏆 6. / 63 مزید پڑھ »
ذریعہ: Waqtnewstv - 🏆 10. / 59 مزید پڑھ »
ذریعہ: Dawn_News - 🏆 17. / 51 مزید پڑھ »
ذریعہ: jang_akhbar - 🏆 7. / 63 مزید پڑھ »
ذریعہ: Nawaiwaqt_ - 🏆 6. / 63 مزید پڑھ »