Umaapela rin ang ahensiya sa mga nag-housing loan na hindi na nakakabayad dahil sa epekto ng pandemya na agad mag-apply ng housing loan restructuring program para maiwasang mailit ang bahay.Walong taon nang naghuhulog ng Pag-IBIG housing loan si Aquino pero ngayong may pandemya, nadagdagan ang gastusin ng pamilya.
Kaya naisipan niyang mag-apply ng housing loan restructuring program kung saan tigil muna ang mahigit P8,000 na buwanang hulog na itutuloy sa Marso pa ng susunod na taon. "Siyempre ang masi-save doon puwedeng dagdag sa finances sa bahay so malaking tulong siya... Malaking savings ang mga 4 months. Imagine pandagdag lalo na sa electricity bill tumaas din kasi dito ako nagwo-work," ani Aquino.
Ang isa pang target ng programa ay 'yung mga may housing loan na di na nakakabayad sa loob ng 12 months o mula Setyembre 2019.Dahil sa mga grace period at moratorium dulot ng Bayanihan law, pasok sa housing loan restructuring program ng Pag-IBIG kahit Mayo 2019 pa di nakabayad.
Dahil sa epekto ng pandemya, ipinagpaliban na rin sa taong 2022 ang nakatakda sanang dagdag kontribusyon ng Pag-IBIG na P50.—Mula sa ulat ni Alvin Elchico, ABS-CBN News
Philippines Latest News, Philippines Headlines
Similar News:You can also read news stories similar to this one that we have collected from other news sources.