ترک ٹی وی کو انٹرویو دیتے ہوئے وزیرِ اعظم عمران خان نے امریکی صدر جو بائیڈن کے فون نہ کرنے کے سوال پر کہا کہ صدر بائیڈن اس وقت دباؤ میں ہیں، امریکی صدر جو بائیڈن تنقید کی زد میں ہیں، اس لیے مجھے ان سے ہمدردری ہے، امریکی صدر سے ہمدردی ہے کیونکہ کابل ایئر پورٹ کے واقعات کے باعث ان پر پبلک اور میڈیا کادباؤ ہے۔
انہوں نے کہا کہ ہم نے فیصلہ کیا ہے کہ افغانستان کے تمام ہمسایوں سے مشاورت کریں گے، ہمسایوں سے مشاورت کے بعد طالبان کی حکومت تسلیم کی جائے گی، پاکستان اگر تنہا طالبان کو تسلیم کر بھی لے تو اس سے زیادہ فرق نہیں پڑنا، ترجیحاً یہ ہونا چاہیئے کہ امریکا، یورپ، چین اور روس بھی طالبان کی حکومت تسلیم کریں، جلد یا بدیر امریکا کو طالبان کو تسلیم کرنا پڑے گا۔
پاکستان نے کالعدم ٹی ٹی پی سے غیر مسلح ہونے کا مطالبہ کر دیا، وزیرِ اعظم پاکستان عمران خان کا ترک ٹی وی کو انٹرویو دیتے ہوئے کہنا ہے کہ حکومتِ پاکستان طالبان کو غیر مسلح کرنے کیلئے مذاکرات کر رہی ہے۔ وزیرِ اعظم کا کہنا ہے کہ افغان حکومت گر گئی تو سب سے بڑے نقصان میں افغان عوام ہوں گے، افغانستان کی تاریخ پاکستان کی تاریخ سے جڑی ہے، افغانستان کی آدھی آبادی پشتون ہے، پاکستانی طالبان نے پاکستان کو امریکا کا ساتھی قرار دے کر حملے کرنے شروع کر دیئے، جنرل کیانی نے اوباما کو آگاہ کیا تھا کہ افغان مسئلے کا فوجی حل نہیں۔
انہوں نے کہا کہ برطانوی راج کے دوران پشتونوں نے 80 برس مزاحمت کی، افغانستان میں آئندہ کیا ہو گا مجھے نہیں معلوم، ہم صرف وہاں امن کی دعا کر سکتے ہیں، پاکستان امریکا کے ساتھ مسلسل رابطے میں ہے، پاکستان کے سیکیورٹی انٹیلی جنس سربراہ اور وزیرِ خارجہ امریکی ہم منصبوں سے رابطے میں ہیں۔ انہوں نے کہا کہ مقبوضہ کشمیر کا مسئلہ اقوامِ متحدہ سمیت دیگر فورمز پر اٹھاتے رہے ہیں، مقبوضہ کشمیر میں بھارتی فوج نے 80 لاکھ کشمیریوں کو کھلی جیل میں رکھا ہوا ہے، مقبوضہ کشمیر میں انسانی حقوق کی خلاف ورزیوں کو ہم یو این سمیت عالمی فورم پر اٹھا رہے ہیں، طالبان کی انسانی حقوق کی خلاف ورزیوں پر امتیاز نہیں برتنا چاہیئے۔
پاکستان تازہ ترین خبریں, پاکستان عنوانات
Similar News:آپ اس سے ملتی جلتی خبریں بھی پڑھ سکتے ہیں جو ہم نے دوسرے خبروں کے ذرائع سے جمع کی ہیں۔
ذریعہ: jang_akhbar - 🏆 7. / 63 مزید پڑھ »
ذریعہ: DailyPakistan - 🏆 3. / 63 مزید پڑھ »
ذریعہ: ExpressNewsPK - 🏆 13. / 53 مزید پڑھ »
ذریعہ: 24NewsHD - 🏆 19. / 51 مزید پڑھ »
ذریعہ: ExpressNewsPK - 🏆 13. / 53 مزید پڑھ »
ذریعہ: DailyPakistan - 🏆 3. / 63 مزید پڑھ »