Pinarangalan sa Gandingan 2021: The 15th UPLB Isko’t Iska’s Multi-media Awards ang apatnapung mga personalidad, programa, istasyon ng radyo at telebisyon, at online platforms., kinilala ng UP Community Broadcasters’ Society ang gampanin at naging ambag ng midya sa pagpapalaganap ng impormasyon ukol sa COVID-19 at iba pang isyung pangkalusugan.
Sa kanyang mensahe, sinabi ni Chancellor Jose V. Camacho Jr. ng Unibersidad ng Pilipinas Los Baños na mahalaga ang gampanin ng midya lalo na sa panahon ng pandemya. “Sa mga panahong nagdaan habang binubuno natin ang mga pagsubok na dala ng COVID-19, higit na naging sandalan ng mga institusyon at mga mamamayan ang tama at patas na impormasyon tungo sa kanilang pagpapasya,” ani niya.
“We need media that can give us accurate information based on scientific evidence, and popularized so it is easy to understand and apply.” Umabot sa 168 entries ang natanggap ng UP ComBroadSoc mula sa 80 na programa sa buong bansa. Nilahukan ito ng malalaking media networks gayundin ng mga istasyon mula sa mga unibersidad at probinsiya. Tatlumput limang mga hurado na binubuo ng mga guro, estudyante, at eksperto mula sa UPLB ang sumuri sa mga entries.
Philippines Latest News, Philippines Headlines
Similar News:You can also read news stories similar to this one that we have collected from other news sources.