حسبى الله ونعم الوكيل فى اللى قتلوا ابنى ، قطعوا جسمه بالمطاوى وسابوه ينزف لغاية ما مات ، المجرمين يتموا طفل عنده شهر لسة ابنى ما فرحش بيه، احنا بقينا عايشين فى غابة القوى فيها هو اللى بيعيش، انا مش هاقبل بأقل من إعدام للى قتلوا ابنى" بهذه الكلمات بدأت والدة عامل، قتله مسجل خطر طعنا بالمطاوى فى مشاجرة بمنطقة الشرابية، لتدخل المجنى عليه فى الدفاع عن شقيقه الأصغر من المتهمينانتقل اليوم السابع لمنطقة الشرابية ، حيث الحزن والغضب يخيمان على أهالي المنطقة جراء ما حدث ، الكل اجمع على طيبة واخلاق...
تقول والدة المجنى عليه بكلمات تحبسها الدموع على فقدان فلذة كبدها، أن ابنها مات على يدها في الشارع ، وقال لها "خلى بالك من ولادى" وهو اصعب مشهد مر في حياتها أن ترى ابنك يلفظ أنفاسه الأخيرة وانت عاجز عن إسعافه، بسبب كثرة الطعنات التي أصابته من المتهمين ، مشيرة إلى أنها تطالب بالقصاص من قتلة ابنها ، وأنها لن تقيم عزاء قبل الحكم بالإعدام على المتهمين.
وأضافت ان ابنها ترك لها طفلين، أحدهما رضيع لم يكمل شهر وطفل اخر ، يواجهان المصير المجهول بعدما فقدوا الاب والسند الذى كان ينفق عليهما من اجل تربيتهما. بينما قال والد المجنى عليه ، أن الواقعة بدأت بمشادة بين ابنى الصغير مع بعض أطفال عائلة المتهمين، حيث اعتدى المتهمون بالضرب على ابنى الصغير وعندما حاول ابنى احمد التدخل لفض المشاجرة وتخليص شقيقه الأصغر، حيث رفع يده أمام المتهمين وقال لهم "انا مش جاى اتخانق"، ولكن مزق المتهمين جسده بالمطاوى في الشارع ، وعندما حاولنا اسعافه اطلقوا النار من بنادق خرطوش في المنطقة، لترهيب الأهالي ومنع انقاذ احمد من الموت ، حيث ظل يردد المتهم "انا اللى قتلت بالوظة يا منطقة حيث كان ابنه يشتهر باسم...
مصر في عهد السيسي
لازم ياخد حق المظلوم ويتم إعدام المجرم القاتل
وفي الاخر القانون يقولك مشاجره وياخد سجن بس حرااام اللي زي ده لازم ياخد اعدام الظالم حتى مسابش الناس تلحقه قهر ام واب ويتم اولاد حسبنا الله ونعم الوكيل
وفي الاخر القانون يقولك مشاجره وياخد سجن بس حرااام اللي زي ده لازم ياخد اعدام الظالم حتى مسابش الناس تلحقه قهر امرواب ويتم اولاد حسبنا الله ونعم الوكيل
والله القتل كتر اليومين دول اين الشرطة بلاش صهينه على البلطجية إلا عدام للبلطجه
حسبنا الله ونعم الوكيل
لا حول ولا قوة الا بالله بجد
لا حول ولا قوة إلا بالله
هذا الامر يستدعى تدخل وزير الداخليه بدون تردد
الله يرحمه ويغفر له ويسكنه فسيح جناته ويلهم أهله الصبر والسلوان وان لله وانا اليه راجعون اللهم اغفر له وارحمه وعافه واعف عنه ووسع مدخله واكرم نزله في الجنه وحسبنا الله ونعم الوكيل
المفروض جرائم البلطجة وحمل السلاح تتحول للقضاء العسكرى لسرعة الاجرأت
حق_اكرم_لازم_يرجع
الحكومة بتبقى موجودة لو حد اتكلم في السياسة بس أو أي سبوبة فيها فلوس . غير كدة موووت ياحمار
صم البلد دى
لا حول ولا قوة الا بالله . نتمنى من المشرعين تغليظ عقوبات حمل السلاح الابيض مش معقوله كل يوم نلاقي شجار او قتلى الموضوع اصبح كانه ثقافه يستخدم في القتل والتهديد والسطو والاغتصاب والتشويه . مش معقول بنطور وبننهض بالبلد والشعب الواجهه يكون مشوه نتمنى من المسؤولين التصدي للظاهره دي
اين الشرطة في هذه الدوائر الخطرة اذا اتصل حد بالشرطة واستغاث ممكن يجوا او ما يجوش وفي النهاية يجيلك واحد علي موتسكل ومعاه امين شرطة لاحول لهم ولا قوة والمجرمون دول يجب ان يحالوا الي محاكمات عسكرية بدلا من تحويل مخالفات البناء اهتموا بأمن الناس ولحمايتهم من كل المسجلين المجرمين
فين 😡الشرطه اللي باتحمي أمن البلد من الدخل وسايبين مسجل زاي ده كده
اذا الخبر صح مسجل الخطر ده يتم إعدامه بدون اي استئناف أو نقض
مناطق بت وسخة وناسها وسخة مش رجالة لو يدفعولى فلوس ما أعيش فيها ولا انزلها. الحمد لله اننا صعايدة. و حكومة برضوا وسخة سايبة ولاد الكلب دول.
الشرابية من أخطر الأماكن اللي روحتها قبل كدا.
الي بيقول فين الحكومه جرب كده واتصل بيهم ٥ او ١٠ مرات وشوف ايه الي حيحصل وقولنا
رايحة على فين يابلد كمية جرائم غير طبيعية
فين الحكومه وفين القانون اللي شادد حيله الايام دي علي التك توك 😠😠ها ياحكومه فين الحق
اقصى عقوبة للردع
مصر أحدث الأخبار, مصر عناوين
Similar News:يمكنك أيضًا قراءة قصص إخبارية مشابهة لهذه التي قمنا بجمعها من مصادر إخبارية أخرى.
مصدر: youm7 - 🏆 7. / 63 اقرأ أكثر »
مصدر: AlAhramGate - 🏆 5. / 63 اقرأ أكثر »
مصدر: Mobtada - 🏆 2. / 63 اقرأ أكثر »
مصدر: youm7 - 🏆 7. / 63 اقرأ أكثر »
مصدر: baladtv - 🏆 14. / 51 اقرأ أكثر »
مصدر: youm7 - 🏆 7. / 63 اقرأ أكثر »