، حديث الجميع حول مصر، حيث إنها قالت فى لقاء لـ"تليفزيون اليوم السابع": "راعوا إننا مصريين واحنا بنصدر صورة لمصر للعالم كله، ولازم الانطباع يكون كويس، ومش كل فضايحنا تبقي على السوشيال ميديا، لأن الدول التانية بيستهدفوا مصر".
وقالت معلمة الدقهلية إنها دوماً ما تقول عن نفسها أنها "حد طيب جداً"، وبسؤالها عن العودة للرحلات المدرسية والمشاركة بها، قالت: "لو طلعت هطلع بأدب وهلتزم الصمت"، مشيرة إلى أنها متفقة مع أصحاب الرد بأن الحرية الشخصية فى المنزل وليست أمام الناس، مضيفة أن أسرتها كانت داعمة لها، ووقفت بجانبها بعد تفهم الموقف.
وقالت آية يوسف، المعروفة إعلاميا بمعلمة الدقهلية، لـ"تليفزيون اليوم السابع": "كنت فى حالة انهيار من كل الناس اللى كانت واقفة ضدي، وكل ما افتح الفيس بوك كل كلام الناس آية آية آية، واللى حصل أخدت جزائي عليه". وبسؤالها عن فكرة الحرية الشخصية قالت معلمة الدقهلية: "الحرية الشخصية تبقى فى بيتك ومتبقاش بره، لأنه فعلاً الحرية الشخصية تبقي فى البيت ومش بره، وأنا فرحت من كتر الضغوط وكتر المشاكل، فرحت 6 دقائق لما الملف اتقفل والموضع انتهى، وهنزل مدرستي وأحاول أعيش حياتي وأذاكر لعيالي وأذاكر لنفسي وأشوف مستقبلي، ولما صدر قرار الوزير كنت مبسوطة لأنه مستقبلي مراحش وأنا لسه بدرس، ونفسي أخلص الماجستير وأناقش رسالتى والكل ييجي يصورنى وأنا بناقش رسالة الماجستير بتاعى".
كدا يبقي تمام حريتك داخل بيتك عزه لكي ولأسرتك مش لازم نقلد عديمي القيم
❤
معلمه ونعم التعليم
الحمدلله وربنا يسترها معاكى
معلش اصبحنا كلنا جلادين ومش راحمىن بعض
هو انتي لسه واخده بالك دلوقتي ان الحريه الشخصيه في البيت مش في الشارع وان لازم علشان يبقي براحتي ارقص في الشارع هربت منك دي يا استاذه
انا احترام وتقدير هذا المدرسه
حضرتك مدرسه فاضله وقدوة لكل الطلابه ازي ترقصي في مكان عام وسط الناس منك لله بوظتوا البلد،،😡😡
الدنيا مبتعلمش ببلاش.
انتي انسانه محترمه المجتمع هو الظلمك
لسه عارفه ان الحريه الشخصيه في البيت لا حول ولا قوة الا بالله العلي العظيم
كفاية اخبار عنها عايزين منها ايه
الموضوع ده بوخ وخد اكتر من حقه وجوزها خلص الموضوع وجاب من الاخر وانا معه فى اللى عمله واللى هيدفع عنها هقوله حط نفسك مكان جوزها ولو وافق يبقى اكيد خروف
ربنا يهديها و يغفر لها.
مش عارفه ليه مش قادرة اتعاطف معاكى انتى واحده مستهتره مش بتراعى غيبة زوجك لانه لو.كان موجود ماكنتيش اتجرأتى وعملتى كده وكفايه هرى بقى عشان انتى مزوداها ختى اكتر من وقتك 😏😏😏
عفا الله عما سلف وكل بني آدم خطاء يا حبيبتي ((كل بني آدم)) من غير استثناء و((خطاء)) يعني كثير الخطأ وإن شاء الله القادم أفضل لك ربنا يسترها علينا جميعا ويتولانا برحمته
طالما إنها حرية شخصية إنها تعمل كده.... واحنا المفترض ميبقاش لينا رأى مع إنها بقت قضية رأى عام..... فكمان جوزها عنده حرية شخصية وطلقها..... وكمان فيه ناس كتييير جدا جدا كحرية شخصية شايفيين إن اللي حصل غلطة كبيرة منها كزوجة ومعلمة وهي معترفة بيها... وبالعكس ده مش ضعف دي قوة منها
انتو جريدة قذرة ها اعمل لكم بلوك
ليه بس كده ده انتي كان فاضلك رقصة تاني وتنافسي صافينار وتجيبلنا ذهبية من الاولمبيات
حرام عليكم كدة
عاقله يا مس :-)
الحرية تساوى المسئولية وطالما انك حر إذا فأنت مسئول
ماسمهاش حريه شخصية اسمها حياء ان لم تستحي افعل ماتريد الانسان ممكن يعمل أي حاجه برة من حقه ولكن لكل مقام مقال وانت مهنتك لها قيود و اخلاقيات بعكس الراقصه اللي لازم ترقص برة حتى تعجب و ان رقصت في مكان مغلق تصبح مومس لكل مهنه قواعد
يعني عدم المؤاخذة مصر بتشتهر بالرقاصات اكتر من الاهرامات هي شو الشي الغريب لعملتو لحتى قامت القيامة عليها ؟ اذا حدا لازم يتعاقب هوي الانسان الساقط الي نشر الفيديو وبيعرف انو هيك رح تكون ردة الفعل تجاهو ودمرلا حياتا للمخلوقة بالنهاية مين فينا ما بيتمنى انسة ما بتحب الرقص والفرح 🤣
شوية صحفيين مرتزقه همهم جمع لايكات وتعليقات ، مالنا احنا ومال شعر شرين ولا بطن ياسمين ورقص المدرسه ، خلاص اتحلت مشاكل العالم ومفيش مشاكل تاني ، كفايه هيافه واشغال الناس بأموور تافه يا صحفيين عرر
منه لله الحيوان ال صورك. وبعدين أنا شخصيا مش شايف انك عملتي حاجة غلط عشان كل ده ربنا معاكي وينصرك وبلاش الضعف ده خليكي قويه
كفاية بقى ظهور ولقاءات مالهاش لازمة
الجريمة هي الحالة الهستيرية و الجنونية التي وصل اليها فكر المجتمع الذي ادان الحرية في التعبير عن الفرح . هذا الجنوح نحو هذا الرفض هو نتاج المناخ القمعي دينيا و سياسيا في البيئة المحلية .
الحرية الشخصية لا تتجزأ. انت لم ترتكبي أي جريمة ضد القانون. من حقك ان تفرحي و تعبري عن فرحك بهذه الطريقة .
هو عجبك الموضوع وكل يوم بيان ،، يبقى اللي حصل كان مقصود ،، وعايزة تشتهري
ياريت نقفل علي الموضوع ده لانه اخد اكثر من حقة ودماغكم بقي
اقعد فى حته بقه
كفاية يا كده يا يوم يا سابع كفاية سياستكوا دي واحترموا نفسكوا والقراء
غريب ردة فعل المجتمع المصري على هذه المراة … صارت قضية راي عام.. انا ما شايفة في شي غلط.. كتير ظلم لان هي مش في الخفاء … عم تعبر عن فرحها بين زملاىها والكل كان موجود… انا رأيي تحاسبو مبن سرب الفيديو … يكفيكم ما حصل للصبية البريئة بسنت
محدش يرد. الموضوع بوخ وسخف
بطلى قرف بقى بجد انتى واللى شبهك اللى مضيعين وقتنا فى محن وكلام فاضى .. اللى شبهك وعندهم مشاكل نفسية ماحدش بيجبرهم على حاجة . روحوا اتطلقوا واحترموا حرياتكوا الشخصية وبطلوا صداع
حلوه حكايه الدول التانيه بتستهدف مصر ده الدول التانيه اقل حاجه فيها هى الرقص وانتى حره اعملى اللى انتى عاوزاه بس المشكله كلها انك مدرسه لاطفال ولازم تكونى قدوه مش اكتر
يافندم حضرتك مش غلطانة اللي غلط هو اللى صور ونشر وخرب البيوت منة لله يارب يشوفة فى امة وزجتة وعيالة .. ربنا يفضحة ويكسر قلبة .. لكن حضرتك شخصيه محترمه نكن لها كل تقدير واحترااام 🌷
هو احنا مش هنخلص من الحوار ده 🤨
انتي شكلاك شمال
أنت حره فى أى مكان..... زمان كانت الصحفيه منى الحسينى فى مقدمة برنامجها تقول مقوله ( إن خفت ما تتكلمش وإن تكلمت لا تخف) وانا أقول بدل الكلام ما نفعله.... فى أصول التربيه للأبناء ما تخجل أو تخاف أحدا يعرفه هذا الخطأ أو خطيئه فلا تفعله.
من أعمالكم سلط عليكم
يقول ابن القيم: 'الحزن يضعِف القلبَ ويضرُّ الإرادة، ولا شيء أحب إلى الشيطان من حزن المؤمن؛ لذلك افرحوا واستبشِروا وتفاءلوا، وأحسنوا الظنَّ بالله'.
مصر أحدث الأخبار, مصر عناوين
Similar News:يمكنك أيضًا قراءة قصص إخبارية مشابهة لهذه التي قمنا بجمعها من مصادر إخبارية أخرى.
مصدر: youm7 - 🏆 7. / 63 اقرأ أكثر »
مصدر: Mobtada - 🏆 2. / 63 اقرأ أكثر »
مصدر: akhbarelyom - 🏆 20. / 51 اقرأ أكثر »
مصدر: ElwatanNews - 🏆 23. / 51 اقرأ أكثر »
مصدر: Mobtada - 🏆 2. / 63 اقرأ أكثر »
مصدر: Mobtada - 🏆 2. / 63 اقرأ أكثر »