تسلل المرض الخبيث لجسدها ففي الوقت الذي كانت تعد نفسها للزواج من حبيبها، كان"الخبيث" سرى في دمائها، وحينما اكتشفت إصابتها بـ"لوكيميا" ظلت تبكي وتفكر في مصيرها مع خطيبها، لتفاجئ بتمسكه بها، رافضة البعد عنها، كما أنه عجل من مواعد زواجهما ليساندها طيلة رحلة علاجها.
قصة حب قوية جمعت بين"شيماء" وزوجها أحمد محمد، لم تنهزم أمام السرطان، بل على العكس تحدّت المرض حتى كُتب لشيماء الشفاء:"أول ما عرف إنى مريضة سرطان قبل جوازنا بكام شهر، قال لي مش هاسيبك وهنسرع بالجواز وهتتعالجى فى بيتى، أنا اللى هاشيلك وهاشيل كل مسئوليتك، وقال لي عندي يقين إنك هتخفى وهتقومى ليا من تانى"، بحسب حديثها لـ"الوطن".
شعرت حينها بطاقة إيجابية تجعلها قادرة على خوض معركتها مع المرض:"كان عارف مواعيد الأدوية، لو نايمة يصحينى، وكان بيساعدنى فى شغل البيت والأكل، عمرى ما حسيت بتعب". ورغم أن نسبة الشفاء كانت ضعيفة تصل إلى 20%، لكنها تعافت تماماً بعد 7 سنوات من إصابتها بالمرض:"كان طول الوقت بيعمل لى مفاجآت، يخرّجنى طول الوقت، وفى البيت كان بيقدم لى دعم كبير نفسى ومعنوى، كل ده شجّعنى على تحدى المرض، ساعات كنت باحس إنى نفسى أخف علشان هو تعب معايا"، مؤكدة أنهما رُزقا مؤخراً بطفلة داوت كل ما عاشته من آلام:"كان عنده طاقة وقوة رهيبة، حتى لما خلفت بنتنا، كان هو اللى بيشيل مسئوليتها، خصوصاً فى أوقات تعبى".
ربنا يشفيها ويسعدهم
ربنا يشفيها يااارب ويسعدها في حياتها ويباركله في صحته ويرزقهم الذرية الصالحة
احتراماتي سياده الانسان
هو العادي والطبيعي أن الراجل يواجه مع خطيبته أو مراته كل الظروف الي تمر بيهم ....يظهر أن الزمن دا بقي الي بيعمل الشئ الواجب والطبيعي بقي بطل
الله يشفيهاعاجلاغيرآجل ويكرم زوجها بالأجر والرزق الوفير.بجدأصيل.
يارب اشفيها و اشفى ك مرض
بارك الله فيه ويشفيها ويخليهم لبعض
ربنا يكرمكم و يفرجها عليكم
ربنا يشفيها ويقومها بالسلامة ان شاء الله، انه علي كل شيء قدير
ربنا يشفيها ويعافيها. هو ده اللي يستحق كلمه راجل
عشان انت راجل يابني والله
علي الاصل دور .....
ألف سلامة يارب تقومة بسلامه وتكون بصحة وعافية ان شاء الله تقومة بسلامه
ربنا يجازيكم عن الاسلام خيرا
ماهو ده اللى إسمه الحب اللى بجد
اللهم اكرمهما واشفيها يا رحيم وعافيها
هو التصرف الانساني النهاردة بقى غريب للدرجة دي أم أن المفترض إن الكل يكون ' ندل ' و' قذر ' مثلاً ؟!!!
مصر أحدث الأخبار, مصر عناوين
Similar News:يمكنك أيضًا قراءة قصص إخبارية مشابهة لهذه التي قمنا بجمعها من مصادر إخبارية أخرى.
مصدر: ElwatanNews - 🏆 23. / 51 اقرأ أكثر »
مصدر: ElwatanNews - 🏆 23. / 51 اقرأ أكثر »
مصدر: ElwatanNews - 🏆 23. / 51 اقرأ أكثر »
مصدر: ElwatanNews - 🏆 23. / 51 اقرأ أكثر »
مصدر: ElwatanNews - 🏆 23. / 51 اقرأ أكثر »
مصدر: ElwatanNews - 🏆 23. / 51 اقرأ أكثر »