Kashmir, Kashmiri, Pakistan

Kashmir, Kashmiri

وزیر خارجہ کی ’’زبان کی لغزش‘‘ سے چسکہ فروشی

معاملہ وہی اندھی نفرت وعقیدت پر مبنی تقسیم کا ہے اور سوشل میڈیا کے ذریعے فریقین کے دلوں

12.9.2019

وزیر خارجہ کی ’’زبان کی لغزش‘‘ سے چسکہ فروشی معاملہ وہی اندھی نفرت وعقیدت پر مبنی تقسیم کا ہے javeednusrat SMQureshiPTI Kashmir Kashmir i StateDept POTUS ImranKhanPTI pid_gov Pakistan

معاملہ وہی اندھی نفرت وعقیدت پر مبنی تقسیم کا ہے اور سوشل میڈیا کے ذریعے فریقین کے دلوں

مخدوم شاہ محمود قریشی صاحب سے طویل شناسائی کے باوجود ذاتی تعلق نہیں بن پایا۔ سرِراہے ملاقات ہوجائے تو بہت احترام وتپاک سے ملتے ہیں۔ اسی حقیقت کو قطعاََ نظرانداز کرتے ہوئے کہ ا کثر میری بے رحم تنقید کا نشانہ بنے رہتے ہیں۔ ان کے اندازِ سیاست سے میں اکثر تلملاجاتا ہوں۔ ریمنڈڈیوس والے واقعہ کو ا نہوں نے زرداری- گیلانی حکومت کا ’’معاہدہ تاشقند‘‘ بنانے کی کوشش کی تھی۔ ذوالفقار علی بھٹو مگر بن نہ پائے۔ بالآخر تحریک انصاف میں شمولیت اختیار کرنا پڑی۔ ان دنوں ہمارے وزیرخارجہ ہیں مگر اپنے منصب کے تقاضوں کو کماحقہ نبھا نہیں پارہے۔

کئی بار اس کالم میں بہت ُدکھ سے بیان کرچکا ہوں کہ ہمارے حکومت مخالف صحافیوں اور سیاست دانوں کی اکثریت بضد ہے کہ

پاکستان کے وزیر اعظم کے حالیہ دورئہ امریکہ کے دوران ٹرمپ انتظامیہ نے ہمارے حکمرانوں کو ’’بتا‘‘ دیا تھا کہ مودی سرکار اپنے آئین کے آرٹیکل 370کو ختم کرنے جارہی ہے۔ اس کے بعد حکومتِ پاکستان کو مسئلہ کشمیر ایک ’’نئے زاویے‘‘ سے دیکھنے کیلئے تیار رہنا چاہئے۔ ’’مک مکا‘‘ کیلئے ذہن سازی۔’’نئے حقائق‘‘ کو تسلیم کرنے پر آمادگی۔عمران حکومت سے ہزار ہا اختلافات کے باوجود میں نے اس سوچ کو ہرگز تسلیم نہیں کیا۔صحافیانہ جستجو کے تحت ہوئی تحقیق کے بعد آج بھی یہ بات دہرانے کو بضد ہوں کہ امریکی حکومت کو ہرگز اندازہ نہیں تھا کہ نریندرمودی 5اگست کو کیا کرنے جارہا ہے۔

اصل حقیقت یہ ہے کہ عمران حکومت اپنے رویے سے اپنے مخالفین کے دلوں میں وزیر اعظم کے دورئہ امریکہ کی وجہ سے پیدا ہوئے شکوک وشبہات کی سنگینی کا ادراک نہ کرپائی۔ 5اگست 2019کے بعد ہوئے پارلیمان کے مشترکہ اجلاس کے دوران حکومتی صفوں سے نئی صورت حال سے نبردآزما ہونے کے لئے کوئی ٹھوس حکمت عملی ہمارے سامنے نہ آپائی۔ پیغام ہمیں یہ بھی ملا کہ نام نہاد ’’اُمہ‘‘ مشکل کی اس گھڑی میں ہمارا ساتھ نہیں دے رہی۔ دو ’’برادر‘‘ ممالک نے بلکہ مودی کو اپنے ہاں بلاکر اعلیٰ ترین اعزازت سے نوازا ہے۔

فقط چین نے واضح الفاظ میں آرٹیکل 370کے خاتمے کی مذمت کی۔اسی کی کاوشوں کی بدولت اقوام متحدہ کی سلامتی کونسل مقبوضہ کشمیر کو طویل عرصے کے بعد ایک ’’قضیہ‘‘ کی حیثیت میں زیر بحث لانے کو مجبور ہوئی۔یہ الگ بات ہے کہ سلامتی کونسل کا اجلاس بند کمرے میں ہوا۔اس کے اختتام پر کوئی اعلامیہ بھی جاری نہ ہوا۔

مجھے خدشہ ہے کہ بھارتی وزیر اعظم ’’غیر رسمی‘‘ ملاقات کے دودِنوں میں چین کیساتھ اپنے سرحدی تنازعات کو ’’ہمیشہ کے لئے ‘‘ ختم کرنے کی راہ نکالنے پر زور دے گا۔آرٹیکل 370کے خاتمے کے بعد لداخ کے ’’نئے Status‘‘ پر میرے خدشے کے تناظر میں غور کرنا ضروری ہے۔لداخ کی ’’نئی حقیقت‘‘ کو تسلیم کرنے کے عوض چین کو جنوبی بھارت کی بندرگاہوں تک رسائی کی اُمید بھی دلائی جاسکتی ہے۔

ہمارے ہاں مگر ان امکانات پر گفتگو ہی نہیں ہورہی۔ یہ طے کرلیا گیا ہے کہ چین اور بھارت کے مابین تعلقات میں تلخی ہمیشہ برقرار رہے گی۔اس حقیقت کو نظرانداز کرتے ہوئے کہ چین اور بھارت کے درمیان ان دنوں جو تجارت ہورہی ہے وہ بھارت کیلئے بھاری خسارے کا باعث ہے۔چینی اشیاء خریدنے کیلئے بھارتی خزانے کو سالانہ 60ارب ڈالر کی خطیر رقم کا ’’گھاٹا‘‘ برداشت کرنا پڑتا ہے۔

مزید پڑھ: Daily Nawa-i-Waqt

عالمی ادارہ صحت نہتے کشمیریوں کی زندگیاں بچانے کے لیے اقدامات کرے: وزیر خارجہوزیر خارجہ شاہ محمود قریشی نے عالمی ادارہ صحت ڈبلیو ایچ او کے ڈی جی سے ملاقات کے دوران کہا کہ مقبوضہ کشمیر میں خوراک اور ادویات تک میسر نہیں۔

بھارت نے مقبوضہ کشمیر کو دنیا کی سب سے بڑی جیل بنا رکھا ہے: وزیر خارجہ -جنیوا: وزیر خارجہ شاہ محمود قریشی نے انسانی حقوق کونسل کو مقبوضہ کشمیر میں ہونے والے مظالم سے آگاہ کرتے ہوئے کہا کہ بھارت نے مقبوضہ کشمیر کو دنیا کی سب سے بڑی جیل بنا رکھا ہے۔ تفصیلات کے مطابق وزیر خارجہ شاہ محمود قریشی نے انسانی حقوق کونسل کے اجلاس سے خطاب کرتے ہوئے …

وزیر خارجہ کی او آئی سی گروپ کے سفرا سے ملاقاتوزیر خارجہ شاہ محمود قریشی نے او آئی سی گروپ کے سفرا سے ملاقات کے دوران کہا کہ بھارت نے اب تک نہتے کشمیریوں کو کرفیو لگا کر محصور کر رکھا ہے۔

وزیر خارجہ کی جنیوا میں یو این سفرا، مستقل مندوبین کو مقبوضہ کشمیر پر بریفنگوزیر خارجہ کی جنیوا میں یو این سفرا، مستقل مندوبین کو مقبوضہ کشمیر پر بریفنگ SMQureshiPTI ForeignOfficePk ImranKhanPTI pid_gov UN UN_HRC Kashmir Issue

وزیر خارجہ کی ہیومن رائٹس کونسل کے صدر ایمبیسیڈر کولے سیک سے ملاقات | Abb Takk News

وزیر اعظم عمران خان سے وزیر اعلیٰ پنجاب عثمان بزدار کی ملاقاتوزیر اعظم عمران خان سے وزیر اعلیٰ پنجاب عثمان بزدار نے ملاقات کی ہے، جس میں پنجاب حکومت سے متعلق اہم امور پر تبادلۂ خیال کیا گیا۔

تبصرہ لکھیں

Thank you for your comment.
Please try again later.

تازہ ترین خبریں

خبریں

12 ستمبر 2019, جمعرات خبریں

پچھلا خبر

عمران خان دنیابھرمیں سفیرکی حیثیت سے کشمیریوں کا مقدمہ لڑرہے ہیں:ڈاکٹرفردوس

اگلا خبر

کوچ کیلئے انٹرویوز کی اندرونی کہانی
پچھلا خبر اگلا خبر