کورونا سے بچنے کیلئے سماجی فاصلہ برقرار رکھیں، اجتماعی قربانی کریں، صدر علوی

صدر مملکت ڈاکٹر عارف علوی نے عوام سے اپیل کی ہے کہ کورونا وائرس سے بچنے کے لیے سماجی فاصلہ برقرار رکھیں اور عیدالاضحیٰ پر اجتماعی قربانی کریں۔

صدر مملکت عارف علوی کی زیرِ صدارت عیدالاضحیٰ کے دوران کورونا کے ضوابط سے متعلق اجلاس ہوا۔

اجلاس کے دوران عیدالاضحیٰ کی مناسبت سے کیے جانے والے حفاظتی اقدامات کے بارے میں بریفنگ دی گئی۔

اس موقع پر صدر عارف علوی کا کہنا تھا کہ تمام اسٹیک ہولڈرز بشمول علماء اور صوبائی حکومتوں کو اعتماد میں لیا جائے۔

اجتماعی قربانی کو ترجیح دی جائے، مفتی منیب

مفتی منیب الرحمٰن نے کہا کہ قربانی کی کھالیں جمع کرنے کا گزشتہ سال کا اجازت نامہ اس سال بھی قابل عمل ہوگا۔

انہوں نے عوام سے اپیل کی کہ کورونا وائرس سے بچنے کے لیے سماجی فاصلہ برقرار رکھیں اور اجتماعی قربانی کریں۔

صدر عارف علوی نے کہا کہ لوگوں میں وبا کے بارے میں شعور پیدا کرنے میں میڈیا کا اہم کردار ہے۔

ڈاکٹر عارف علوی نے کہا کہ میڈیا عوام کو حفاظتی تدابیر پر عمل کرنے اور مویشی منڈیوں میں جانے سے متعلق آگہی پیدا کرے۔