Sa budget interpellation ng DA sa Senado nitong Biyernes, tinanong ng mga senador ang sponsor ng budget bill ng DA na si Sen. Cynthia Villar kung paano matutulungan ng ahensya ang mga magsasaka na tinamaan ng mga nagdaang bagyo sa Bicol at Cagayan Valley.
Nabanggit din ng senadora na may mga programa ang DA para sa mga magsasaka ng palay at mais. Ang Cagayan at Isabela aniya ay malalaking probinsya ng palay at mais kaya siguradong makatatanggap ng tulong ang mga magsasaka. Ayon kay Dar, nagsasagawa na ang mga regional offices nila ng field validation sa tulong ng mga lokal na pamahalaan at ang National Disaster Risk Reduction and Management Council para matukoy ang mga taniman na lubhang naapektuhan ng mga bagyo at malaman kung anong lugar na ang pwede nang taniman at ano yung hindi pa.
Dagdag ni Dar, lahat ng mga apektadong magsasaka na nakapagrehistro sa Philippine Crop Insurance System ay mabibigyan ng P10,000 hanggang P15,000. Maaari ring mag-loan ng P25,000 na zero interest at payable in 10 years. Bukod pa iyan sa mga ibibigay nilang mga fertilizers, fingerlings at iba pang agricultural inputs.
Philippines Latest News, Philippines Headlines
Similar News:You can also read news stories similar to this one that we have collected from other news sources.