Watch more in iWantTFC Dumami pa ang mga boses na pumapalag sa bintang na sentro ng recruitment ng New People's Army ang mga unibersidad. Ayon kay PLM President Emmanuel Leyco, bukod sa walang katibayan, masama ang timing ng paratang dahil hirap na hirap na nga ang kanilang mga guro at estudyanteng mairaos ang online learning sa panahon ng pandemya.
Dinepensahan din ng Ateneo, La Salle, UST, at FEU ang kalayaang magsalita at magprotesta, at sinabing dapat silang manatiling malaya mula sa kontrol ng estado. Noong Biyernes, iniharap ng 5th Civil Relations Group ang isang taong nagpakilalang si Joy James Saguino, isa umanong dating estudyante ng UP Visayas na kalauna'y naging NPA member.May mga kolehiyo rin umano sa UP na partikular na pinamumugaran ng makakaliwang grupo pati ang ilang opisina.Binuweltahan naman ni UP President Danilo Concepcion ang mga paratang dahil walang ipinapakitang ebidenisya.
Noong Sabado, pinangalanan din ng militar na miyembro ng NPA ang ilang UP alumni, na umano'y nadakip at napatay na.
Philippines Latest News, Philippines Headlines
Similar News:You can also read news stories similar to this one that we have collected from other news sources.