کراچی: اے آر وائی ڈیجیٹل نے عوامی خواہش اور مطالبے کو مدنظر رکھتے ہوئے شہرہ آفاق ڈرامے میرے پاس تم کو دوبارہ نشر کرنے کا اعلان کردیا۔
میرے پاس تم ہو ڈرامہ تیس مارچ سے اے آر وائی ڈیجیٹل پر ہر پیر اور جمعے کو قسط وار رات دس بجے ریلیز کیا جائے گا۔ یاد رہے کہ میرے پاس تم ہو نے پاکستانی ڈرامہ انڈسٹری کو ایک نئی جلا ایسے وقت میں بخشی جب لوگوں کا ڈراموں کی طرف رجحان کم تھا، ڈرامے کی آخری قسط کو ملک بھر کے سینیما گھروں میں ریلیز کیا گیا جسے ہزاروں کی تعداد میں شائقین نے دیکھا۔
مزید پڑھیں: میرے پاس تم ہو: اک شخص پورے پاکستان کو افسردہ کر گیا
اگر انٹرنیٹ کی بات کی جائے تو یوٹیوب پر بھی ڈرامے کی ہر ہر قسط کو بھی لاکھوں ویوز ملے، آخری قسط نشر ہونے سے پہلے ایسا بھی تھا کہ ہر دوسرے شخص ڈرامے کے کردار اور اس کی کہانی پر بات کرتا نظر آرہا تھا۔
#MerayPaasTumHo is back on Public Demand!
Starting from 30th March, Mon-Fri at 10:00 PM only on #ARYDigital@iamhumayunsaeed @adnanactor @nadeembaigg pic.twitter.com/AsX4ld6WhW— ARY Digital (@arydigitalasia) March 25, 2020
ڈرامے میں اداکارہ عائزہ خان نے مہوش جبکہ ہمایوں سعید نے دانش اور عدنان سعید نے شہوار کا کردار ادا کیا۔ ڈرامے کے لکھاری خلیل الرحمان قمر ہیں جبکہ اس کی ہدایت کاری کے امور ندیم بیگ نے انجام دیے۔
ڈرامے کی کہانی
ڈرامے کی کہانی تین اہم کرداروں دانش، شہوار اور مہوش کے گرد گھومتی ہے، مہوش کی دانش سے شادی ہوتی ہے جس کے بعد اُن کے ہاں رومی کی پیدائش ہوتی ہے، ذرائع آمدن کم ہونے کی وجہ سے مہوش شادی کے بعد بھی اپنی ملازمت جاری رکھتی ہے اور پھر وہ آہستہ آہستہ شہوار سے قریب ہوتی چلی جاتی ہے۔
یہ بھی پڑھیں: میرے پاس تم ہو: خلیل الرحمان قمر نے کئی رازوں سے پردہ اٹھا دیا
ایک وقت میں مہوش علیحدگی کا فیصلہ کر کے دانش کو چھوڑ دیتی ہے اور پھر وہ شہوار سے شادی کے لیے اُس کے گھر چلی جاتی ہے، بارات کے عین موقع پر شہوار کی پہلی اہلیہ کی آمد ہوجاتی ہے اور پھر مہوش کہیں کی بھی نہیں رہتی، اسی دوران دانش اور رومی کی ٹیچر ہانیہ کے درمیان بھی قربت ہوجاتی ہے۔ آخری قسط میں دانش کو مرتے ہوئے دکھایا گیا۔
Meray Paas Tum Ho – Back on Public Demand
#MerayPaasTumHo is back on Public Demand!
Starting from 30th March, Mon-Fri at 10:00 PM only on #ARYDigitalPosted by ARY Digital on Wednesday, 25 March 2020
