اسلام آباد: قومی اسمبلی کے اجلاس میں اپوزیشن نے انکم ٹیکس اور نیپرا آرڈیننسز کو خلاف آئین قرار دیتے ہوئے واپس لینے کا مطالبہ کردیا ۔ اپوزیشن نے کابینہ کی جانب سے منظور کردہ اسٹیٹ بینک کی خود مختاری کا مجوزہ بل بھی واپس لینے کا مطالبہ کیاہے۔
اسپیکراسدقیصر کی زیرصدارت قومی اسمبلی کا اجلاس ہوا۔ دوران اجلاس ن لیگ کے رہنما احسن اقبال نے نکتہ اعتراض اٹھایا کہ ملک کو آئین کے مطابق چلایا جائے گا تو صحیح طریقے سے چلے گا۔ آرٹیکل 73 کہتا ہے کہ کوئی نیا ٹیکس لگایا جائے یا تبدیلی ہوگی تو وہ منی بل کہلائے گا۔ آرڈیننس کے ذریعے منی بل نافذ کیے گئے ہیں۔انہوں نے سپیکر سے آرڈیننس فوری واپس لینے کا مطالبہ کرتے ہوئے کہا کہ سپیکر ایوان کے اختیار کے امین...
وفاقی وزیر حماد اظہر نے موقف اختیار کیا کہ جو آج آرڈیننس پر اعتراض کررہے ہیں وہ اپنے ادوار میں یہی کام ایس آراوز کے ذریعے کرتے رہے ہیں۔احسن اقبال کے مطالبے پر سپیکر اسد قیصر نے آرٹیکل 89کو 73کے ساتھ ملاکر پڑھتے ہوئے مالیاتی امور سے متعلق رولنگ دے دی کہ آرڈیننس جاری ہوسکتے ہیں۔ احسن اقبال نے رولنگ کو چیلنج کیا اور کہا وہ اس رولنگ کو عدالت میں چیلنج کرسکتے ہیں۔ اس پر اسپیکر نے کہا آپ عدالت چیلنج کرلیں۔پیپلزپارٹی کے راجہ پرویزاشرف نے کہا ہم عدالت جاکر اپنی داڑھی دوسرے اداروں کے ہاتھ میں دینے کے حق میں نہیں مگر منی بل کو عام قانون سازی کی طرح نہیں لایا جاسکتا۔
ایاز صادق کی تجویز پر اسپیکر نے مشیر پارلیمانی امور، وفاقی وزیر قانون، اٹارنی جنرل اور اپوزیشن کے قانونی ماہرین پر مشتمل کمیٹی کا دوتین روز میں مشاورتی اجلاس بلانے کا اعلان کردیا۔پیپلزپارٹی کے رکن آغا رفیع اللہ نے کورم کی نشاندہی کردی ۔ حکومت سرتوڑکوشش کے باوجود بھی کورم پورا نہ کرسکی تواجلاس جمعرات کی سہ پہرچاربجے تک ملتوی کردیا گیا۔
پاکستان تازہ ترین خبریں, پاکستان عنوانات
Similar News:آپ اس سے ملتی جلتی خبریں بھی پڑھ سکتے ہیں جو ہم نے دوسرے خبروں کے ذرائع سے جمع کی ہیں۔
ذریعہ: AbbTakk - 🏆 2. / 68 مزید پڑھ »
ذریعہ: jang_akhbar - 🏆 7. / 63 مزید پڑھ »
ذریعہ: NeoNewsUR - 🏆 20. / 51 مزید پڑھ »
ذریعہ: jang_akhbar - 🏆 7. / 63 مزید پڑھ »
ذریعہ: Waqtnewstv - 🏆 10. / 59 مزید پڑھ »