الخميس، 23 يناير 2020 12:53 صقال الدكتور طارق شوقى، وزير التربية والتعليم، إن المشاركة فى مؤتمر التعليم المُقام فى لندن غاية فى الأهمية لما يتم فيه من تبادل خبرات مع ممثلى المؤسسات التعليمية فى دول العالم، مشيراً إلى أنه خلال الأعوام الماضية كان يشرح ثورة التعليم المصرية فى افتتاحية المؤتمر، خاصة أن الدول التى تتخذ إجراءات إصلاحية فى التعليم دائمًا ما تلفت النظر فى هذا المؤتمر وغيره، وكانت التجربة المصرية من التجارب التى يتم مناقشتها فى المؤتمر على مدار المشاركات الماضية.
وأوضح وزير التربية والتعليم، أن إحدى الشركات التى تعمل فى تطوير التعليم على مستوى العالم، أشادت بشكل كبير بالتجربة المصرية أمام دول العالم، خاصة وأن هناك العديد من البلاد التى فشلت فى تنفذ التجربة التى طبقتها مصر فى الأنظمة التعليمية، موضحًا أن تأهيل البنية التحتية التى يستند عليها إنشاء المنظومة الجديدة للتعليم شاركت فيها العديد من الجهات.
وقال وزير التعليم، إن الخط الزمنى لتحقيق نهضة تعليمية شاملة كان مبهرًا، حيث حدث تطور كبير فى مختلف القطاعات فى وقت قياسى، سواء فى أنظمة التدريس أو إجراء الامتحانات، حيث تم إقحام التكنولوجيا، ومواجهة تسريب الامتحانات والغش، من خلال منظومات محكمة تم تطبيقها أنهت هذه الظاهرة تماما.
شبه الدكتور عبدالعاطي
وربنا انت و هبل احنا طلعنا اصلا من التصنيف العالم للتعليم و بتقول يتعلمو مننا هتعلمهم الفشل وهما تعلمهم ناجح والناس نضجه
اي فخر طالب الجامعه لاتعرف تقرء خطه ولاكلامه
ابدا
يارب يكون صحيح
شكرا_طارق_شوقي
انت فى عالم واحنا فى عااالم
حسبنا الله ونعم الوكيل. الإصلاح من الصغر ليس من منتصف العمر
أكيد التجربة بتاعتنا لازم تكون محط أنظار العالم لإنها باختصار هتقضي علي أي أمل في التعليم في مصر هو لغاية امتي هنفضل نجيب وزراء تعليم مالهمش علاقة بالتعليم جايبين مهندس ميكانيكا اومال فين التربويين اصحاب التخصص ولا هو أكل عيش وخلاص
محط أنظار العالم فى الخيبة والجهل
نفخر بالغش الي في المدارس صح، هههههههه، حسبي الله ونعم الوكيل
احنا لا شايفين تجربة ولا شايفين تعليم اصلا انتوا عايشين في كوكب تاني يا جدعان ولا ايه
نفخر بايه بالضياع والفساد اللي انت عملته في مستقبل جيل كامل هو انت ليه مش شايف اللي بيحصل في اولادنا مش بتسمع طيب فوضنا الامر لله هو قادر علي كل شئ حسبي الله ونعم الوكيل تعب سنين راح مننا
المدارس كلها بتغشش طلبة اولى وتانية ثانوي علشان التجربة فى الناس بتاعته تنجح ..حسبنا الله ونعم الوكيل
اكيد من طفرة لتحسين التعليم مصر طول عمرها بتفتخر بكثرة العلماء فعلا منهج التعليم الجديد هيخلق مثقفين لايعتمدوا علي التلقيم بل الاطلع
حرام عليك دمرت مستقبل أولادنا...وحسبي الله ونعم الوكيل فيك ..احنا مش ضددالتطوير بس المفروض النظام ينطبق علي أطفال الحضانه والابتدائي فقط لحد ما يوصلواااا للمرحله الثانويه..اما طلاب الثانوي اللي حضرتك ضيعت احلامهم اللي جايبلهم امتحانات من المريخ ...
النظام الجديد يسير على قدم واحدة.. ولم ينتبه الي القدم الأخرى وهي المدرس فلم تعد زيادة اعداد التلاميذ هي السبب فأنا اعرف مدارس خاصة عدد التلاميذ في الفصل لا يتعدى أصابع اليد الواحدة.. ويأخذون دروس في كل ألمواد.. أصبحت سبوبة يتزعمها ويشرف عليها الموجهين والنظار
لا باين جدااا فعلا
تجربة فاشلة لان الاساس غير متين ويجب البدء بهذة التجربة من اولي ابتدائي وتحسين شبكة الإنترنت بشكل يستوعب الضغط الهائل وإلا شف عمري ما سمعت ان فية دوله واحدة ذكرت نجاحاتك الفذة دي مدارسنا اصبحت تخرج جيل فاااااااااشل
قول على دولة واحدة قالت الكلام ده الحقيقة ان ده أفشل تطوير تعليم فى العالم دمرتوا العيال و افقدتوهم الثقة فى نفسهم ربنا ينتقم منكم
منظومه فاشلة وانت وزير فاشل حسبي الله ونعم الوكيل
يعني حرام النظام دا والله ظلمنا فيه
انت بوظت مش طورت حسبي الله ونعم الوكيل العيال مش فاهمين حاجه وحد يجرب نظام جديد في مرحله مصيريه زي الثانوي ابدء من مرحله صغيره واطلع بيها انت ضيعت مستقبل العيال ربنا ينتقم منك
ياهو اللي مسطول يا انتو اللي خربانين الكلام دة ميجيش من حد طبيعي ابدا
ربنا ياخدك دي منظومه فشله من البدايه انزل الشارع وسءل الطلبه اقسم بالله مهترجع بيتك
حد يعرف حاجه عن التجربه دي يا اخوانا فهموني اصل معدتش عليا التجربه دي ولا شوفتها
من أكبر المصائب الظن بأنك تسير في الطريق الصحيح و هو في الحقيقة الطريق الخطأ
مبروك يا عرب احنا صار عندنا كذا نسخة من مصطفى بكري
استغفرك ربي واتوب اليك
حطه يا بطه
دى اسمها جمادة وش يا باشا عن اى تعليم فى مصر تتحدث
موضع يستحق النقاش اه قصدك مين بالضبط
تحيا مصر ورئيسها العظيم الانسان
اللي هي فين التجربة ؟!!!!
الى هى ايه لو سمحتم
انا معرفش انتوا بتجيبوا الناس المتصالحة مع فشلها كده منين.. الله يخربيت كورسات التنمية البشريه
ربنا يستر
لا حول ولا قوة الا بالله
ايوه ايوه انا مصدقق... ههههههههه
النبى تتلهى
يعم محط انظار مين جاتك وكسه انت مصدق نفسك يمعالى الوزير. يعنى انت عارف فى الاول انت بتقول ايه او بتفكر فى الكلام قبل ما بتقوله... جاتك وكسه... عارفين ان انت ممكن تكون شغال وكويس فموضوع التعليم.. لكن مش عشان كام واحد قلك الله ينور... هتوسع منك وتقول محط انظار العالم.
مش كده حراااااام
اطمن معظم الشعب خدامك يا سعادة البية الوزير التعليم فى مصر اصبح مقتصر على المقتدر سواء نظام قديم او جديد او جامعات طالما حكومة فهم خدامينك
انت أكيد إنسان مش طبيعي 😡😡😡
واسععععععععه😶
🤐🤐🤐🤐
منك لله مقضينها دروس مفيش تعليم في المدارس
حسبي الله ونعم الوكيل في اللي بيحصل لاولادنا.. لا فاهمين تجربه ولا عارفين منظومة التعليم ماشيه فين.. ولا قدرات الطالب بجميع مراحله التعليميه..يا سيادة الوزير من قال لا اعرف فقد افتي.. انما الفتي عندك في الوزاره بتعاليم من سيادتك من غير دراسه ولا معرفه.. ربنا مش هايسامحكوا.
وفين الكلاب المسيطريبن على الوزارة يولوا الكلام ده للطلبة
مدير_معهد_القلب_وزيرآ_للصحه_مطلب_شعبي مدير_معهد_القلب_وزيرآ_للصحه_مطلب_شعبي مدير_معهد_القلب_وزيرآ_للصحه_مطلب_شعبي مدير_معهد_القلب_وزيرآ_للصحه_مطلب_شعبي مدير_معهد_القلب_وزيرآ_للصحه_مطلب_شعبي مدير_معهد_القلب_وزيرآ_للصحه_مطلب_شعبي مدير_معهد_القلب_وزيرآ_للصحه_مطلب_شعبي
أماال طبعا طبعا
ربنا يوفقك يا دكتور للاسف كل الفشلة اللي عايزين التعليم محلك سر ومافيا الدروس ضدك...من منطلق اني استاذة جامعية اؤيدك جدا
انهي تجربه طيب عشان تجاربنا متتعدش 🤣🤣
يلا يا فاشل.. عالم مين اللى هيبصلك يا فاشل يا مسخرة مدرسة عاشور
تجربه ايه؟
وزير محترم وصاحب رؤية ممتازة وكان الله في عونه خفافيش الظلام مازالت تحاربه بقوة لإفشاله وإفشال المنظومة التعليمية المحترمة التي بدأها للقضاء على مرض التلقين والدروس الخصوصية . الرجاء من جميع المحافظين معاونته في مراقبة المدارس والتفتيش الدوري عليها ومجازاة المقصريين .
اخخخخخخخخخ
انتو بتحاولو جاهدين تستفذو الناس صح؟!!😏
دنا لسى معاليك بحلم ان عندي بكره امتحان فيزياء وبصحى مرعوب وبحمد ربنا انه كان كابوس بشكر معاليك وبشكر حهودك ولايمكن تخفى عن المنصف
بيجي لي ساعات قبل النوم احنا اتهرينا ليه بمواد صعبه جدا واسئله عملت لينا رعب واتخرجنا واقسم بالله لو تسالني اليوم عنها معرفش اجاوبك لانها بعيده ومش مستخدمه بمحالي كطبيب استفدت ايه معاليك من التفاضل والتكامل ومش عارف اي ايوه معاك اتعلمها بس باسلوب ماينفرني من الماده
يامعالي الوزير بارك الله جهودكم احنا كخليجيين اتخرجنا من تحت اساتذه مصريين واتخرجت من كليه الطب تخت ايادي مصريه نفتخر بها كعرب بس ندي ابناءنا الثقه والتيسير ع الطلبه الجيل النهار ده مش زي جيل معاليك وجيلي بالكاد بالنار يسيب موبايله ويقوم يذاكر وبعدين معاليك عندي سؤال
ربنا يوفقك بس ويدينا العمر نشوف ثمار التجربه دي
😏😏😏😏😏😏😏
ياراجل حرام عليك العالم كله بيتفرج عشان يضحك علينا
🤣🤣🤣🤣🤣🤣🤣امانة اتلهى بلا محط انظار دى محطه خره ع راسك جتاك نيله
هى محط!؟ اما أنظار العالم فالعوالم كتير فاى عالم؟
خخخخخخخ
يا راجل اتنيل علي خيبتك
مش لما الفكره تنجح الاول .
ههههههههههههه بلا وكسة
يا ريت تقدم أستقالتك أفضل
🐩
تحيةلكم.ودعوات أن الله يوفقكم. أختلف معك.تجربةأيه؟المدارس علمت الطلاب ايه جديد؟لاشيء..ليس المهم امتحنهم علي تاب او ورق.تطويرمنهج أهم.
الرجل المش مناسب في المكان المناسب . أشكري يا انشراااح
التعليم المجانى انقراض من الحياة--ا2000عام التعليم المفتوح الخاص بالاكابر فقط لا غير
لا تعليق
اعطيني مثال لدوله واحده ناقشت موضوع نجاح التعليم في مصر ، التعليم صار فأر تجارب ولن تنجح أمه بدون التعليم السليم
تجربة الدروس الخصوصية تجربة التابلت التجربة الدنماركية فاشل
طيب ايه النتائج اللى وصلت لها عشان تقول كده ..طبعا النتائج صفر.الله المستعان
عبدالفتاح السيسي: يعمل أيه التعليم في وطن ضايع
ياعم انحط انت في حتة بعيدة عننا الله يكرمك بامارة ايه ؟ اقول لك انا بأمارة ان الاولاد في معظم المراحل مابتروحش المدرسة والمدرسين نقلوا المدرسة لبيوتهم والسناتر والبيوت زادت ضيق علي ضيقها ربنا ينتقم منك
بوظط التعليم. ربنا ينتقم. منك
كلام فارغ بيغطي بية على فشله -- نجاح ايه والمدرسين اصلا مش فاهمين اولها وآخرها حرام عليكم -- ياريس السيسي نبوس جذمتك ارحمنا طارق شوقي خربها
انت دمرت التعليم في مصر اكتر من الاول ربنا يستر علي اولادنا احنا بنسمع كلام منك فقط الواقع حاجه تانيه
ان شاء الله بحطوك في بلاعه يا بعيد افشل نظام تعليم في العالم
الوزير ده عايش في حتة تانية خالص غير مصر ..
طبعا عشان تجربه فاشله 😂😂✋
مصر أحدث الأخبار, مصر عناوين
Similar News:يمكنك أيضًا قراءة قصص إخبارية مشابهة لهذه التي قمنا بجمعها من مصادر إخبارية أخرى.
مصدر: masrawy - 🏆 6. / 63 اقرأ أكثر »
مصدر: Mobtada - 🏆 2. / 63 اقرأ أكثر »
مصدر: Mobtada - 🏆 2. / 63 اقرأ أكثر »
مصدر: youm7 - 🏆 7. / 63 اقرأ أكثر »
مصدر: ElwatanNews - 🏆 23. / 51 اقرأ أكثر »
مصدر: ElBaladOfficial - 🏆 11. / 59 اقرأ أكثر »