راولپنڈی: کرونا وائرس کے پیش نظر فاسٹ بولر سہیل تنویر نے ضرورت مندوں میں ایک ماہ کا راشن تقسیم کرنے کا اعلان کردیا۔
تفصیلات کے مطابق کرونا وائرس کی وبا کے سبب ملک بھر میں لاک ڈاؤن کیے جانے کے بعد مزدور طبقہ سب سے زیادہ متاثر ہوا ہے ایسے میں مخیر حضرات کی جانب سے ضرورت مند لوگوں کی مدد کی جارہی ہے۔
قومی ٹیم کے فاسٹ بولر اور پی ایس ایل فائیو میں ملتان سلطانز کی نمائندگی کرنے والے سہیل تنویر بھی ضرورت مندوں کی مدد کے لیے میدان میں آگئے۔
سماجی رابطے کی ویب سائٹ ٹویٹر پر سہیل تنویر نے کہا کہ ’ہم راولپنڈی میں ضرورت مند لوگوں میں ایک ماہ کا راشن تقسیم کررہے ہیں۔‘
We are distributing one month ‘Ration’ to the families in need,if u know anyone around you in rawalpindi or if someone wants to contribute plz msg or call on 03335514374..we will provide them on their doorstep secretly #StayAtHomeSaveLives pic.twitter.com/2GldTxdjW8
— Sohail Tanveer (@sohailmalik614) March 25, 2020
انہوں نے لکھا کہ اگر آپ راولپنڈی کے آس پاس کے علاقوں میں کسی ضرورت مند کو جانتے ہیں یا کوئی اس کار خیر میں حصہ ڈالنا چاہتا ہے تو ہمیں 03335514374 پر میسجز یا کال کریں۔
سہیل تنویر نے مزید کہا کہ ضرورت مند افراد کو گھر کی دہلیز پر راشن فراہم کیا جائے گا۔
واضح رہے کہ پاکستان میں کرونا وائرس کے مریضوں کی تعداد ایک ہزار22 تک جاپہنچی ہے جبکہ کرونا وائرس سے انتقال کرجانے والوں کی تعداد 8 ہوگئی ہے۔
