محمدعباس کا ایک بارپھر ہمپشائر کاؤنٹی سے معاہدہ

 لاہور: پاکستانی فاسٹ بولر محمد عباس کا ایک بارپھر ہمپشائر کاؤنٹی سے معاہدہ طے پاگیا۔

ترجمان  کاؤنٹی کے مطابق عباس سیزن  کے آغاز سے ہی دستیاب ہوں گے اور دو ماہ تک کاؤنٹی کی نمائندگی کریں گے۔

دوسری جانب محمد عباس نے معاہدے پر خوشی کا اظہار کرتے ہوئے بہترین پرفارمنس دینے کا عزم کا اظہار کیا۔

انہوں نے کہا کہ ’ہمپشائر کے اسکواڈ کا حصہ بن کر گزشتہ سیزن میں کھیلنا میرے لیے بہترین تجربہ تھا، میں اپنی ٹیم کے لیے اچھی کارکردگی دکھانے کی کوشش کروں گا‘۔

HE’S BACK! @RealMAbbas226 has agreed to re-join Hampshire for the #LVCountyChamp

— Hampshire Cricket (@hantscricket) January 28, 2022

واضح رہے کہ گزشتہ سیزن میں محمد عباس نے چیمپئن شپ کے دوران 41 شکار کرکے ہمپشائر کی کامیابیوں میں اہم کردار ادا کیا تھا۔

انہوں نے لیگ کے دوران تین مرتبہ پانچ پانچ وکٹیں حاصل کیں تاہم ان کی بہترین بولنگ گیارہ رنز کے بدلے چھے وکٹیں تھیں۔

عباس فاسٹ بولر کائل ایبت کے ساتھ دوسرے غیرملکی کھلاڑی ہوں گے، جو رواں سیزن میں ہمپشائر کی نمائندگی کریں گے۔