الأهلي، وذلك بعد عجزه عن تمرير توصيتين كانتا تنصان على رفع رواتب العاملين من الكوادر السعودية بالقطاع الخاص وجعله بيئة مُحفزة للسعوديين حملة المؤهلات وتشجيعهم للدخول لسوق العمل.وعلمت "سبق" أن التوصية الأولى التي طالب فيها بتحديد رواتب السعوديين لـ6 آلاف ريال لم تؤيد؛ لأنها اقتصرت على السعوديين دون غيرهم وكان فارق التصويت سبعة أصوات فقط.
وتقدم "ابن جمعه" بتوصية ثانية حثّ على تطبيق العمل بنظام الساعات في القطاع الخاص بحد أدنى 35 ريالاً للساعة بما يضمن زيادة دخل الموظف، وتقاضي راتبه أسبوعيًّا فلم تنجح التوصية بسبب أن العمل المرن يطبق الأجر بالساعة والعمل المرن يختلف تمامًا فهو يُعمل به في أي وقت محدد ولا ينطبق على الجميع وهو خياري وصاحب العمل يتحكم فيه لكن مطالبته بهذه التوصية كانت بسنّ قانون ينسحب على الجميع بلا استثناء ولا يتحكم بها صاحب الشركة أو العمل فلم تفز كذلك بفارق تصويت بسيط.
وقال "ابن جمعه" لـ"سبق": منافع التوصية الثالثة التي سنقدمها قريبًا على تقرير وزارة العمل تتركز على ضمان حد أدنى لأجر العامل يتماشى مع تكلفة المعيشة وتحفيز السعودي على العمل والمنافسة في سوق العمل وتقليص معدل البطالة بما يتسق مع رؤية 2030 ورفع إنتاجية العامل وزيادة إنفاق المستهلك يدعم الاقتصاد. وأضاف: ستكون التوصية بناءً على المادة 89 من نظام العمل والتي تنص على أنه يحق لوزير العمل تحديد الأجور عندما تقتضيه الحاجة ويتم رفعه إلى مجلس الوزراء ،وبهذا يكون الجميع مستفيدين بارتفاع معدل التوظيف والأجر الذي يدعم الطلب الكلي على السلع والخدمات مع زيادة الإنفاق، ويدعم نمو المنشآت الصغيرة والمتوسطة والاقتصاد.
الامر اكبر ، الاستشارات تكلف الدوله و الاستشاري يقدم ماذكر الموظفين الاصليين ويقدمها كإستشاره بمبالغ طائله، وهذه تكلف الدوله ثم لايؤخذ بها لعدم صلاحيتها للتطبيق. يجب اعادة النظر في الاستشارات وتكاليفها واهميتها وتخصص الاستشاري بعد التأكد من عدم قدرة الجهاز الحكومي من القيام بها
ماسويتو شي للمواطن
المتقاعد لابد أن تتهيئ له الظروف المعيشية والمالية لأنه مازال يخدم وطنه بإعداد جيل جديد يكمل مسيرة الآباء والأجداد لخدمة الدين والمليك والوطن. حب الوطن دم يمشي في الوريد ويضخ الدم الدم إلى شريان القلب..
مايحك ظهرك إلا ظفرك أن شاء الله ولاة أمرنا أنهم ما يقصرو وينظرو في حال المتقاعد الذي ضحى وأفنى عمره لخدمة دينه ومليكه ووطنة. والآن جاء رد الجميل من الدولة للمواطن المتقاعد لابد أن ينظرو في زيادة راتبه حيث أن المتقاعد إذا أحيل للتقاعد نزل من راتبه اكثر من 60 %
في ظل الرؤيا ٢٠٣٠ مافي شي يمنع زياده رواتب القطاع الخاص وتحديد معايير لذلك اقل شي الحارسات الامنيه للمواقع العامه من أسواق وغيرها لو يتم مراعاه هذا الملف وتكون حراسات امنيه متطوره لحساسيه بعض المواقع وان تكون هناك دورات متكرره من الأمن الوقائي في هذا الموضوع
lolo12299421 القطاع الخاص عبء على الدوله ياخذ دعم حكومي ولا يوطن سعوديين يتعاقد مع وافدين راتب عالى وبدل سكن وتامين طبي والسعودي مؤهل وراتبه ٣٠٠٠ يسكن ويتعالج ويدفع فواتير ماء وكهرباء اكبر من راتبه من وضع قانون العمل للمواطن مستشار وافد حاقد
lolo12299421 لدينا نخب مميزه من الاطباء السعوديين ثروه وطنيه اغلى من الذهب بداوا يهاجرون الى الغرب حيث من يقدر تميزهم وقانا الله واياكم من الوافدين السباكين والحدادين في مستشفياتنا
lolo12299421 مستثمر أجنبي يلوذ بالفرار بعد أن استحوذ على40 مليون ريال عبر alRiyadh
ماشاء الله تبي تكتب توصيه ثالثه لرفع رواتب السعوديين المفروض السعوديين في بلدهم رواتبهم عاليه او على الاقل متوسطه مو رواتب ضعيفه جدآ انت تعرف كم رواتب اغلب المتقاعدين ألفين ريال أو أقل المهم لاتنسى اكتب توصيه للرفع رواتب المتقاعدين خلهم يدعون لك
تفتفه
اصلا تبغى تعرف إن الفساد والاضطرابات الداخلية للبلد سببها مجلس الشورى طالع وجوههم ونظرات عيونهم وتعرف الحقيقة
يا ناس كان في توصية مر عليها أكثر من سنتين بأن يكون الحد الأدنى لرواتب السعوديين في القطاع الخاص 6019ريال ورفضها الشورى والحين يقول بيرفع توصية ثالثة الله لا يوفقكم
يا شيخ توصية ثالثة ليش ترفض الأولى ما كان هذا أهم من الشيشة تضحك علينا أنت واشكالك حسبي الله ونعم الوكيل فيكم
ماعاد فيه وظائف حكومية بالاساس
الله كريم
الغاء المادة ٧٧ مع رفع الرواتب مطلب ضروري وسريع
والي يخلصو السنه ويجيهم اخلاء طرف واستغناء ولا همهم شي الناس تفرح بلإجازه واحنا نزعل وتضيق علينا بس مانقول غير الله يفرجها
طق فش. مادام ريسكم موجود. مايقر اي شيء لصالح المواطن.لانه ابغض مايشوف اويسمع كلمة مواطن؟؟؟!!
كل التحيه والتقدير لصحيفة سبق ولكل الالعاملين انا من ذوي الاحتياجات الخاصه ومن كبار السن ....اتمنى ان تتاح لي فرصه لقاء بصحيفتكم ولدي ما اقوله من بعض المخالفات في عمق الشؤن الاجتماعيه نيابة عن فئة الاحتياجات والشعارات البراقه استهلاك ليس الا
ماعاد فيه امان وظيفي لا في الخاص ولا الحكومي جالسين نتبع الغرب حتى لو دخلوا جحر ضب لدخلناه
سواليف
عمري ٢٧ واشتغلت ب٩ شركات من يوم عمري ١٨ كل سنه بشركه وتطردني وين والأمان غير كرف ع الفاضي
هذا إن لقيتو موظف سعودي ، راحوا الراجيل فصّلو فيهم ومهّنو فيهم وإلّي باقي مافصلوه أخرّو رواتبهم من ثلاثة أشهر واكثر وعادهم يتفزّونهم يبغونهم يطلبون فصل وإنتم تشاورون وتقترحون (كلام)....
نبي خير هالبلد يبقى فيها ولشعبها الاجانب يتوظفون بلدنا وشبابنا عاطل ؟خير بلدنا يروح برا وحنا نشوف نبي القطاع الخاص يكون مثل الحكومي
القطاع الخاص حاب القاع يادوب متماسك وأنت تبي زيادة رواتب..الشركات تخفف من الموظفين وأنت تبي زيادة راتب..فكيف بحال المؤسسات..الرسوم تضاعفت. الله يرزق كل محتاج من واسع فضله..ويرزق كل عاطل الوظيفة.. البلد يحتاج هدوء قليلاً..قرار ورا قرار
القطاع الخاص ميهمه لاحقوق موظفيه ولا ظروفه الي حدته يعمل. بي الراتب المتدني الشكوة لغير الله مذله الشركة الي انا فيها ياخر الرواتب وفيه رواتب مستلمتها وراواتب ناقصه تهدده بي مكتب العمل عادي ميهمه وفوق هذا لي سنه وخمسه اشهر ماسوا تامين طبي كلمنا مكتب العمل لاحياة لمن تنادي
مرفوضه مقدما
👍🏻
افتح فرص استثمارية للقطاع الخاص وطالب برفع الرواتب ... مؤسسة دخلها السنوي بالسالب فكيف يرفع الرواتب .... نظام تصنيف المقاولين عقبة في التنافس بين تجار المقاولات على سبيل المثال
سرا الليل وحنا ماسرينا ...الي كمل الدندنه اكيد انها من صاحبات التوصيه الي قبله توصية كلية التربيه خل توصية التربيه تتم علشان تطلعون توصيه جديده
ابدأوا بالبنوك والشركات المساهمة فانها لها القدرة على دفع الرواتب العاليه عندهم إمكانية كبيره ولن يتضرروا
اولا ابعاء اخواننا المقيميين نهايي ثانيا رفع الرواتب للجميع ثالثا ان يكون هناك امان وظيفي وعدم التسلط رابعا الغاء العقود الوهميه والمناقصات لسرقه المال خامسا فتح محكمه لديها سلطه مثل النيابه العامه للقطاع الخاص وينصف المظلوم
يستاهلون كل خير و الله
من جدكم مُ طفشتو من الثرثره ؟ الاعلام عبارة عن تخدير لل المواطن يعبر عن رائيه لاكن لا ينسمع له خلاصة الموضوع خلك متابع بُ صمت .!!
كيف ترفع الرواتب والقيمه المضافه والضوابط الجديده كلها متناقضه علمني
لاتنسون المتقاعدين ترونهم يصرفون على العاطلين من ابنائهم ..غير اللي باقي يدرسون من الابتدائي للجامعه.. والله المتقاعد المفروض يزيد راتبه بعد التقاعد ما ينقص.. عندنا اعباء مايعلم بها الا الله ثم انتم....
القطاع_الخاص موبس الرواتب محتاجة تعديل ايضا الاجازات مو معقوله اجازة يوم واحد مانلحق نرتاح 🤬
ايه خير ان شاء الله واذا رفعوها بتروح لاهل الواسطات واللي ماهم محتاجينها والمساكين يقعدون في الديون
مجلس الشر عدو للمواطن
بدل رفع الراتب أدرسو وتحاورو لخلق آليه تعيد أسعار زمان
اهلا ياعضو مجلس الشورى اتركو الشعب وحكومته هي ابصرمنكم ماتدخولون في موضوع اوقضيه الا وتفسدونها وانت سابق في المجلس خلاص دور على مسجد اعتكف فيه ماحدسامع منك الله يصلحك
سنقدم توصيله ثالثه لرفع رواتب السعوديين 😂. مهزله السعوديين يشحدون حقهم بالحياة الكريمة وراتب جيد وإجازات مرضيه. ثم يقولون المواطن ثم المواطن وبالأخير يصوتون ضد المواطن. سقط القناع عن الجميع 🖐
اهم شي الأمن الوظيفي ، كيف وهو في لحظه يحصل نفسه في الشارع ، وصاف مع العاطلين .
فوازير رمضان
وتثبيت البنود متى
القرارت الى تخص المواطن السعودي تحتاج لأكثر من توصيه عند الطرح وفي النهاية ترفض اما القرارت التي تخص المقيم من اول توصية يتم الموافقة عليها
المواطن السعودي هو المغترب الوحيد في وطنه ؟!
k1430sa بس بعد لا يكون فيه ظلم على اصحاب المحلات والتجارة البسيطة بتقارن مؤسسة او شركة تدخل كم مليون بالسنة بمحل يدخل ارباح بسيطة ما يقدر يغطي راتب 6000 شهريا لكم سعودي
ودي أصدق بس قويه ...انتم ضد المواطن بكل شي..ومع الأجانب ماشاءالله عليكم مافي زيكم باقي بس تعطونهم الجنسيه
ياليت
مجلس الشورى لا يمثل إلا نفسه ...
بالله وشلون تبون المواطن يعيش حياة كريمة وراتبة ٣٥٠٠ الي ٦٠٠٠ ريال وشهادات عليا وغيرها والخ الخ ...وبالنهاية يجيك لبناني داق خشمة الجوع وتعطونه راتب ٥٠٠٠٠٠ الف ريال غير البدلات ...بالله لاتظحكون علينا انتم ورواتبكم ....والشق اوسع من الرقعة مثل ماقالو
انصف لهم يادكتور. الله يجزاك خير وخاصة المدارس الااهلية
😂😂😂😂 اتمنى انكم تشوفون حل للفصل التعسفي اما الزيادات انساها انتم حتى اجازة اليومين ماقدرتو عليها
هذي الاخبار الي تفرح ابشعب بشرط بدون ازتفاع الاسعار
والله انا موظف قطاع خاص في وضائف لكن رواتب متدنيه جداا جدا والا الوضائف موجوده اي محل يبي بالسوق سعودي
ياليت والله رواتبنا لاتليق بنا ولكن الحمدالله على كل حال الوقت ايش تكفي ٣٠٠٠ او ٤٠٠٠ للمتزوج
بالقطاااع الخااااص!! يارجااال بجميع القطاعات انت تطلب من حكومه ماتطلب من مواطن الناس اغلب رواتبها قروووض ورواتبهم صايره ماتوصلهم ل الشهر الي بعده
جمعه يبي يرفع الرواتب هههههههه والله يا جمعه انك منظر فقط وغالبيتكم منظرين اللي يعمل يخلص لوجه الله ثم يبحث عن خدمة وطنه ومواطنيه راتب سفريات وتامين وعلاقات تخلص شغلك وانت بسريرك وبدلات وامتيازات وسيارات وتبي ترفع توصيه عشان ترفع رواتبهم لاهي بصايره مثلك رواتبكم يا قل البركه فيكم
ملينا من ابر البنج من ١٥ سنه نسمع عن زيادة رواتب القطاع الخاص
خلهم يلتزمون بتسليم الرواتب و توطين الوظائف وعدم م فصل الموظفين تعسفيااا وبعدين اطلب زيادة رواتبهم
المشكله... موضفي القطاع براتب ٣٠٠٠ ماحنا سالمين منهم يبون ياكلونا وشولون لو ٦٠٠٠ . مانسلف معهم غير بمواعيد 😂
انتوا اضمنوا لهم الوظيفه الثابته مو يشتغل سنوات في القطاع الخاص ثم يفصل مثل الكثيرين اللي فصلوا بحجج واهيه وبدون مبرر واصبحوا هم واسرهم في مهب الريح اسألوا كم عدد المفصولين وماحدث لهم ولاسرهم تعرفون الحقيقه
نشوف اذا ماجلسو المتسعودين لهذا القرار ورفضوه
سنقدم .....لا شكر ... قدام استقالتك ابرك
ياخي شوفوا النظام العسكري يتقاعد الواحد يروح اكثر من النصف هذا هو الحق
أقيلووزير العمل بانت فضايح الأجانب وهوساكت ونائب مدير مطار الملك فهد لبناني رافضي
انا من شفت خشتك..متأكد راح يضيع الضمان الوظيفي..ليتك ساكت ابرك
القطاع الخاص الان في الرمق الاخير. والغالب لن يستطيع الاستمرار اكثر من كذا.
متى ان شاء الله ترا النور هذه التوصية وهل ستكون ملزمة ولا كلام أرجوكم يا مجلسنا الموقر المواطن اللي يعمل في القطاع الخاص مظلوم في كل شي الراتب وساعات العمل والإجازات والأجانب اللي مسكوهم المواقع القيادية ويقفون ضد السعودي
ليش توصية مايحتاج اعتبروهم اجانب بدون كفيل 😜
موظفي القطاع الخاص يحتاجون الى عقد الزامي بمدة طويلة لاتقل عن ٥ سنوات واكثر الضمان الوظيفي في القطاع الخاص اشبة بالمعدوم
راح فيها 😅
لا ينسانا المتقاعدين بحاجه لرفع الرواتب
والله انت وامثالك ستقضون على القطاع الخاص .. القطاع الخاص يئن الآن وبعضه يحتضر وبعضه مات وتم دفنه
سنقدم توصيه الله المستعان يعمل الشاب من 8الى4عصرا وبراتب3500 ومخصوم حق الاجازات
انتظروا تأجيل النقاش بالموضوع او رفضه مثل عوايدهم يلعبون على عواطف الناس كل مايخبصون بشي ❌
قبل رفع الرواتب المفروض يتم توظيف العاطلين في القطاع الخاص وطرد الاجانب المسيطرين على هذا القطاع
وحليل الشيبان المتقاعدين لا تنسوهم على دربكم
يا جماعة الخير المفصولين على مادة ٧٧ الي توقف عنهم ساند من وين يصرفون على اولادهم الوظائف كلها تروح للحريم
راتب البناني اللي. اشتغل ثمان سنوات ثم غادرنا بشتيمه.لو وزع راتبه على عشره موظفين سعوديين لكفاهم. لكن. القطاعات. الخاصه مثل النخله. العوجاء. اللي تمرها. يطيح في حوش الجيران
وبعدين ترتفع الأسعار
والعسكر الي سنين على راس العمل اخرتها لتقاعد ٣٠٠٠ سلامات
نطالب بتقاعده وان شاءالله تزين الأمور
الله كريم
مع الأسف الوقت غير مناسب اليوم هذا لانطلب من الحكومة الحكومة تطلب ونحن نجيب اليوم يوم التلاحم السعوديه اليوم مستهدفه انظر ماذا حصل لناقلات النفط في الخليج واليوم هجوم طائرات الدرن على خطوط نفطيه في الدوادمي وعفيف وخلية ارهابية تاروت المطلب يقظة الجميع
وكالمعتاد حيرفض المجلس....والله فضيحه سعودي يشتغل ببلده ويكرف ويكد واخر شي براتب ٣٥٠٠ وخبره١٤ سنه...
كفو لورد ڤاريس..!! varys GOT
هذا صاحب توصيه الاقامه المميزه او الدائمه !!!!😟 يتلاعبون بمشاعر الشباب وحاجاتهم
سنقدم ياصعبه عليك وفيه مصلحه للمواطن بعده بتقول رفض المجلس🇸🇦🇸🇦🇸🇦
امنيه وامنية كل مواطن سعودي ان يامر بصرف راتبين خلال هذا الشهر الكريم اسوة ببعض القطعات الحكوميه كا بنك التسليف امنية شعب ياخادم الحرمين حنا جنودك وخدامك
مهندس + ماجستير بإمتياز = (رب أسرة عاطل) يابن الحلال وظفونا بالأول 👎🏻👎🏻
كثر الله من امثالك يجب رفع الراتب ويكون فيه علاوه سنويه لانه لايوجد علاوه في القطاع الخاص ابد تعمل لدي الشركه براتب. مثلا 4000 تبقي علي نفس الراتب حتي تقاعد او تترك الشركه المصاريف تزيد والعايله تزيد والراتب نفسه لايوجد نظام متبع
إذا فيك خير للوطن والمواطن الله يوفقك..
ههههههههههههههاااي تعبت نفسك 😂😂😂
٩٩٪ هذا العضو يبي يمدد عضويته قال وش اسوي وش اسوي !! اي العاطلين والخاص والفقارى نرفع لهم شوي عشان تظبط الأمور 😀عليهم حركات ياخي
راتب المواطن السعودي يضيع بين اقصاد بنوك والا ضرايبه والا طمع تجار والا اجار سيارات ومع كل هذا وحتى بعد توصيت الدوله الا ان المواطن وخاصه صاحب الدخل المحدود مازال يعاني عظم الله اجرنا برواتب لاتسد الحاجه ولا تفي بمتطلبات الحياه الصعبه
اي تكفى انقذنا 😂😂 كلمهم وشوف التسريب من وين بالظبط تأكد ورد لنا خبر لاتنسى مع زحمة رمضان والعيد اوك
يبدو أن عضو الشورى يعيش في كوكب آخر، القطاع الخاص يحتاج الى الضمان الوظيفي ضد الفصل التعسفي بسبب المادة ٧٧ التي تسببت في قطع ارزاق المواطنين وهي مصيبة عظمى أكبر من كارثة تدني معدل الرواتب.
والله اغلب الموظفين السعوديين رواتبهم لاتكفي لخمسة ايام من استلام الراتب اتمنى من خادم الحرمين الشرفين ينظر لنا بعين العطف والحنان من اجل زيادة الرواتب اوحتى تحمل المديونيات التي لانقدر عليها المواطن السعودي يعاني يعاني لدرجة الجنون
حالات الفصل وعدم اعطاء الموظف الزياده التي يستحق ، سياسه تطفيش غير حالات الفصل التعسفي ، مصرف الراجحي مثلا يطلب من الموظفين مستهدف عالي وعند تحقيقه يتاثر تقييم الموظف بمجموع تقاييم الفروع الاخرى بالمنطقه والنتيجه عدم حصوله على علاوه او يحصل على علاوه لاتذكر . من يحاسبهم ؟؟؟
اقول نزلو رواتبنا المتاخره 3 أشهر بدون رواتب حسبي الله عليكم ونعم الوكيل اسال الله ان يحرمكم ملذات الحياة كما حرمتونا منها
خلهم يوظفون عيالنا اولآ وتوصية رفع رواتب السعوديين سواليف
بعد الهجوم عليه بسبب بعض أطروحات يأتي اليوم بكذبه جديده ليستعطف المواطن
اول شي حالات الفصل كيف؟
المملكة العربية السعودية أحدث الأخبار, المملكة العربية السعودية عناوين
Similar News:يمكنك أيضًا قراءة قصص إخبارية مشابهة لهذه التي قمنا بجمعها من مصادر إخبارية أخرى.
مصدر: Akhbaar24 - 🏆 4. / 63 اقرأ أكثر »
مصدر: aawsat_News - 🏆 16. / 53 اقرأ أكثر »
مصدر: France24_ar - 🏆 24. / 51 اقرأ أكثر »
مصدر: AlArabiya - 🏆 7. / 63 اقرأ أكثر »
مصدر: aawsat_News - 🏆 16. / 53 اقرأ أكثر »
مصدر: Arabi21News - 🏆 26. / 51 اقرأ أكثر »
مصدر: aawsat_News - 🏆 16. / 53 اقرأ أكثر »
مصدر: Arabi21News - 🏆 26. / 51 اقرأ أكثر »
مصدر: Akhbaar24 - 🏆 4. / 63 اقرأ أكثر »
مصدر: cnnarabic - 🏆 5. / 63 اقرأ أكثر »
مصدر: almowatennet - 🏆 15. / 59 اقرأ أكثر »