Karaniwan nang lumulutang sa mga malalaking anti-illegal drug operations ang salitang “buy-bust,” na siyang ginamit na operasyon upang makahuli ng mga big-time pusher at mabuwag ang isang sindikato ng ilegal na droga. Pero ni minsan ay hindi lumutang o nabanggit man lang sa mga after-operation report ng mga operatiba ang katagang SELL-BUST.
Sa naganap na shootout nitong Martes sa harapan ng Ever Gotesco Mall sa may Commonwealth Avenue, Quezon City, dalawang grupo ng anti-illegal drugs operatives mula sa Drug Enforcement Agency at Quezon City Police District ang umaangkin na lehitimong “buy-bust” operations ang kani-kanilang isinagawa. Nag-ingay ang magkabilang kampo dahil sinamangpalad na tatlong operatiba ng mga ito ang nagbuwis ng buhay, at ikinasugat ng apat na iba pa.
Para sa akin, unang-una – ilegal ito kaya ‘di dapat gawin ng mga operatiba. Dito kasi sa halip na hinuhuli ng mga operatiba ang nagbebenta ng droga, sila pa ang kumukumbinsi sa mga ito para bilhin ang iniaalok nilang kontrabando. Eh di para na rin sila ang sindikato rito! Kapag matagumpay na nairaos ang operation SELL-BUST – balik sa kamay ng mga operatiba ang “hiniram” nilang droga sa bodega at may karagdagang bonus pa – ito ‘yung malaking halagang ibinayad ng mga bumibili ng droga sa kanila. Palalabasin lamang nila na “budul-budol” ang ginamit nila sa “buy-bust”, at ‘yung totoong pera na ibinayad naman ng mga arestadong buyer – na biglang naging pusher – ay pagpi-piyestahan na ng mga operatiba.
Philippines Latest News, Philippines Headlines
Similar News:You can also read news stories similar to this one that we have collected from other news sources.