اسلام آباد : نیشنل کمانڈ اینڈ آپریشن سینٹر نے کورونا کے بڑھتے کیسز کے پیش نظر سخت اقدام اٹھاتے ہوئے دوران سفر ماسک کی پابندی لازمی قرار دے دی۔
تفصیلات کے مطابق نیشنل کمانڈ اینڈ آپریشن سنٹر نے کورونا کے کیسز میں اضافے کے پیش نظر بڑا فیصلہ کرتے ہوئے دوران سفر فیس ماسک کا استعمال لازمی قرار دے دیا۔
این سی او سی نے کہا ہے کہ اندرون ملک پروازوں، ٹرین اور پبلک ٹرانسپورٹ میں سفر کیلئے ماسک کا استعمال لازمی ہے۔
مزید پڑھیں : کرونا کیسز میں اضافہ، ڈومیسٹک فلائٹس میں فیس ماسک لازمی قرار
اس سے قبل سی اے اے نے ملک کے اندر پروازوں میں فیس ماسک ایک بار پھر لازمی قرار دیا تھا ، جاری نوٹیفکیشن میں کہا گیا کہ فیس ماسک سے متعلق سول ایوی ایشن کا فیصلہ فوری طور پر نافذ العمل ہوگا، نیز کرونا سے متعلق دیگر گائیڈ لائنز میں کوئی تبدیلی نہیں کی گئی ہے۔
نوٹیفکیشن میں تمام ایئر لائنز کو نئے حکم نامے پر فوری عمل درآمد کی ہدایت کی گئی تھی۔
خیال رہے پاکستان میں کورونا کے پھیلاؤ تیز ہوگیا ہے ، کراچی میں کورونا کےمثبت کیسزکی شرح بائیس فیصدسے زائدہوگئی جبکہ مظفرآباد 6، نوشہرہ 5، ایبٹ آباد چار، پشاور تین، اسلام آباد میں شرح دو فیصد ریکارڈ کی گئی۔
چوبیس گھنٹے میں مزید کورونا کے دو مریض انتقال کرگئے جبکہ تین سو بیاسی نئے کیس رپورٹ ہوئے۔
