اسلام آباد: سابق وزیراعظم شاہد خاقان عباسی نے کہا کہ رنگ روڈ میں سینکڑوں ارب کی کرپشن ہوئی لیکن کوئی گرفتاری نہیں ہوئی ۔ اگر ملک میں انصاف ہوتا تو اسپیشل اسسٹنٹ کو جیل میں ڈالا جاتا ، رنگ روڈ اسکینڈل میں اصل مجرموں کو چھپانے کی کوشش کی جا رہی ہے ۔
اپنے بیان میں شاہد خاقان عباسی نے کہا کہ رنگ روڈ اسکینڈل میں کل ایک معاون خصوصی نے استعفیٰ دے دیا ، موجودہ حکومت کے ہر وزیر پر کرپشن کے الزامات ہیں ، جس دن حکومت گئی کوئی وزیر ، معاون خصوصی آپ کو نظر نہیں آئے گا ۔ انہوں نے کہا کہ معاونین خصوصی کا اس ملک سے کوئی تعلق نہیں اسلیے معاونین خصوصی سب سے پہلے ملک چھوڑ جائیں گے ۔سابق وزیر اعظم نے کہا کہ حکومت کی جانب سے پاکستان مسلم لیگ ن کے صدر شہباز شریف کو 8 کیسوں میں ملوث کرنے کی کوشش کی گئی لیکن ان میں کرپشن کا کوئی کیس نہیں ہے ، نیب پراسیکیوٹر نے...