اومنی گروپ کی درخواست، ایف آئی اے سے جواب طلب

سندھ ہائی کورٹ میں اومنی گروپ کی ایف آئی اے تحقیقات اور ہراساں کرنے کے خلاف درخواست کی سماعت میں عدالت نے ایف آئی اے کو جواب جمع کرانے کی ہدایت کرتے ہوئے سماعت غیر معینہ مدت کے لیے ملتوی کر دی۔

اومنی گروپ کے سربراہ انور مجید کی ایف آئی اے کے خلاف درخواست کی سماعت میں ایف آئی اے حکام نے تحریری جواب جمع کرانے کے لیے مہلت طلب کرلی۔

منی لانڈرنگ کیس،انورمجید ،عبدالغنی ریمانڈ پر جیل منتقل

منی لانڈرنگ کے بڑے ا سکینڈل کیس میں انورمجید اوران...

دورانِ سماعت ایف آئی اے کے وکیل کی جانب سے مؤقف اختیار کیا گیا کہ متعلقہ حکام سے پوچھ کر بتا سکتے ہیں کہ مزید تحقیقات جاری ہیں یا نہیں۔

ایف آئی اے کے وکیل نے عدالت کو مزید بتایا کہ میگا منی لانڈرنگ کیس ایف آئی اے نے شروع کیا تاہم اب یہ نیب کو منتقل ہو چکا ہے۔

عدالت نے ایف آئی اے سے رپورٹ طلب کرتے ہوئے سماعت غیر معینہ مدت تک ملتوی کر دی۔

یہ بھی پڑھیئے: انور مجید اور بیٹے کا جسمانی ریمانڈ منظور

انور مجید کی جانب سے دائر درخواست میں مؤقف اختیار کیا گیا تھا کہ ایف آئی اے سے پوچھا جائے کہ کتنی انکوائریز چلائی جا رہی ہیں اور ایف آئی اے انکوائری کے نام پر ہراساں کر رہی ہے۔

انور مجید کی جانب سے درخواست میں عدالت سے استدعا کی گئی ہے کہ ایف آئی اے کو ہراساں کرنے اور انتقامی کارروائی سے روکا جائے۔