اسلام آباد: صدرمملکت ڈاکٹرعارف علوی نے کورونا ویکسین کی دوسری ڈوز بھی لگوالی ۔ صدر مملکت نے ویکسین کی دوسری ڈوزاسلام آباد کے علاقے ترلائی کے ویکسینیشن سینٹر میں لگوائی ۔
صدرمملکت ڈاکٹرعارف علوی نے کورونا ویکسین کی دوسری ڈوز بھی لگوالی۔ صدر مملکت نے ویکسین کی دوسری ڈوز ترلائی کے ویکسینیشن سینٹر میں لگوائی۔کوروناویکسین کی دوسری ڈوز لگوانے کے موقع پر صدر عارف علوی نے میڈیا نمائندوں سے گفتگو کرتےہوئے کہا کہ پہلی ڈوز مارچ میں لی تھی مگر اس کے بعد کورونا ہوا جبکہ دوسری ڈوز آج لگوالی ہے۔
صدرڈاکٹر عارف علوی نے کہا کہ ویکسین کے علاوہ ، دیگر احتیاطی تدابیر اختیار کرنا جن میں ماسک پہننا ، بار بار ہاتھ دھونے اور معاشرتی فاصلے کو برقرار رکھنا وائرس کے پھیلاؤ پر قابو پانے کے لئے اہم ہیں۔انہوں نے کہا کہ بازاروں میں بھیڑ سے بچنے کے لئےانہوں نے رمضان کے آخری ایام تک عید کی خریداری کو التواء میں نہ رکھنے پر زور دیا۔
انہوں نے کہا کہ اگر ہم نظم و ضبط کا مظاہرہ کرتے ہیں ، احتیاطی تدابیر اختیار کرتے ہیں اور اللہ کی رحمت کی تلاش کرتے رہتے ہیں تو ، ہمیں مشکل وقت میں اس کی برکت سے نوازا جائے گا۔صدر عارف علوی نے بغیر کسی پروٹوکول کے ویکسین سنٹر کا دورہ کیا اور سروس کاؤنٹر پر رجسٹریشن سمیت مقررہ عمل کو پورا کرنے کے بعد ویکسین لگوا ئی۔
انہوں نے مرکز میں ان انتظامات پر اطمینان کا اظہار کیا جہاں ایک دن میں تقریبا چھ سو افراد کویکسین لگائی جارہی ہے جن میں سے 300 کو دوپہر تک اور افطار کے بعد 300 افراد کو ویکسین لگائی جارہی ہے۔انہوں نے کہا کہ حکومت نیشنل کمانڈ اینڈ کنٹرول سنٹر کے اشتراک سے صورتحال کو قابو کرنے کے لئے ذمہ داری کے ساتھ اقدامات کررہی ہے۔
پاکستان تازہ ترین خبریں, پاکستان عنوانات
Similar News:آپ اس سے ملتی جلتی خبریں بھی پڑھ سکتے ہیں جو ہم نے دوسرے خبروں کے ذرائع سے جمع کی ہیں۔
ذریعہ: Nawaiwaqt_ - 🏆 6. / 63 مزید پڑھ »
ذریعہ: Waqtnewstv - 🏆 10. / 59 مزید پڑھ »
ذریعہ: jang_akhbar - 🏆 7. / 63 مزید پڑھ »
ذریعہ: Nawaiwaqt_ - 🏆 6. / 63 مزید پڑھ »
ذریعہ: Nawaiwaqt_ - 🏆 6. / 63 مزید پڑھ »