مکہ مکرمہ : سعودی حکومت نے کل سے عمرے کیلئے اجازت نامے جاری کرنے کا اعلان کردیا ، عمرہ پرمٹ اعتمرنا اور توکلنا ایپ سے جاری ہوں گے۔
تفصیلات کے مطابق سعودی عرب کے وزیر حج و عمرہ کی جانب سے بیان میں کہا گیا ہے کہ عمرےکیلئےاجازت نامے اتوار سے جاری ہوں گے تاہم عمرہ زائرین کو کورونا سے متعلق ایس اوپیزپرعمل کرنا ہوگا۔
وزیرحج وعمرہ کا کہنا تھا کہ کل سے یومیہ 20ہزارعمرہ زائرین کواجازت نامےجاری ہوں گے، عمرہ پرمٹ اعتمرنااورتوکلناایپ سے جاری ہوں گے، غیرملکی اورسعودی شہری عمرہ پرمٹ حاصل کر سکیں گے۔
سعودی وزیر نے واضح کیا کہ عمرہ کے پرمٹ صرف ان لوگوں کو جاری کیے جائیں گے جنہوں نے کورونا سے بچاؤ کی ویکسین لگوا رکھی ہوگی۔
یاد رہے رواں ماہ کے آغاز میں سعودی عرب کی حکومت نے عمرے کی ادائیگی پر پابندی عائد کی تھی ، پابندی کا مقصد رواں سال کورونا ایس او پیز کے ساتھ حج کی ادائیگی کو ممکن بنانا تھا۔
