وجهت المواطنة ريم عبدالله، رسالة مؤثرة عبر حسابها بموقع "تويتر"، بخصوص جائحة كورونا، لتحث الناس على الالتزام بالتعليمات الوقائية حتى لا يفقدوا من حولهم بسوء تصرفهم.
وطالبت "ريم" عبر منبر "سبق" بنشر تغريدتيها التي حظيت بتفاعل كبير بين رواد تويتر وقالت فيها: جدي توفى اليوم بإصابته بفيروس كورونا وقبله خالتي، وفي ناس للحين مو مستوعبة كمية الخطر اللي قاعدة تنشرها، وهي تطلع وتتمشى بدون ما تلتزم وتنهي حياة ناس كثير، كورونا للحين ما انتهى بشكل كلّي! قاعدين تنتظرون وفاة شخص قريب منكم عشان تصدقوا أن الوضع خطير وجدّي بصراحة الفقد شىء مُوجع وجربته مرتين.
وأضافت: بنفس الفترة وكلّه بسبب هالفيروس، والسبب الرئيسي طبعاً هو الهمج وقلة الوعي عند أغلب الناس! اتقوا الله بأحبابنا وأحبابكم والتزموا ولا تطلعون إلا للضرورة، دعواتكم لهم بالرحمة والمغفرة.. إنا لله وإنا إليه لراجعون.
كيفك
رحم الله أقاربها المتوفين
الله يرحمهم جميعا وهذي سنة الحياة وشكل الفتره هذي كل الوفايات تسجل كورونا . هناك تراجع في الوفايات الازمة التنفسية هذا العام مقابل عام ٢٠١٩ لنفس الفترة .
الله يتقبلهم ويرحمهم وينزلهم منزلة الشهدا ويجعلهم ممن لاخوفا عليهم ولاهم يحزنون ... وينزل الشفاء لمن يصارعون المرض ويلطف بحالهم
تعددت الاسباب والموت واحد .. هذا يومهم
الجاهل. عدو. نفسه. ، الى ماهو محافظ بعد حجر ثلاث شهور ! ماهو محافظ لو يحجرون سنه كامله ويفكونه يرجع نفس الحركة ،، الاقتصاد. يهم الدولة مثل الصحة ، اعان الله دولتنا
اتمنى مايرجع الحظر ولاكن اتمنى يتم تخصيص لجنه تقوم بتطبيق الغرامات المفروضه على مخالفين الاجراءات الاحترازيه وتكون لهم بالمرصاد عشان يهجدون السعودي مايجلسه في بيته الا اذا عرف انه بيدفع فلوس واكبر دليل غرامات حظر التجول وشفنا الوضع يوم فكو الحظر
عندنا البعض متخلف ومستسهل الموضوع ولاهو راضي يفهم انه خطير بس لمن يموت عندو احد يعرف وقتها ان الموضوع جدي
كيف عرفتو اسم ابوها عبدالله؟
وليتها تتعض من الموت وتتحجب وتلتزم بشرع الله
لو الحظز الرياض وجده ومكه اهل الرياض جونا في الجنوب ونشروا المرض تزايدات الحالات عندنا النماص تنومه بللسمر وادي بن هشبل طريب الحالات الي فيها ناس جو من الرياض مصيفين
خرفان المجمعات وهمج الكافيهات وعشاق الطوابير هذولا افة وتخلف يجب تنظيمهم والاخذ عليهم غير الجهلة اللي يقولك يارجال مايجيك الا المكتوب🤔لن تعود حياتنا كما كانت الا بالوعي والوعي فقط 👋
فيروس كورونا وباء عم ببلاءه العالم لكن الوضع الآن أفضل بسبب الاحترازات الوقائية وتفهم المواطن والمقيم بخطر الفيروس في حال عدم العمل بالتعليمات والإلتزام بها من وزارة الصحة قد تتفاقم المشكلة كن على وعي من ذلك وعش حياتك بهدوء وحذر والله الحافظ
الله يرحمهما ويصبر اهلهماء ويدخلهماجنة الفردوس الاعلي مع الانبياءوالصديقين يارب.
حسبناالله ونعم الوكيل هالناس مدري وين بيوصلونابهالاستهتار مدري وش بيخسرون لو التزمو بالكمامه والبعد عن الزحمه والاختلاط
الله يرحمهم
ماحد ميت قبل يومة قال الايمن فى القدر
الله يرحم أمواتنا و أموات المسلمين
غطي وجهك علشان ما تجيك عدوى
الله يرحم جدك ويرحم اموات المسلمين
والله مستهترين تعالو شوفو جازان اليوم مع المطر ما بقى انسان ماطلع من بيته حريم ورجال وكشتات لاكن ما اقول غير حسبي الله ونعم الوكيل في كل مستهتر باروح الناس
نحتاج حظر كامل فعلا عندنا ناس ماهي واعيه
من ثلاثه ايام سابقه اعتقد مافي مواطن توفي ياليت تتكدون من الخبر
الله يحرق الصين ويزلزلهم
محد ميت دون يومه ترا غثيتونا بسوالفكم هذي ، كل شوي جايبين سالفه من روسكم ، عمر ابن ادم مكتوب اذا ما مات من كرونه يموت مدعوس محد معمر 100 سنه فارقونا ضربتو في نفسيات العالم بسوالفكم
ارسلي شهادة الوفاة عشان نصدقك
الله يرحمهم وجميع المسلمين فعلا العالم ماعم تفهم والله من شوي قابلت ناس بالشارع ولا كانو في شي وزيادة كمان
الله يرحمهم ويتقبلهم وهذا يومهم وساعتهم ، تعددت الأسباب والموت واحدًا
مامات أحد قبل يومه ماأصابهم لم يكن ليخطأهم وماأخطأهم لم يكن ليصيبهم رفعت الأقلام وجفت الصحف
وباء اخر الزمان والعلم عند الله
missdior456 ريم عبدالله الممثلة
ريم عبدالله وأخواتها 😅 بسبب تغريداتهم الناس ماتهتم
السلام عليكم الله يسعدكم دنيا وآخرة ساعدونا ولو بمقاضي البيت والله ظروفنا ما يعلم فيها غير ربي سبحانه الحمد الله على كل حال والي ما يقدر يساعدنا يدعيلنا
حساب وهمي
نفس اهلي اختي كان زوجها تعبان ٢٩/٩جت بيت اهلي وثاني العيد رايحه للجيران واهي بادي فيها تعب الفلونزا زكمه المهم سوت المسحه وطلع اجابي عاد هنا حسو الموضوع فيغمههغغ
لاحول ولا قوة الا بالله العلي العظيم
من ذو قليل انا عند الصرافة حقت الراجحي بضهره البديعه الناس تصرف بدون الالتزام بالكلفزات ولا الكمامات وعادي عندهم حسبنا الله ونعم الوكيل ناس مستهتره بالارواح حقت الناس
تأكدوا قبل لا تستعجلون... لا تصير مثل سالفة صاحبتنا الدكتوره اللي ضحكة على نص الشعب الميمون...!!!!! 😂😂😂😂😂
ياخي اسمها ريم من وين جبتوا ريم عبدالله
ملينا من هالكلام والفعل مختلف طالما في كورونا ليش توقف الحجر الا على فئه معينه
ماحد ميت قبل يومه قال تعالى (لايستقدمون ساعةً ولا يستأخرون)
طيب وش عرفكم اسمها ريم عبد الله 🤔😅 ثاني مره اطبخوا اكل حلو
لاحول ولا قوة إلا بالله إنا لله وإنا إليه راجعون
💔💔💔💔
وين ريم عبدالله ، ذي ريم بس
على قدر وعيك تحمي نفسك أهم شئ اترك الزيارات والمجاملات اخذ حاجتك وقت الخروج وارجع لبيتك
🚀🚀
الله يرحمهم جميع
لازم المسؤولين يتحركون ويتخذون الاجراء اللازم خلال هاليومين.. على كذا الفيروس بيقعد لنهاية السنة !
والله انا بالبدايه ماكنت مستوعبه كورونا لين أنصابو أولاد أخوي وأمهم .... أنتبهو تعبه موسهل والله
المولات بحكم ان دخالها مرتفع مسووليه مسوليه كامله عن وضع مراقبين
هل تعلنونها وباء فاتك بالبشرية بمعنى وباء يحصد من ١٠٠ ما نسبته تتجاوز ١٥% من البشرية او اكثر ان تضخيم الازمة امر مرفوض لما يسببه من هلع و تدمير للحياة اليومية
{ أَحَسِبَ النَّاسُ أَن يُتْرَكُوا أَن يَقُولُوا آمَنَّا وَ هُمْ لَا يُفْتَنُونَ • وَ لَقَدْ فَتَنَّا الَّذِينَ مِن قَبْلِهِمْ ۖ فَلَيَعْلَمَنَّ اللَّهُ الَّذِينَ صَدَقُوا وَ لَيَعْلَمَنَّ الْكَاذِبِينَ }
يجب علي الامانه ووزارة الصحه وضع مراقبين في الاماكن المزدحمه دائمين لمراقبه المخالفين وانزال العقوبات بهم
{ وَنُنَزِّلُ مِنَ الْقُرْآنِ مَا هُوَ شِفَاء وَرَحْمَةٌ لِّلْمُؤْمِنِينَ وَلاَ يَزِيدُ الظَّالِمِينَ إَلاَّ خَسَارًا }
رحمة الله علية جا يومه واللي مكتوب له الموت بيموت ولو انه بجحر ضب لكن هذا مايمنع الاخذ بالاسباب وعفانا الله واياكم من شر هذا الفيروس
يجب توعية المواطنين باالتبليغ الفوري عن المخالفين للاجراءت الاخترازيه هذا واجب وطني
من جد الوضع كل ماله يتصعب اكثر واكثر من ساعة ما انفك الحظر والحالات بتتزايد والوفيات بكثره الاستهتار مازال بين فئه كبيره بالمجتمع بس مايحس لالنار الا رجل واطيها
يالله😢الله يحفظ اهلنا ويحفظنا جميعااااا اشتقت لازعاج البزارين ولعبهم وهواشهم مع بعض ،اشتقت لجمعه امي وابوي واخواني واخواتي🤕😫يارب فرج من عندك عاجلاً غير اجل
الله يرحمهم ويرحم اموات المسلمين يارب فرج من عندك فرح من عندك توفيق من عندك يارب العالمين
تاكدو من الخبر قبل نشره ترى الباحثين عن اتنشن في تويتر كثير
ريم عبدالله
ليه ريم لوحدها؟!!!!
💮💮﷽💮💮 ﴿إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَاالَّذِينَ آَمَنُوا صَلُّوا عَلَيْهِ وَسَلِّمُوا تَسْلِيمًا﴾
ريم بس
المملكة العربية السعودية أحدث الأخبار, المملكة العربية السعودية عناوين
Similar News:يمكنك أيضًا قراءة قصص إخبارية مشابهة لهذه التي قمنا بجمعها من مصادر إخبارية أخرى.
مصدر: skynewsarabia - 🏆 19. / 51 اقرأ أكثر »
مصدر: France24_ar - 🏆 24. / 51 اقرأ أكثر »
مصدر: RTARABIC - 🏆 28. / 51 اقرأ أكثر »
مصدر: aawsat_News - 🏆 16. / 53 اقرأ أكثر »
مصدر: aawsat_News - 🏆 16. / 53 اقرأ أكثر »
مصدر: RTARABIC - 🏆 28. / 51 اقرأ أكثر »